អាមេរិកថា បាល់ឡុងហោះចិនពិតជាបំពាក់ឧបករណ៍ចារកម្ម
អាមេរិក-ចិន ៖ សហរដ្ឋអាមេរិកបានបា.ញ់ទម្លាក់បាល់ឡុងហោះមួយរបស់ចិន កាលពីថ្ងៃទី៤ កុម្ភៈ
អាមេរិក-ចិន ៖ សហរដ្ឋអាមេរិកបានបាញ់ទម្លាក់បាល់ឡុងហោះមួយរបស់ចិន កាលពីថ្ងៃទី៤ កុម្ភៈ ក្រោយពីបាល់ឡុងនោះហោះហើរក្នុងដែនអាកាសខ្លួន ចាប់តាំង ពីថ្ងៃទី៣កុម្ភៈមក។ បែបនេះនាំឲ្យចិនមានការខឹងសម្បាយ៉ាងខ្លាំង និងបណ្ដាលឲ្យទំនាក់ទំនងរវាងចិននិងអាមេរិកកាន់តែតានតឹងថែមទៀត។ ចំពោះរឿងនេះកាលពីថ្ងៃទី៩កុម្ភៈ បណ្ដាអ្នកទទួលខុសត្រូវអាមេរិកនិយាយថា រូបភាពទាំងឡាយចាប់បានដោយបណ្ដាយន្តហោះយោធាអាមេរិកបង្ហាញថា បាល់ឡុងនេះ ពិតជាបំពាក់ឧបករណ៍ចារកម្ម ហើយពុំមានបំពាក់ឧបករណ៍ឧតុនិយមឡើយ។ គួររំលឹកថា ទីបំផុត! អាមេរិកបា.ញ់ទម្លាក់បាល់ឡុងហោះចិនមួយពីលើសមុទ្រ (វីដេអូ)
អ្នកទទួលខុសត្រូវជាន់ខ្ពស់ម្នាក់នៃក្រសួងការបរទេសអាមេរិក ដែលមិនបញ្ចេ ញឈ្មោះថ្លែងថា រូបភាពនានាថតបានដោយបណ្ដាយន្តហោះសើុបការណ៍អាមេរិកU2 គូសបញ្ជាក់ថា សម្ភាររបស់បាល់ឡុងនោះច្បាស់ណាស់គឹសម្រាប់សង្កេតក្នុងទិសដៅចារកម្ម ហើយមិនមែនឧបករណ៍ឧតុនិយមឡើយ។ក្នុងសេចក្ដីប្រកាសមួយលោកបន្តថា បាល់ឡុងនោះមានអង់តែនជាច្រើន ដែលអាចប្រមែប្រមូលទិន្នន័យនិងកំណត់ទីតាំងគមនាគមន៍។ បាល់ឡុងនេះនៅមានបំពាក់ប៉ាណូព្រះអាទិត្យដែលអាចផ្ដល់ថាមពល ដល់បណ្ដាឧបករណ៍សើុបការណ៍់។
អាមេរិកចាប់ផ្ដើមត្រួតពិនិត្យបំណែកបាល់ឡុងដែលស្រង់បានពីសមុទ្រ ហើយបណ្ដាអ្នកទទួលខុសត្រូវនៃក្រសួងការបរទេសអាមេរិកអះអាងថា បាល់ឡុងនេះបំពាក់ឧបករណ៍ ផលិតដោយសហគ្រាសចិនមួយដែលគេស្គាល់ថាស្និទ្ធកងទ័ពចិន៕
ចែករំលែកព័តមាននេះ