តើអ្នកដឹងថាមានថ្នាំអស្ចារ្យមួយដែលអាចផ្លាស់ប្តូរអ្នកទេ ? វាជាថ្នាំដ៏សាមញ្ញបំផុត និងមានទម្រង់ចំណាយដ៏មានប្រសិទ្ធភាព ហើយវាគ្មានអ្វីផ្សេងក្រៅពីការគេងនោះទេ ។
ការគេងគឺមាន
តើអ្នកដឹងថាមានថ្នាំអស្ចារ្យមួយដែលអាចផ្លាស់ប្តូរអ្នកទេ ? វាជាថ្នាំដ៏សាមញ្ញបំផុត និងមានទម្រង់ចំណាយដ៏មានប្រសិទ្ធភាព ហើយវាគ្មានអ្វីផ្សេងក្រៅពីការគេងនោះទេ ។
ការគេងគឺមានសារសំខាន់សម្រាប់សុខភាពទូទៅ និងសុខុមាលភាព ។ នៅពេលដែលមនុស្សគេងតិចជាង៦ទៅ៧ម៉ោងជារៀងរាល់ថ្ងៃ ពួកគេងាយនឹងទទួលរងផលប៉ះពាល់ដោយសារជំងឺមួយចំនួន ។ ការគេងមានអត្ថប្រយោជន៍ចំពោះសុខភាពជាច្រើន ។ ការគេងគ្រប់គ្រាន់គឺជាផ្នែកមួយសំខាន់នៃរបៀបរស់នៅដែលមានសុខភាពល្អ និងមានអត្ថប្រយោជន៍ចំពោះបេះដូង ទម្ងន់ ផ្លូវចិត្ត និងរឿងច្រើនទៀត ។
នៅក្នុងអត្ថបទនេះរៀបរាប់អត្ថប្រយោជន៍សំខាន់ៗនៃការគេង៨ ម៉ោងរៀងរាល់យប់ ។
១-បង្ការជំងឺប្រកាំងមួយចំហៀងក្បាល និងជំងឺឈឺក្បាលផ្សេងទៀត
អ្នកដែលមិនបានគេងឲ្យបានរយៈពេល ៧ ទៅ៨ម៉ោងទំនងជាអាចមានបញ្ហាឈឺប្រកាំងមួយចំហៀងក្បាល ។ ការគេងមិនគ្រប់គ្រាន់មានការទាក់ទងជាមួយនឹងជំងឺឈឺប្រកាំងមួយចំហៀងក្បាល និងប្រភេទផ្សេងទៀតនៃការឈឺក្បាល ។
២-ជំងឺងាប់លិង្គ
ការគេងមិនគ្រប់គ្រាន់អាចប៉ះពាល់ដល់ចំណង់ផ្លូវភេទ និងបង្កើនឱកាសនៃការងាប់លិង្គបាន ។ ការគេងត្រូវបានគេចាត់ទុកថាជាការស្ដារឡើងវិញ និងបង្កើនកម្រិតអ៊័រម៉ូនតេស្តូស្តេរ៉ូនដែលអាចបង្កើនចំណង់ផ្លូវភេទ ។ វាគឺជាអត្ថប្រយោជន៍សុខភាពចម្បងមួយនៃការគេងបាន៨ម៉ោង ។
៣-បង្កើនសាច់ដុំបានយ៉ាងងាយស្រួល
ប្រសិនបើអ្នកមិនបានគេង អ្នកមិនអាចមានសាច់ដុំនោះទេ ។ ការគេងគឺជាពេលវេលាដែលរាងកាយរបស់អ្នកព្យាបាលស្នាមខូចខាតដែលកើតឡើងដល់កោសិកា និងជាលិការបស់អ្នកនៅពេលអ្នកភ្ញាក់ ។ ក្នុងអំឡុងពេលគេង រាងកាយក៏បញ្ចេញអ៊័រម៉ូនលូតលាស់ ។ ការគេងមិនគ្រប់គ្រាន់មានការទាក់ទងជាមួយនឹងការស្វិតសាច់ដុំ ។
៤-បញ្ហាបេះដូងតិចជាងមុន
ការទទួលទានដំណេក៥ម៉ោង ឬតិចជាងនេះក្នុងរយៈពេលមួយយប់មានការទាក់ទងជាមួយនឹងការកើនឡើងហានិភ័យនៃការគាំងបេះដូង៤៥% ។ ការមិនគេងនឹងបង្កើនកម្រិតសម្ពាធឈាម ហេតុដូចនេះវាត្រូវបានគេណែនាំយ៉ាងតឹងរ៉ឹងសម្រាប់មនុស្សពេញវ័យឲ្យគេងយ៉ាងហោចណាស់៨ម៉ោងជារៀងរាល់ថ្ងៃ ។
៥-ការពារហានិភ័យនៃជំងឺទឹកនោមផ្អែម
អ្នកដែលគេងបានតែ៦ម៉ោង ឬតិចជាងនេះប្រឈមមុខ១,៧ដងក្នុងការវិវឌ្ឍទៅជាជំងឺទឹកនោមផ្អែម និងអ្នកដែលគេងបានតែរយៈពេល៥ម៉ោង ឬតិចជាងនេះត្រូវបានគេរកឃើញប្រឈមមុខ២,៥ដងក្នុងការវិវឌ្ឍទៅជាជំងឺទឹកនោមផ្អែម ។ នេះបើតាមការសិក្សាបានបង្ហាញ ។ ជំងឺទឹកនោមផ្អែមប្រភេទ២ អាចនាំឱ្យមានបញ្ហាសុខភាពដូចជាជំងឺដាច់សរសៃឈាមខួរក្បាល ការកាត់អវយវៈ ងងឹតភ្នែក និងខូចខាតសរីរាង្គ ៕
ចែករំលែកព័តមាននេះ