គ្រោះរញ្ជួយដីផ្តាច់ជីវីតអ្នកចាំទីម្នាក់ ខណៈកីឡាករមួយចំនួនទៀតរងរបួស
តួកគី ៖ ក្លិបបាល់ទាត់ Yeni Matalyaspor នៅលីគលំដាប់ទី២ របស់ប្រទេសតួកគីបានបញ្ជាក់ថា អ្នក
តួកគី ៖ ក្លិបបាល់ទាត់ Yeni Matalyaspor នៅលីគលំដាប់ទី២ របស់ប្រទេសតួកគីបានបញ្ជាក់ថា អ្នក
តួកគី ៖ ក្លិបបាល់ទាត់ Yeni Matalyaspor នៅលីគលំដាប់ទី២ របស់ប្រទេសតួកគីបានបញ្ជាក់ថា អ្នកចាំទីរបស់ពួកគេគឺកីឡាករ Ahmet Eyup Turkaslan បានស្លា.ប់បាត់បង់ជិវិត បន្ទាប់ពីគ្រោះរញ្ជួយដី ដែលបានបំផ្លិចបំផ្លាញភាគខាងត្បូងប្រទេស។ នេះបើយោងតាមប្រភពពីសារព័ត៌មាន talkSPORT ចេញផ្សាយកាលពីថ្ងៃទី០៧ ខែកុម្ភៈ កន្លងទៅ។ គួររំលឹកថា IOC បង្ហាញអារម្មណ៍រន្ធ.ត់ ចំពោះការបាត់បង់អត្តពលិកក្នុងគ្រោះរញ្ជួយដីនៅតួកគី និងស៊ីរី
យោងតាមប្រភពសារព័ត៌មាន The Guardian របស់ចក្រភពអង់គ្លេស ដែលគិតត្រឹមព្រឹកថ្ងៃទី០៨ ខែកុម្ភៈនេះ (កាលបរិច្ឆេទនៅកម្ពុជា) មនុស្សជាង ៧,៨០០នាក់បានបាត់បង់ជីវិត ដោយសារគ្រោះរញ្ជួយដីដ៏កំណាចកម្រិត៧.៨រិចទ័រ កាលពីថ្ងៃទី០៦ ខែកុម្ភៈ នៅក្នុងប្រទេសតួកគី និងស៊ីរី ដែលនៅជិតខាងគ្នា ហើយក្នុងនោះរួមមានទាំងអ្នកចាំទី Turkaslan អាយុ២៨ឆ្នាំផងដែរ។
សេចក្តីថ្លែងការណ៍ក្លិបបញ្ជាក់ថា «អ្នកចាំទីរបស់យើង Ahmet Eyup Turkaslan បានបាត់បង់ជីវិត បន្ទាប់ពីស្ថិតក្រោមការដួលរលំនៃអាគារ ដោយសារការរញ្ជួយដី។ សូមអ្នកទៅឱ្យបានស្ងប់ យើងនឹងមិនភ្លេចអ្នកទេ មនុស្សដ៏ល្អរបស់យើង»។
គ្រោះរញ្ជួយដីដ៏កំណាច បានវា.យប្រហារភាគខាងត្បូងប្រទេសតួកគី និងស៊ីរី ដែលនៅជិតខាង នៅព្រឹកព្រលឹមថ្ងៃទី០៦ ខែកុម្ភៈ បណ្តាលឱ្យមានការបំផ្លិចបំផ្លាញក្នុងចំណោមសហគមន៍ជាច្រើន ហើយក៏ប៉ះពាល់ដល់ពិភពកីឡាផងដែរ ដោយអតីតកីឡាករធ្លាប់ប្រកបអាជីពនៅលីគកំពូលអង់គ្លេស Premier League គឺខ្សែបម្រើស្លាប Christian Atsu បានរងរបួស បន្ទាប់ពីគ្រោះមហន្តរាយនេះ។
អតីតខ្សែបម្រើស្លាបក្រុម Chelsea និង Newcastle ដែលបច្ចុប្បន្នលេងឱ្យក្រុម Hatayspor នៅលីគកំពូលតួកគីរូបនេះ (Super Lig) បានបាត់ខ្លួនដោយសារជាប់ក្នុងគំនរបាក់បែក នៅក្នុងខេត្ត Kahramanmaras ជាកន្លែងដែលក្លិប Hatayspor មានមូលដ្ឋាននៅទីនោះ រួមជាមួយលោក Taner Savut ដែលជានាយកប្រតិបត្តិកីឡារបស់ក្លិបផងដែរ។ លោក Mustafa Ozat អនុប្រធានក្លិប Hatayspor បានបញ្ជាក់ថា Atsu ត្រូវបានសង្គ្រោះពីគំនរបាក់បែក ប៉ុន្តែបានរងរបួស ខណៈដែលការស្វែងរកលោក Savut នៅតែបន្ត។
ក្រុម Hatayspor រងគ្រោះខ្លាំងបំផុតពីការរញ្ជួយដីនេះ ដោយរបាយការណ៍ក៏បានបង្ហាញថា កីឡាករ២រូបផ្សេងទៀតរបស់ Hatayspor គឺ Burak Oksuz និង Bertug Yildirim ក៏ត្រូវបានសង្គ្រោះចេញពីគំនរបាក់បែក ខណៈដែលសមាជិក២នាក់នៃក្រុមបច្ចេកទេស ក៏រួចផុតពីឧប្បត្តិហេតុនេះផងដែរ។ ក្រៅពីនោះ កីឡាករ Ruben Ribeiro និង Ze Luis ក៏មានសុវត្ថិភាព ចំណែកខ្សែការពារ Kerim Alici បានរត់ចេញផុតពីគំនរបាក់បែកដោយខ្លួនឯង។
គួររំលឹកថា លោក Mehmet Kasapoğlu រដ្ឋមន្ត្រីក្រសួងយុវជន និងកីឡាតួកគី បានផ្អាកសកម្មភាពកីឡាទាំងអស់នៅក្នុងប្រទេស រហូតដល់មានការជូនដំណឹងបន្ថែមទៀត បន្ទាប់ពីការរញ្ជួយដីបានវា.យប្រហារខេត្ត Kahramanmaras ភាគខាងត្បូង កាលពីព្រឹកព្រលឹមថ្ងៃទី០៦ កុម្ភៈ កន្លងទៅ៕ (ដកស្រង់ចេញពី talkSPORT)
ចែករំលែកព័តមាននេះ