ខេត្តតាកែវ ៖ មជ្ឈដ្ឋាននានាតែងដឹងថា នៅខេត្តតាកែវជាខេត្តមួយដែលទៅដោយបង្កងបឹងធម្មជាតិ ដែលបានកកើតឡើងនៅក្នុងបឹងនៅពេលទឹកឡើងមកម្តងៗ ។ ទន្ទឹមនឹងការសំបូរទៅដោយបង្កងបឹងធម្មជាតិនោះ ក៏មានការរត់ពន្ធនាំចូលបង្កងចឹញ្ចឹមពីស្រុកយួនចូលមកដាក់ទូកញ្ចក់ដាក់លក់យ៉ាងច្រើនផងដែរ នៅកំពង់ទូកលើក្នុងក្រុងដូនកែវ ដោយមានអ្នកលក់មួយចំនួនធំ បានកុហកបោកប្រាស់អ្នកទិញថា ជាបង្កងបឹងធម្មជាតិដើម្បីផលប្រយោជន៍ផ្ទាល់ខ្លួន ។
លោកសៅ កុសល នាយខណ្ឌរដ្ឋបាលជលផលខេត្តបានប្រាប់កោះសន្តិភាពអោយដឹងថា ដោយសារពុំមានទឹកមិនសូវឡើងខ្ពស់ជាច្រើនឆ្នាំជាប់ៗគ្នាមកនោះ ក៏ធ្វើអោយបង្កងបឹងធម្មជាតិក្នុងខេត្តបានធ្លាក់ចុះជាបន្តបន្ទាប់ ទើបតែនៅចុងឆ្នាំ២០២២នេះ បង្កងធម្មជាតិខេត្តតាកែវមានការកើនឡើងដល់ទៅ៦៦តោន បើធៀបនិងឆ្នាំ២០២១ មានតែ៤១តោនប៉ុណ្ណោះ ដែលនេះជាឱកាសសម្រាប់ភ្ញៀវទេសចរ មកពីគ្រប់ទិសទីកម្សាន្ត និងសាករសជាតិ បង្កងធម្មជាតិស្រស់ៗនៅខេត្តចំណាស់មួយនេះ ។
លោក សៅ កុសល នាយខណ្ឌរដ្ឋបាលជលផលខេត្តតាកែវបានទៀតថា បង្កងបឹងធម្មជាតិខេត្តតាកែវចាប់ផ្តើមមានក្នុងខែ៩ ដល់ខែ១តែប៉ុណ្ណោះ តែភ្ញៀវនៅតែអាចមកទទួលទៀនបង្កងខេត្តតាកែវបានរាល់ខែ ព្រោះនៅតាមសហគមន៍ខេត្តតាកែវ ប្រជាពលរដ្ឋបានចិញ្ចឹមបង្កងសម្រាប់ផ្គត់ផ្គង់តម្រូវការភ្ញៀវក្រៅតែពីបង្កងធម្មជាតិដែលសំបូរតែ២ទៅ៣ខែនោះ ។
លោកនាយខណ្ឌជលផលខេត្តបានបញ្ជាក់ថា បង្កងបឹងធម្មជាតិគឺជាផលិតផលនិងជាអត្តសញ្ញាណរបស់ខេត្តតាកែវ ដែលខេត្តមួយនេះ តែងតែទទួលបានភ្ញៀវទេសចរជាតិ និងអន្តរជាតិ ដែលចង់មកសាករសជាតិបង្កងទឹកសាបដ៏ឆ្ងាញ់ពិសានេះ ។ ពិសេស បង្កងធម្មជាតិខេត្តតាកែវមិនមែនសុទ្ធតែអាចរកបានរាល់ថ្ងៃឡើយ គឺមានតែតាមរដូវប៉ុណ្ណោះ ហើយភាគច្រើនប្រភពបង្កងបឹងធម្មជាតិ គឺយកមកពីស្រុកអង្គរបុរី ស្រុកបុរីជលសារ និងស្រុកកោះអណ្តែត ។
នៅឆ្នាំ២០២២នេះ ចំពោះបង្កងបឹងធម្មជាតិកាលនៅសំបូរនោះលេខ១ តំលៃ១គីឡូ៤៣ដុល្លារ ហើយលេខ២ តំលៃ៣០ដុល្លារក្នុង១គីឡូ ។ តែមកដល់ថ្ងៃនេះ បើមានបង្កងបឹងដែលបងប្អូនតាមស្រុកខាងលើ កៀសម្រាស់បាននោះគឺ១គីឡូតំលៃ៤៥ដុល្លារ ហើយលេខ២១គឺឡូតំលៃ៣៣
ដុល្លារ ។
ដោយឡែក បង្កងចឹញ្ចឹមដែលរត់ចូលមកពីស្រុកយួនមានដាក់លក់នៅតាមទូរកញ្ចក់នៅកំពុងទូកលើរាល់ថ្ងៃនេះ គឺលេខ១ មួយគីឡូ៣៥ដុល្លារ និងលេខ២តម្លៃ២២ដុល្លារ សូមបងប្អូនមុននឹងទិញយកទៅពិសារ សូមពិនិត្យមើលអោយបានច្បាស់លាស់ទើបទិញយកទៅទទួលទានមិនខុសបំណង ព្រោះមានអ្នកលក់មួយចំនួន ដើម្បីផលប្រយោជន៍របស់ខ្លួន បានកុហកបោកប្រាស់បងប្អូនបង្កងចឹញ្ចឹមនាំចូលមកពីស្រុកយួនប្រាប់ថាជាបង្កងបឹងធម្មជាតិរបស់ខេត្តតាកែវ ។
ព័ត៌មានលម្អិតនឹងមានផ្សាយជូនលើកាសែតកោះសន្តិភាព ។
ចែករំលែកព័តមាននេះ