ខេត្តឧត្តរមានជ័យ ៖ ការសម្របសម្រួលជាមួយក្រុមការងារអ្នកកាសែតជប៉ុន (Nikkei Asia) ចុះយកព័ត៌មានពីទីតាំងដែលរងផលប៉ះពាល់ដោយសង្គ្រាម ។ ជាក់ស្តែងរដ្ឋបាលក្រុងសំរោង បានប្រកាស នាថ្ងៃទី១៧…
ខេត្តឧត្តរមានជ័យ ៖ ការសម្របសម្រួលជាមួយក្រុមការងារអ្នកកាសែតជប៉ុន (Nikkei Asia) ចុះយកព័ត៌មានពីទីតាំងដែលរងផលប៉ះពាល់ដោយសង្គ្រាម ។
ជាក់ស្តែងរដ្ឋបាលក្រុងសំរោង បានប្រកាស នាថ្ងៃទី១៧ ខែមករានេះថា ៖ យោងតាមការចាត់តាំងដ៏ខ្ពង់ខ្ពស់ពីលោក ផុន ចាន់និល អភិបាលនៃគណៈអភិបាលក្រុងសំរោង នៅថ្ងៃទី១៧ ខែមករា ឆ្នាំ២០២៦នេះ លោក ប៊ុត វ៉ាន់ដេត អភិបាលរងក្រុងសំរោង បានអញ្ជើញចូលរួមសម្របសម្រួលជាមួយក្រុមការងារអ្នកកាសែត Nikkei Asia របស់ប្រទេសជប៉ុន ក្នុងបេសកកម្មចុះយកព័ត៌មាន និងស្វែងយល់អំពីស្ថានភាពជាក់ស្ដែង នៅទីតាំងដែលធ្លាប់ទទួលរងផលប៉ះពាល់ដោយសង្គ្រាមឈ្លានពាននាពេលកន្លងមក ។
សកម្មភាពចុះយកព័ត៌មាននេះ បានប្រព្រឹត្តទៅក្នុងភូមិសាស្ត្រ សង្កាត់សំរោង ក្រុងសំរោង ខេត្តឧត្តរមានជ័យ ដែលជាតំបន់រងនូវផលប៉ះពាល់ពីជម្លោះប្រដាប់អាវុធនាពេលកន្លងទៅ ។
ការសម្របសម្រួលនេះ បង្ហាញពីកិច្ចសហប្រតិបត្តិការដ៏ល្អរវាងរដ្ឋបាលមូលដ្ឋាន ជាមួយស្ថាប័នសារព័ត៌មានអន្តរជាតិ ដើម្បីឆ្លុះបញ្ចាំងពីការវិវត្តនៃស្ថានភាពសន្តិសុខ និងសណ្តាប់ធ្នាប់តាមព្រំដែន ។
ការអភិវឌ្ឍរីកចម្រើនរបស់មូលដ្ឋានក្រោយបញ្ចប់សង្គ្រាម និងស្ថានភាពជីវភាពរស់នៅប្រកបដោយសុខសន្តិភាពរបស់បងប្អូនប្រជាពលរដ្ឋក្នុងក្រុងសំរោងនាពេលបច្ចុប្បន្ន ។
រដ្ឋបាលក្រុងសំរោង នៅតែបន្តជំរុញការផ្សព្វផ្សាយព័ត៌មានពិត ដើម្បីផ្តល់នូវការស្វែងយល់ពីតំបន់ព្រំដែន និងជាការផ្តល់ដល់សហគមន៍អន្តរជាតិ ឱ្យងាកមកចាប់អារម្មណ៍ និងជួយលើការអភិវឌ្ឍក្នុងខេត្តឧត្តរមានជ័យ ៕
ចែករំលែកព័តមាននេះ