សហរដ្ឋអាមេរិក ៖ ប្រធានាធិបតីអាមេរិក លោកដូណាល់ត្រាំ កាលពីថ្ងៃទី១៧ មករា បានគំរាមប្រទេសអឺរ៉ុប៨យកពន្ធគយខ្ពស់ថ្មី ។ ក្នុងសារដ៏វែងមួយផ្សាយតាមបណ្ដាញសង្គមTRUHT SOCIALរបស់លោក…
សហរដ្ឋអាមេរិក ៖ ប្រធានាធិបតីអាមេរិក លោកដូណាល់ត្រាំ កាលពីថ្ងៃទី១៧ មករា បានគំរាមប្រទេសអឺរ៉ុប៨យកពន្ធគយខ្ពស់ថ្មី ។ ក្នុងសារដ៏វែងមួយផ្សាយតាមបណ្ដាញសង្គមTRUHT SOCIALរបស់លោក ប្រធានាធិបតីអាមេរិកលើកឡើងថា ប្រទេសដាណឹម៉ាក់ ន័រវែស ស៊ុយអែត បារាំង អាល្លឺម៉ង់ អង់គ្លេស ហូឡង់ និងហ្វាំងឡង់ សុទ្ធតែបានបញ្ជូនកងទាហានមកកាន់ហ្គ្រេនឡែន ក្នុងគោលបំណងមួយមិនទាន់ច្បាស់ ។ ប្រទេសទាំងនោះ ដែលលេងល្បែងដ៏គ្រោះថ្នាក់បំផុតនោះ បានបង្កគ្រោះថ្នាក់មួយមិនអាចទទួលយកបាន ។
លោកត្រាំបន្តថា ចាប់ពីថ្ងៃទី១ កុម្ភៈ ទៅ ប្រទេសអឺរ៉ុប៨នឹងរងទណ្ឌកម្ម ដំឡើងពន្ធ១០%ថែមទៀត លើទំនិញរបស់ពួកគេដែលនាំចូលអាមេរិក ។ ចាប់ពីថ្ងៃទី១ កុម្ភៈ នោះទៅពន្ធគយត្រូវឡើងដល់២៥% ហើយពន្ធនោះនឹងអនុវត្តរហូតដល់មានការចុះហត្ថលេខាលើកិច្ចព្រមព្រៀងមួយ ស្ដីពីការលក់កោះហ្គ្រេនឡែនទាំងមូល ។
តាមបណ្ដាញសង្គមX ប្រធានាធិបតីបារាំង លោកលោកអេមម៉ានុយអែលម៉ាក្រុង មានប្រតិកម្មថា ការគំរាមកំហែងបង្កើនពន្ធគយ មិនអាចទទួលយកបានឡើយ ។ បណ្ដាប្រទេសអឺរ៉ុបនឹងឆ្លើយតបវិញ ប្រកបដោយការរួបរួមគ្នា និងសម្របសម្រួលគ្នា ប្រសិនបើការបង្កើនពន្ធគយនោះត្រូវបានអះអាង ។ យើងនឹងធ្វើឲ្យគេគោរពអធិបតេយ្យភាពអឺរ៉ុប។
ប្រសិនបើលោកត្រាំអនុវត្តយកការបង្កើនពន្ធគយថែមនេះ វានឹងបង្កើតសភាពការណ៍តាន តឹងមួយ ពុំធ្លាប់មានពីមុនមកសម្រាប់អូតង់ ព្រោះនោះជាការប្រើទណ្ឌកម្មសម្រាប់ដណ្ដើមយកដែនដីរបស់ដៃគូមួយជារដ្ឋអធិបតេយ្យ និងសេរី ។
ចាប់តាំងពីវិលត្រឡប់ចូលសេតវិមានជាថ្មីមក លោកត្រាំបានប្រើពន្ធគយក្នុងនយោបាយសេដ្ឋកិច្ចនិងការទូតរបស់លោក ។ ក្រុងវ៉ាស៊ីនតោន និងសហភាពអឺរ៉ុបបានចុះហត្ថលេខាកាលពីរដូវក្ដៅមុននេះ លើកិច្ចព្រមព្រៀងមួយ សំដៅកាត់បន្ថយ១៥%លើការបង្កើនពន្ធអាមេរិកលើផលិតផលអឺរ៉ុបភាគច្រើន ៕
ចែករំលែកព័តមាននេះ