Neymar ព្រមទៅ Paris SG ហើយ ក្នុងតម្លៃខ្លួនបំបែកឯតទគ្គកម្ម
Neymar ព្រមទៅលេងឱ្យក្លិប Paris SG ក្នុងតម្លៃខ្លួនបំបែកឯតទគ្គកម្ម ១៩៨ លានផោន
Neymar ព្រមទៅលេងឱ្យក្លិប Paris SG ក្នុងតម្លៃខ្លួនបំបែកឯតទគ្គកម្ម ១៩៨ លានផោន
Neymar ព្រមទៅលេងឱ្យក្លិប Paris SG ក្នុងតម្លៃខ្លួនបំបែកឯតទគ្គកម្ម ១៩៨ លានផោន ។ យោងតាម BBC ឱ្យដឹងថា កាលពីថ្ងៃទី១ សីហា ខ្សែប្រយុទ្ធឆ្នើមរបស់ក្លិប Barcelona បានទៅលាមិត្តរួមក្រុមរបស់គេនៅកន្លែងហ្វឹកហាត់និយាយថា ខ្ញុំចង់ចេញពីក្លិបអេស្ប៉ាញមុនពេលបើករថយន្តស្ព័រ Audi ចេញពីទីនោះ ។ ទន្ទឹមគ្នានេះដែរគ្រូបង្វឹកថ្មីរបស់ Barcelona លោក Ernesto Valverde ក៏អនុញ្ញាតិឱ្យ Neymar ទៅដើម្បីបំពេញបំណងរបស់គេ ។
ប្រភពពី Daily Mail ថា ភ្លាមៗនេះការចរចាររវាងកីឡាករវ័យ២៥ឆ្នាំ Neymar និងក្លិប Paris SG នៅតែបន្តដើម្បីបញ្ចប់នីតិវិធីមួយចំនួនពាក់ព័ន្ធតម្លៃខ្លួនរួមទាំងរឿងរ៉ាវមួយចំនួនទៀត ។ ដោយឡែកកីឡាករជម្រើសជាតិប្រេស៊ីលដែលមានគាំទ្រ៧ម៉ឺននាក់លើបណ្តាញកម្សាន្តសរសេរថា ទីក្រុងប៉ារីសអស្ចារ្យណាស់ពោលគឺមានប៉ម Eiffel Tower ស្រាក្រហមល្បីៗ ម្ហូប និងកីឡាបាល់ទាត់ ។
Neymar ត្រូវគេរំពឹងថានឹងចុះកុងត្រា៦ឆ្នាំ និងមានប្រាក់ឈ្នួល ៥០០.០០០ ផោនក្នុង១សប្តាហ៍នៅ Paris SG ។ Neymar រកគ្រាប់បាល់ឱ្យ Barcelona ចំនួន ១០៥ គ្រាប់ជួយឱ្យឈ្នះពានជើងឯកអេស្ប៉ាញ២លើក Copa de Rey ៥លើក និងពានអឺរ៉ុប Champions League ១លើក ៕
ចែករំលែកព័តមាននេះ