Arsenal, Liverpool របូត៣ពិន្ទុ ខណៈ Man United ឈ្នះទាំងព្រលឹងចុងសក់
អង់គ្លេស ៖ ក្រុម Arsenal និង Liverpool សុទ្ធតែរងបរាជ័យដូចខ្លួន ខណៈដែលក្រុម Manchester
អង់គ្លេស ៖ ក្រុម Arsenal និង Liverpool សុទ្ធតែរងបរាជ័យដូចខ្លួន ខណៈដែលក្រុម Manchester
អង់គ្លេស ៖ ក្រុម Arsenal និង Liverpool សុទ្ធតែរងបរាជ័យដូចខ្លួន ខណៈដែលក្រុម Manchester United យកបាន៣ពិន្ទុទាំងព្រលឹងចុងសក់ នៅក្នុងការប្រកួតក្របខណ្ឌ English Premier League កាលពីថ្ងៃទី០៤ ខែកុម្ភៈ កន្លងទៅ។
ក្រុមកំពូលតារាង Arsenal រងបរាជ័យក្រោមថ្វីជើងក្រុមនៅតំបន់ត្រូវកាត់ចោល Everton ដោយលទ្ធផល ១-០ នៅកីឡដ្ឋាន Goodison Park។ ខ្សែការពារ James Tarkowski ជាអ្នករកជ័យជម្នះសម្រាប់ Everton ក្រោមការដឹកប្រកួតដំបូងរបស់លោក Sean Dyche ក្នុងនាមជាអ្នកចាត់ការទូទៅថ្មី ដែលជំនួសតំណែងលោក Frank Lampard ដែលត្រូវបណ្តេញចេញ កាលពីថ្ងៃទី២៣ មករា កន្លងទៅ។
ក្រឡែកទៅកាន់ជំនួបមួយទៀត នៅឯកីឡដ្ឋាន Molineux បានបញ្ចប់ទៅដោយក្រុមម្ចាស់ផ្ទះ Wolves បំបាក់ក្រុមហង្សក្រហម Liverpool ដោយលទ្ធផល ៣-០ យ៉ាងភ្ញាក់ផ្អើលបំផុត។ ជ័យជម្នះរបស់ Wolves សម្រេចបានដោយខ្សែការពារ Craig Dawson និងខ្សែបម្រើ Ruben Neves ចំណែក១គ្រាប់ទៀត គឺជាការធ្វើឱ្យចូលទីខ្លួនឯងពីសំណាក់ខ្សែការពារ Joel Matip របស់ក្រុម Liverpool។
ការចាកចេញរបស់ខ្សែប្រយុទ្ធ Sadio Mane ដែលទៅចូលរួមជាមួយក្រុមយក្សអាល្លឺម៉ង់ Bayern Munich កាលពីខែមិថុនា ឆ្នាំ២០២២ កន្លងទៅ បានធ្វើឱ្យ Liverpool ដែលធ្លាប់តែរុងរឿង និងជាក្រុមរងជើងឯករដូវកាលមុន ក្រោមការដឹកនាំរបស់លោក Jurgen Klopp កំពុងតែធ្លាក់ទម្រង់លេងយ៉ាងខ្លាំង នៅរដូវកាលនេះ។ ដោយឆ្លងកាត់២០ប្រកួតកន្លងមក នៃក្របខណ្ឌ Premier League ឈ្នះ៨ ស្មើ៥ និងចាញ់៧ មាន២៩ពិន្ទុ ឈរនៅចំណាត់ថ្នាក់លេខ១០ ខណៈដែល៥ប្រកួតចុងក្រោយ ឈ្នះតែ១ប្រកួតប៉ុណ្ណោះ និងស្មើ១ ចាញ់៣ប្រកួត។
ដោយឡែក ការប្រកួតនៅកីឡដ្ឋាន Old Trafford ក្រុមបិសាចក្រហម Man United យកឈ្នះលើក្រុមភ្ញៀវ Crystal Palace ទាំងព្រលឹងចុងសក់ក្នុងលទ្ធផល ២-១។ ម្ចាស់ផ្ទះបានគ្រប់គ្រងការប្រកួត និងវាយសម្រុកយ៉ាងខ្លាំង រហូតបង្កើតគ្រាប់បាល់២គ្រាប់ ត្រឹមនាទី៦២ ដោយខ្សែបម្រើ Bruno Fernandes ការទាត់ប៉េណាល់ទី និងការទាត់បញ្ចូលទី ដោយខ្សែប្រយុទ្ធ Marcus Rashford។
យ៉ាងណាមិញ ការប្រកួតបានផ្លាស់ប្តូរទាំងស្រុងតែម្តង បន្ទាប់ពីខ្សែបម្រើ Casemiro របស់ Man United ទទួលបានកាតក្រហមនៅនាទី៧០ ក្រោយក្រុមទាំងពីរមានការប៉ះទង្គិចគ្នា ហើយខ្សែបម្រើប្រេស៊ីលរូបនេះ បានទៅច្របាច់កខ្សែបម្រើ Will Hughes របស់ Crystal។
ក្រោយចំណេញកីឡាករម្នាក់ នៅលើទីលាន ក្រុមភ្ញៀវបានដាក់សម្ពាធយ៉ាងខ្លាំង ទៅលើម្ចាស់ផ្ទះ រហូតវាយបកបាន១គ្រាប់មកវិញ នៅនាទី៧៦ ដោយខ្សែបម្រើប្រយុទ្ធ Jeffrey Schlupp ហើយនៅនាទីសេសសល់ Crystal បានគ្រប់គ្រងការប្រកួតទាំងស្រុង និងវាយសម្រុកយ៉ាងខ្លាំង ប៉ុន្តែមិនអាចសម្រេចគ្រាប់បាល់បន្ថែមបានឡើយ រហូតដល់ចប់ការប្រកួត៕
ចែករំលែកព័តមាននេះ