ADផ្ទាំងផ្សព្វផ្សាយពាណិជ្ជកម្ម

Picture

ឧត្តមមន្រ្តីទេសចរណ៍កម្ពុជា-ចិនឯកភាពគ្នារៀបចំផែនការសកម្មភាពជំរុញលំហូរទេសចររវាងប្រទេសទាំងពីរ

1 ឆ្នាំ មុន

យុ​ក្យា​ការ​តា ៖ ឆ្លៀតឱកាស​នៃ​ការ​ចូលរួម​វេទិកា​ទេសចរណ៍​អាស៊ាន​២០២៣ នា​ព្រឹក​ថ្ងៃ​ទី​៣ ខែកុម្ភៈ​នេះ ឯកឧត្តម​ថោ​ង រដ្ឋ​សក្តិ​អគ្គនាយក​អភិវឌ្ឍន៍​ទេសចរណ៍ និង​សហប្រតិបត្តិការ​អន្តរជាតិ និង​ជា​ឧត្តមមន្ត្រី​ទេសចរណ៍​បាន​ដឹកនាំ​មន្ត្រី​ជំនាញ​ក្រសួងទេសចរណ៍ ក្រសួង​ការ​បទេស…

យុ​ក្យា​ការ​តា ៖ ឆ្លៀតឱកាស​នៃ​ការ​ចូលរួម​វេទិកា​ទេសចរណ៍​អាស៊ាន​២០២៣ នា​ព្រឹក​ថ្ងៃ​ទី​៣ ខែកុម្ភៈ​នេះ ឯកឧត្តម​ថោ​ង រដ្ឋ​សក្តិ​អគ្គនាយក​អភិវឌ្ឍន៍​ទេសចរណ៍ និង​សហប្រតិបត្តិការ​អន្តរជាតិ និង​ជា​ឧត្តមមន្ត្រី​ទេសចរណ៍​បាន​ដឹកនាំ​មន្ត្រី​ជំនាញ​ក្រសួងទេសចរណ៍ ក្រសួង​ការ​បទេស និង​សហប្រតិបត្តិការ​អន្តរជាតិ និង​រដ្ឋលេខាធិការដ្ឋាន​អាកាស​ចរ​ស៊ី​វិល ជួប​ប្រជុំ​ទ្វេភាគី​ជាមួយ ឯកឧត្តម Shi Zeyi អគ្គនាយក​ក្រសួង​វប្បធម៌ និង​ទេសចរណ៍​ចិន និង​គណៈប្រតិភូ​នៅ​ទីក្រុង​យុ​ក្យា​ការ​តា ប្រទេស​ឥណ្ឌូ​ណេ​ស៊ី​។

ឯកឧត្តម ថោ​ង រដ្ឋ​សក្តិ បាន​រលឹក​ថា កម្ពុជា និង​ចិន​មាន​ទំនាក់ទំនង កិច្ច​សហប្រតិបត្តិការ​ជាមួយ​គ្នា​យ៉ាង​ស្អិត​ល្មួត​ជា​ប្រវត្តិសាស្ត្រ​ដែល​រហូត​មក​ដល់​ពេល​នេះ គឺជា​មិត្ត​ដែកថែប​។​មិត្ត​ចិន​តែងតែ​ជួយ​ដល់​ការ​អភិវឌ្ឍន៍​ក្នុង​ប្រទេស​កម្ពុជា ជា​ពិសេស​វិស័យ​ទេសចរណ៍​ដោយ​បាន​ជំរុញ​គាំទ្រ​ដល់​ការ​កសាង​សម្បទារ​ទេសចរណ៍​មាន​ដូច​ជា ការ​សាងសង់​អាកាសយានដ្ឋាន​សៀមរាប​ថ្មី កីឡាដ្ឋាន​មរតក​តេ​ជោ និង​ផ្លូវ​ល្បឿន​លឿន​ភ្នំពេញ​-​ព្រះ​សីហ​នុ​ជាដើម និង​ការ​អភិវឌ្ឍ​ធនធានមនុស្ស​ក្នុង​វិស័យ​ទេសចរណ៍​។

ឯកឧត្តម Shi Zeyi បាន​កោតសរសើរ​ដល់​កម្ពុជា ដែល​តែងតែ​បន្ត​ទំនាក់ទំនង និង​កិច្ច​សហប្រតិបត្តិការ​ដ៏​រឹង​មាំ​រវាង​ប្រទេស​ទាំង​ពីរ ជា​ពិសេស​ការ​យកចិត្តទុកដាក់ និង​ទទួល​ស្វាគមន៍​យ៉ាង​កក់ក្តៅ​ដល់​ភ្ញៀវ​ទេសចរ​ចិន​ដែល​មក​ទស្សនា​កម្ពុជា​។

ដោយ​មើលឃើញ​ពី​សក្តានុពល និង​ពេលវេលា​សម​ស្រប​ក្នុង​ការ​ពង្រឹង​កិច្ច​សហប្រតិបត្តិការ​ទេសចរណ៍​រវាង​ប្រទេស​ទាំង​ពីរ​ឡើង​អំឡុង​ពេល​ដែល​ប្រទេស​ចិន​បើក​ប្រទេស​ឡើង​វិញ​នៅ​ពេល​នេះ ភាគី​ទាំង​ពីរ​បាន​ព្រមព្រៀង​គ្នា​ក្នុង​ការ​រៀបចំ​ផែនការ​សកម្មភាព ដើម្បី​ជំរុញ​លំហូរ​ទេសចរ​រវាង​ប្រទេស​ទាំង​ពីរ​ដូច​ខាងក្រោម ៖ * គិតគូរ​រៀបចំ​កម្មវិធី​សម្តែង​សិល្បៈ​រួម ដើម្បី​ផ្សព្វផ្សាយ​គោលដៅ​ទេសចរណ៍​ដល់​ពលរដ្ឋ​ប្រទេស​ទាំង​ពីរ​បន្ថែម​ទៀត ក៏​ដូច​ជា​ចូលរួម​អបអរសាទរ​ខួប​គម្រប់​៦៥​ឆ្នាំ​នៃ​ទំនាក់ទំនង​ការទូត​កម្ពុជា​-​ចិន​។ * ជំរុញ​ជើង​ហោះ​ត្រង់​បន្ថែម​ទៀត​ពី​គោលដៅ​ទីផ្សារ​ចិន​មក​កាន់​អាកាសយានដ្ឋាន​អន្តរជាតិ​ទាំង​៣ របស់​កម្ពុជា និង​ពី​កម្ពុជា​ទៅ​ចិន​។ * រៀបចំ​ដំណើរ​ទស្សនកិច្ច​ស្វែង​យល់ (Fam-Trip) សម្រាប់​ផ្នែក​ឯកជន និង​សារព័ត៌មាន​ទៅ​កាន់​ប្រទេស​ទាំង​ពីរ​។ * ជំរុញ​ការ​អភិវឌ្ឍ​ធនធានមនុស្ស​ក្នុង​វិស័យ​ទេសចរណ៍​។ * គាំទ្រ​ដល់​ការ​អនុវត្ត​សៀវភៅ​ស​ស្តី​ពី China Ready ទេសចរណ៍​កម្ពុជា និង​ការ​បង្កើត​មជ្ឈមណ្ឌល​ទ្រទ្រង់ China Ready​។ * ជំរុញ​ការ​រៀបចំ​វេទិកា​ធុរកិច្ច​ទេសចរណ៍​ក្នុង​ប្រទេស​ទាំង​ពីរ​។

ភាគី​ទាំង​ពីរ​ព្រមព្រៀង​រៀបចំ​ផែនការ​សកម្មភាព​លម្អិត​នៃ​កិច្ច​សហប្រតិបត្តិការ​ទេសចរណ៍​រួម​កម្ពុជា​-​ចិន ឆ្នាំ​២០២៣-២០២៨ ដែល​នឹង​ចុះហត្ថលេខា​ដោយ​ថ្នាក់ដឹកនាំ​ទេសចរណ៍​នៃ​ប្រទេស​ទាំង​ពីរ​នៅ​ពេល​ណាមួយ​សម​ស្រប​នៅ​ក្នុង​ប្រទេស​កម្ពុជា ឬ​ប្រទេស​ចិន ឬ​អំឡុង​ព្រឹត្តិការណ៍​ទេសចរណ៍​អន្តរជាតិ​ណាមួយ​ដែល​ភាគី​ពីរ ស្រប​តាម​អនុស្សរណៈ​យោគយល់​គ្នា​ស្តី​ពី​កិច្ច​សហប្រតិបត្តិការ​ទេសចរណ៍​រវាង​ប្រទេស​ទាំង​ពីរ ដែល​បាន​ចុះហត្ថលេខា​កាលពី​ឆ្នាំ​២០១៦៕

អត្ថបទសរសេរ ដោយ

កែសម្រួលដោយ