សម្តេចពិជ័យសេនា ទៀ បា.ញ់ អញ្ជើញចុះពិនិត្យការងារលើកទី៥ នៅមូលដ្ឋានសមុទ្ររាម
- ព្រះសីហនុ
ខេត្តព្រះសីហនុ ៖ កាលពីព្រឹកថ្ងៃទី១ ខែកុម្ភៈ ឆ្នាំ២០២៣ កន្លងមកថ្មីៗនេះ សម្តេចពិជ័យសេនា ទៀ
ខេត្តព្រះសីហនុ ៖ កាលពីព្រឹកថ្ងៃទី១ ខែកុម្ភៈ ឆ្នាំ២០២៣ កន្លងមកថ្មីៗនេះ សម្តេចពិជ័យសេនា ទៀ
ខេត្តព្រះសីហនុ ៖ កាលពីព្រឹកថ្ងៃទី១ ខែកុម្ភៈ ឆ្នាំ២០២៣ កន្លងមកថ្មីៗនេះ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានអញ្ជើញចុះពិនិត្យការងារលើកទី៥ នៅមូលដ្ឋានសម្រុទរាម ស្ថិតនៅឃុំរាម ស្រុកព្រៃនប់ ខេត្តព្រះសីហនុ ដោយមានការចូលរួមពីប្រតិភូអមដំណើរក្រសួងការពារជាតិ និងឯកឧត្តម អភិបាលខេត្តព្រះសីហនុ។
ឯកឧត្តម ឧត្តមនាវីឯក អ៊ុក សីហា មេបញ្ជាការរងកងទ័ពជើងទឹក និងជាមេបញ្ជាការមូលដ្ឋានសមុទ្ររាម បានរាយការណ៍ស្វាគមន៍ពីសកម្មភាពការដឹកនាំអង្គភាពនៅក្នុងឱកាសដ៏វិសេសវិសាលនេះដែលសម្តេចពិជ័យសេនា ទៀ បាញ់ បានអញ្ជើញចុះពិនិត្យការងារលើកទី៥ នៅមូលដ្ឋានសមុទ្ររាម ព្រមទាំងបានរាយការណ៍សង្ខេបស្តីពីលទ្ធផលការអនុវត្តការងារ នៅក្នុងមូលដ្ឋាននាពេលកន្លងមក ។
ក្រោមការគិតគូរយ៉ាងយកចិត្តទុកដាក់ និងមានចក្ខុវិស័យខ្ពស់ក្នុងការកសាងខឿនការពារជាតិ របស់ប្រមុខរាជរដ្ឋាភិបាលកម្ពុជា និងក្រសួងការពារជាតិបានសម្រេចដកហូតទីតាំងដីរបស់ក្រុមហ៊ុន ដែលមានផ្ទៃដីទំហំ២៧,៦១ហិកតា ប្រគល់ជូនកងទ័ពជើងទឹកមូលដ្ឋានសមុទ្រ ដើម្បីបម្រើឱ្យការងារសាងសង់ធ្វើទំនើបកម្មមូលដ្ឋានសមុទ្ររាម ហើយបច្ចុប្បន្នទីបញ្ជាការមូលដ្ឋានសមុទ្ររាមមានផ្ទៃដីទំហំសរុប ៨៧,៣ហិកតា។
ក្រោយទទួលបានទីតាំងដីខាងលើ អង្គភាពបានអនុវត្តទៅតាមបទបញ្ជារបស់ក្រសួងការពារជាតិ និងប្រធានគណៈកម្មការសាងសង់ ដោយបានធ្វើទំនើបកម្មមូលដ្ឋានសមុទ្ររាម ដោយក្នុងនោះបានចាត់តាំងកម្លាំងឈរជើងនិងបានរៀបចំសម្អាតដី វាយរបងចាស់ ចាក់ដីបំពេញបន្ថែម ដែលជាលទ្ធផលសម្រេចបានប្រមាណ៨០%។ ដោយមានការគាំទ្រពីឯកឧត្តមនាយឧត្ដមសេនីយ៍ ប្រធានគណៈកម្មការសាងសង់ធ្វើទំនើបកម្មមូលដ្ឋានសមុទ្ររាម ។
ក្នុងឪកាសនោះ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានកោតសរសើរនិងវាយតម្លៃខ្ពស់ចំពោះនាយ ,នាយនាវីនិងពលនាវិកមូលដ្ឋានសមុទ្រ ដែលបានខិតខំបំពេញការងារស្នូលតាមតួនាទីភារកិច្ចនិងបានធ្វើការបណ្តុះបណ្តាលជំនាញដល់កម្លាំងបញ្ជាការមូលដ្ឋានសមុទ្រក្នុងការចូលរួមអភិវឌ្ឍមូលដ្ឋានសមុទ្ររាមមានការរីកចម្រើន ជាពិសេសកិច្ចការពារជាតិមាតុភូមិ បូរណភាពទឹកដីក្នុងដែនសមុទ្រកម្ពុជា ម្យ៉ាងទៀតការបង្ការ ទប់ស្កាត់នូវរាល់បទល្មើសនានាលើផ្ទៃសមុទ្រមានដូចជា ការរត់ពន្ធគ្រឿងញៀ.ន, ការជួញដូរមនុស្សឆ្លងដែនដោយខុសច្បាប់ប្រកបដោយការទទួលខុសត្រូវ ។
បន្ទាប់មកសម្តេចពិជ័យសេនា ទៀ បាញ់ និងប្រតិភូ ក៏បានឡើងអូប័រជិះពិនិត្យមើលតាមបណ្តារកោះមួយចំនួននៅក្នុងភូមិសាស្ត្រតំបន់មូលដ្ឋានសមុទ្ររាមផងដែរ ៕
ចែករំលែកព័តមាននេះ