ឮហើយរំជួលចិត្ត… «មែ៉ឃ្លានណាស់កូន មុនស្លា.ប់ចង់ហូបឆ្ងាញ់ម្តង»
ខេត្តកំពង់ស្ពឺ ៖ ស្តាប់ទៅពិតជាគួរឱ្យអាណិត ក្រោយដូនចាស់ម្នាក់ពោលពាក្យចេញពីមាត់របស់គាត់ថា មុនស្លា.ប់ម៉ែចង់ហូបឆ្ងាញ់ម្តង ។
ខេត្តកំពង់ស្ពឺ ៖ ស្តាប់ទៅពិតជាគួរឱ្យអាណិត ក្រោយដូនចាស់ម្នាក់ពោលពាក្យចេញពីមាត់របស់គាត់ថា មុនស្លា.ប់ម៉ែចង់ហូបឆ្ងាញ់ម្តង ។
ខេត្តកំពង់ស្ពឺ ៖ ស្តាប់ទៅពិតជាគួរឱ្យអាណិត ក្រោយដូនចាស់ម្នាក់ពោលពាក្យចេញពីមាត់របស់គាត់ថា មុនស្លាប់ម៉ែចង់ហូបឆ្ងាញ់ម្តង ។
ជួបជាមួយអ្នកយកព័ត៌មានកោះសន្តិភាពដោយចៃដន្យ កាលពីព្រឹកថ្ងៃទី២៩ កក្កដា ខណៈគាត់កំពុងដើរអង្គុយៗ ក្នុងគោលបំណងទៅរកទិញអាហារ ដើម្បីសម្រន់នូវការស្រេកឃ្លានដូនចាស់បានប្រាប់ថា គាត់មានឈ្មោះម៉ុក អោប អាយុ៨៣ឆ្នាំ រស់នៅភូមិចំបក់ក្អែរ ឃុំទឹកល្អក់ ស្រុកគងពិសី ខេត្តកំពង់ស្ពឺ ។
លោកយាយឱ្យដឹងថា ដោយសារគាត់មានវ័យកាន់តែចាស់ទៅៗ ហើយជំងឺចេះតែមកបៀតបៀនផងនោះ គាត់បានបង្ខំចិត្តលក់ដីដែលមានបន្តិចបន្តួច យកប្រាក់មកព្យាបាលជំងឺជាបន្តបន្ទាប់ ក៏នៅតែមិនជាសះស្បើយ រហូតដល់អស់ដី ហើយជំងឺនៅតែមិនជាសះស្បើយទៀត ។ រាល់ថ្ងៃនេះ គាត់រស់បានអាស្រ័យលើអ្នកជិតខាងហុចបាយសម្លរព្រឹក-ល្ងាច ទើបចេះតែរស់រានមានជីវិតរហូត ដល់ពេលនេះ គឺមានវ័យ៨៣ឆ្នាំហើយ ។
ឆ្លើយតបសំណួររបស់អ្នកព័ត៌មានយើងសួរថា តើលោកយាយអញ្ជើញទៅណាបានជាដើរឈប់ៗបែបនេះ? គាត់ឆ្លើយថា «ម៉ែឃ្លានម៉ែចង់ហូបឆ្ងាញ់ ហើយមូលហេតុដែលដើរឈប់ៗនេះ មកពីគាត់ហត់ខ្លាំងពេក» ។ និយាយបណ្តើរលោកយាយលូកហោប៉ៅអាវបង្ហាញលុយក្រដាស១០០រៀលបួនប្រាំសន្លឹក មកកាន់អ្នកព័ត៌មានយើង ហើយនិយាយថា មិនដឹងជាគេលក់ឱ្យម៉ែឬអត់នោះទេ បើលុយម៉ែមានតែប៉ុណ្ណឹង? ។
ដោយសារតែអាណិតអាសូរលោកយាយ អ្នកយកព័ត៌មានយើង បានជូនលុយគាត់១០.០០០រៀល ដើម្បីបានយកទៅទិញរបស់ណាដែលគាត់គិតថាឆ្ងាញ់ ដើម្បីពិសារ ។ ជាមួយគ្នានេះដែរ លោកយាយក៏បានសំណូមពរដល់អស់លោកអ្នកដែលមានចិត្តសប្បុរស មេត្តាជួយផ្តល់ក្តី មេត្តាករុណាដល់លោកយាយដោយជួយឧបត្ថម្ភគ្រឿងឧបភោគ បរិភោគ គ្រាន់បានហូបទៅថ្ងៃមុខ ជាពិសេស គាត់ចង់ហូបអាហារដែលឆ្ងាញ់បានម្តង ។
ចែករំលែកព័តមាននេះ