ខ្លាញ់ក្បាលពោះគឺជាការព្រួយបារម្ភដ៏ខ្លាំងសម្រាប់មនុស្សជាច្រើន ។ វាមិនត្រឹមតែធ្វើឱ្យរូបរាងរបស់អ្នកមិនទាក់ទាញប៉ុណ្ណោះទេ តែវាក៏បង្កើនហានិភ័យនៃការវិវឌ្ឍន៍ទៅជាជំងឺលើសឈាម ជំងឺទឹកនោមផ្អែម និងជំងឺបេះដូង ។
ខ្លាញ់ក្បាលពោះគឺជាការព្រួយបារម្ភដ៏ខ្លាំងសម្រាប់មនុស្សជាច្រើន ។ វាមិនត្រឹមតែធ្វើឱ្យរូបរាងរបស់អ្នកមិនទាក់ទាញប៉ុណ្ណោះទេ តែវាក៏បង្កើនហានិភ័យនៃការវិវឌ្ឍន៍ទៅជាជំងឺលើសឈាម ជំងឺទឹកនោមផ្អែម និងជំងឺបេះដូង ។
វិធីដ៏ល្អបំផុតដើម្បីកាត់បន្ថយជាតិខ្លាញ់ក្បាលពោះ គឺជ្រើសរើសការបរិភោគអាហារដោយឈ្លាសវៃ និងធ្វើលំហាត់ប្រាណប្រចាំថ្ងៃ ។
ខាងក្រោមនេះជាអាហារដែលល្អបំផុតក្នុងការជួយសម្រកខ្លាញ់ក្បាលពោះ ។
១-ម្នាស់
វាមានអង់ស៊ីមម្យ៉ាងដែលមានឈ្មោះថា bromelain ដែលវាមានលក្ខណៈប្រឆាំងនឹងការរលាក ។ អង់ស៊ីមនេះជួយក្នុងការរំលាយប្រូតេអីុន និងជួយធ្វើឲ្យក្បាលពោះរបស់អ្នករាបស្មើ ។
២-ឪឡឹក
ឪឡឹកគឺជាអាហារដ៏ល្អឥតខ្ចោះដើម្បីកាត់បន្ថយជាតិខ្លាញ់ក្នុងខ្លួន ។ វាមានជាតិទឹក៩១% និងដើរតួនាទីដូចជា ថ្នាំបញ្ចុះទឹកនោម (ជំរុញអោយមានការផលិតទឹកនោម) វាធ្វើឱ្យអ្នកមានអារម្មណ៍ឆ្អែតយូរ និងជួយក្នុងការបញ្ចេញជាតិទឹកដែលលើសចេញពីរាងកាយ ។
៣-ផ្លែប៊័រ
វាមាននូវបរិមាណដ៏ច្រើននៃជាតិខ្លាញ់មិនឆ្អែត ដែលជាជាតិខ្លាញ់ល្អចំពោះសុខភាពបេះដូង ។ វាក៏សម្បូរទៅដោយជាតិសរសៃផងដែរដែលជួយធ្វើឱ្យអ្នកមានអារម្មណ៍ឆ្អែតបានយូរ និងទប់ស្កាត់ការឃ្លាន ។
៤-តែបៃតង
វាសម្បូរទៅដោយសារធាតុប្រឆាំងអុកស៊ីតកម្ម និងជួយក្នុងការបង្កើនការរំលាយអាហារ ដូច្នេះវាជួយក្នុងការកាត់បន្ថយជាតិខ្លាញ់នៅក្នុងខ្លួន ។ វាក៏ជួយទប់ស្កាត់ចំណង់អាហាររបស់អ្នកផងដែរ ។
៥-ផ្លែប៉ោម
ពួកវាសម្បូរទៅដោយជាតិសរសៃ flavonoids និង beta carotene ។ សារធាតុទាំងអស់នេះជួយធ្វើឲ្យអ្នកមានអារម្មណ៍ឆ្អែត និងទប់ស្កាត់ការបរិភោគហួសកម្រិត ។ សារធាតុ Pectin ដែលមានវត្តមាននៅក្នុងផ្លែប៉ោមអាចជួយសម្រកទម្ងន់ដោយវាផ្លាស់ប្តូរខ្លួនវាទៅជាជែលដែលអាចចាប់យកកូឡេស្តេរ៉ូល និងជាតិខ្លាញ់ពីក្នុងខ្លួន ។
៦-បន្លែបៃតង
ចូរទទួលទានបន្លែបៃតងឲ្យច្រើន ព្រោះវាមានកាឡូរីទាប មានជាតិសរសៃខ្ពស់ និងមានជាតិកាល់ស្យូម និងវីតាមីន C ។ ទឹកបន្លែជួយសម្អាតរាងកាយ និងបង្កើនអត្រារំលាយអាហារ ៕
ចែករំលែកព័តមាននេះ