វៀតណាម ៥នាក់ ចូលមកលក់ឆ្នោត នៅស្វាយរៀង ត្រូវសមត្ថកិច្ច ឃាត់ខ្លួន
- ស្វាយរៀង
ខេត្ដស្វាយរៀង៖ សមត្ថកិច្ច បានឃាត់ខ្លួនជនជាតិវៀតណាម ចំនួន ៥នាក់ ក្រោយពីពួកគេបានឆ្លងដែនចូលទឹកដីកម្ពុជា ហើយដើរលក់ឆ្នោតវៀតណាមនៅក្រុងស្វាយរៀង នាថ្ងៃទី៣១ខែមករា ឆ្នាំ២០២៣ នេះ។…
ខេត្ដស្វាយរៀង៖ សមត្ថកិច្ច បានឃាត់ខ្លួនជនជាតិវៀតណាម ចំនួន ៥នាក់ ក្រោយពីពួកគេបានឆ្លងដែនចូលទឹកដីកម្ពុជា ហើយដើរលក់ឆ្នោតវៀតណាមនៅក្រុងស្វាយរៀង នាថ្ងៃទី៣១ខែមករា ឆ្នាំ២០២៣ នេះ។…
ខេត្ដស្វាយរៀង៖ សមត្ថកិច្ច បានឃាត់ខ្លួនជនជាតិវៀតណាម ចំនួន ៥នាក់ ក្រោយពីពួកគេបានឆ្លងដែនចូលទឹកដីកម្ពុជា ហើយដើរលក់ឆ្នោតវៀតណាមនៅក្រុងស្វាយរៀង នាថ្ងៃទី៣១ខែមករា ឆ្នាំ២០២៣ នេះ។
លោកវរសេនីយ៍ទោ ព្រំ សាមាន អធិការរងនៃអធិការដ្ឋាននគរបាលក្រុងស្វាយរៀង បានដឹកនាំកម្លាំងចុះស្រាវជ្រាវ និងឃាត់ខ្លួនជនជាតិវៀតណាម ដែលលក់ឆ្នោតវៀតណាមទាំង ៥នាក់នោះ នាំមកថតរូប និងធ្វើកិច្ចសន្យា ឱ្យបញ្ឈប់ដើរលក់ឆ្នោតខុសច្បាប់តទៅទៀត នៅក្នុងទឹកដីក្រុងស្វាយរៀង។
បើតាមលោក ព្រំ សាមាន ក្នុងសកម្មភាពនេះ សមត្ថកិច្ច បានឃាត់ខ្លួនអ្នកលក់ឆ្នោតវៀតណាមចំនួន ០៥ នាក់ និងដកហូតវត្ថុតាង រួមមាន សន្លឹកឆ្នោតវៀតណាមចំនួន ៧៦៣សន្លឹក។ ជនជាតិវៀតណាមទាំង ០៥នាក់ ត្រូវបានកម្លាំងជំនាញ ធ្វើកិច្ចសន្យា មិនអនុញ្ញាតឱ្យលក់បន្តទៀតនោះទេ ហើយក្រោយពីអប់រំរួច សមត្ថកិច្ចបានដោះលែងឲ្យវិលត្រឡប់ទៅប្រទេសវៀតណាមវិញ។
មហាជន បានលើកឡើងថា គេឃើញជនជាតិវៀតណាមច្រើននាក់ បានឆ្លងដែនពីប្រទេសវៀតណាម ចូលមកលក់ឆ្នោត នៅតាមជនបទ និងទីប្រជុំជន ជាពិសេសក្នុងក្រុងស្វាយរៀង គឺជិះម៉ូតូដើរលក់ឆ្នោត នៅគ្រប់ច្រកល្ហក តាមផ្សារ និងតាមហាងអាហារ ហាងកាហ្វេ ដោយគ្មានខ្លាចញញើតសមត្ថកិច្ចឡើយ ហើយឃើញសមត្ថកិច្ច ឃាត់ខ្លួនមកធ្វើកិច្ចសន្យា មនុស្សមុខដដែលៗ ល្មមចាប់ផាកពិន័យ រួចបញ្ជូនឲ្យទៅខាងសមត្ថកិច្ចភាគីវៀតណាម នៅប្រទេសវៀតណាម ទើបរាងចាល៕ វ៉ាន់ ប៊ុនធឿន
ចែករំលែកព័តមាននេះ