ហ៊ានមែន! បុរសម្នាក់ប្រើហ្វេសប៊ុកក្លែងក្លាយឆបោ.កក្មេងស្រីនាំចូលផ្ទះសំណាក់
- បន្ទាយមានជ័យ
លោកវរសេនីយ៍ទោ ព្រហ្ម ថេង ប្រធានមន្ទីរស្រាវជ្រាវ និងបង្ក្រាបបទល្មើសនៃកងរាជអាវុធហត្ថខេត្ត បានឱ្យដឹងថា បុរសខាងលើឈ្មោះ
លោកវរសេនីយ៍ទោ ព្រហ្ម ថេង ប្រធានមន្ទីរស្រាវជ្រាវ និងបង្ក្រាបបទល្មើសនៃកងរាជអាវុធហត្ថខេត្ត បានឱ្យដឹងថា បុរសខាងលើឈ្មោះ
ខេត្តបន្ទាយមានជ័យ ៖ កម្លាំងកងរាជអាវុធហត្ថខេត្ត បានបញ្ជូនបុរសម្នាក់ទៅសាលាដំបូងខេត្តកាលពីថ្ងៃទី២៨ ខែមករា ឆ្នាំ២០២៣កន្លងទៅ ពីបទល្បួងក្មេងស្រីចូលផ្ទះសំណាក់ ។
លោកវរសេនីយ៍ទោ ព្រហ្ម ថេង ប្រធានមន្ទីរស្រាវជ្រាវ និងបង្ក្រាបបទល្មើសនៃកងរាជអាវុធហត្ថខេត្ត បានឱ្យដឹងថា បុរសខាងលើឈ្មោះ ហួត កើ អាយុ៤៥ឆ្នាំ ជាខ្មែរអ៊ិស្លាម មុខរបរជាងធ្មេញ ស្នាក់នៅបណ្តោះអាសន្នក្នុង ឃុំចង្ហា ស្រុកអូរជ្រៅ ។
លោក ព្រហ្ម ថេង បន្តថា ដោយមានកិច្ចសហការពីបងប្រុសរបស់ក្មេងស្រីរងគ្រោះ នៅថ្ងៃទី២៧ ខែមករា ឆ្នាំ២០២៣ ជននេះត្រូវបានកម្លាំងការិយាល័យប្រឆាំងការជួញដូរមនុស្ស នៃកងរាជអាវុធខេត្ត ឃាត់ខ្លួនក្នុងករណីក្លែងបន្លំតាមហ្វេសប៊ុកឆបោ.ក និងនាំក្មេងស្រីចូលផ្ទះសំណាក់ កាលពីវេលាម៉ោង៩និង៥០នាទីយប់ ថ្ងៃទី២៦ ខែមករា ឆ្នាំ២០២៣ នៅចំណុចស្ថានីយរថយន្តក្រុងសិរីសោភ័ណ ស្ថិតក្នុងសង្កាត់ព្រះពន្លា ក្រុងសិរីសោភ័ណ ។
ការឃាត់ខ្លួនជនសង្ស័យរូបនេះ គឺផ្អែកទៅលើពាក្យបណ្ដឹងរបស់បងប្រុសរបស់ក្មេងស្រី អាយុ១៧ឆ្នាំ រស់នៅស្រុកគិរីវង់ ខេត្តតាកែវ។ ការបង្ក្រាបករណីខាងលើនេះ ក៏ទទួលបានការអនុញ្ញាតពីលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត និងមានការសម្របសម្រួលនីតិវិធីពីឯកឧត្តម កើត វណ្ណារ៉េត ព្រះរាជអាជ្ញាអមសាលាដំបូងខេត្តផងដែរ ។
ក្រោយពីត្រូវឃាត់ខ្លួន ជនសង្ស័យបានសារភាពថា រូបគេពិតជាបានប្រើប្រាស់គណនីហ្វេសប៊ុកក្លែងក្លាយឆបោ.កក្មេងស្រី ក្នុងចេតនាមិនល្អប្រាកដមែន ៕
ចែករំលែកព័តមាននេះ