អស្ចារ្យ! កីឡាករជប៉ុនស៊ុតចុងម៉ោងទម្លាក់ Liverpool ចេញពីពានរង្វាន់ FA Cup
អង់គ្លេស ៖ ខ្សែបម្រើស្លាបជនជាតិជប៉ុន Kaoru Mitoma បានបង្កភាពភ្ញាក់ផ្អើលយ៉ាងខ្លាំង កាលពី
អង់គ្លេស ៖ ខ្សែបម្រើស្លាបជនជាតិជប៉ុន Kaoru Mitoma បានបង្កភាពភ្ញាក់ផ្អើលយ៉ាងខ្លាំង កាលពី
អង់គ្លេស ៖ ខ្សែបម្រើស្លាបជនជាតិជប៉ុន Kaoru Mitoma បានបង្កភាពភ្ញាក់ផ្អើលយ៉ាងខ្លាំង កាលពីយប់ថ្ងៃទី២៩ មករា ២០២៣ ដោយស៊ុតបញ្ចូលទី១គ្រាប់ចុងម៉ោងយ៉ាងអស្ចារ្យ ជួយក្រុម Brighton & Hove Albion ទម្លាក់ក្រុមជើងខ្លាំង Liverpool នៅក្នុងលទ្ធផល ២-១ ចេញពីពានរង្វាន់ FA Cup ត្រឹមវគ្គជម្រុះជុំទី៤។
នៅក្នុងជំនួប ដែលធ្វើឡើងនៅកីឡដ្ឋាន Falmer ក្រុមភ្ញៀវ Liverpool បានបើកការនាំមុខមុននៅនាទី៣០ ដែលរកបានដោយខ្សែបម្រើ Harvey Elliott មុនពេលក្រុមម្ចាស់ផ្ទះ Brighton តាមស្មើមកវិញ នៅនាទី៣៩ ដែលរកបានដោយខ្សែការពារ Lewis Dunk ហើយលទ្ធផលនេះ បានរក្សាដល់ចប់វគ្គទី១។
យ៉ាងណាមិញ អ្វីៗបានចប់សព្វគ្រប់ ក្រោយខ្សែបម្រើស្លាប Kaoru Mitoma ស៊ុតបញ្ចូលទីគ្រាប់ជ័យជម្នះ ក្នុងម៉ោងបន្ថែមនៃវគ្គទី២ ពោលនាទី៩០+២ ដើម្បីទម្លាក់ក្រុម Liverpool ម្ចាស់ជើងឯក FA Cup ៨សម័យកាល ត្រឹមវគ្គជម្រុះជុំទី៤។
គួរបញ្ជាក់ថា ក្លិប Brighton ចាយត្រឹមតែ ២,៧លានដុល្លារអាមេរិកប៉ុណ្ណោះ ដើម្បីចុះហត្ថលេខានាំយកខ្សែបម្រើស្លាបជប៉ុន Kaoru Mitoma ពីក្លិប Kawasaki Frontale នៅលីគកំពូលជប៉ុន (J1 League) កាលពីខែសីហា ឆ្នាំ២០២១។ ប៉ុន្តែសមត្ថភាពរបស់ខ្សែបម្រើស្លាប សមាជិកក្រុមជម្រើសជាតិជប៉ុនវ័យ២៥ឆ្នាំរូបនេះ មិនបានធ្វើឱ្យក្រុមនៅលីគកំពូលអង់គ្លេស Premier League មួយនេះ ខកចិត្តឡើយ ជាមួយទម្រង់លេងយ៉ាងល្អ និងការរកគ្រាប់បាល់បញ្ចូលទីជារឿយៗ។
បច្ចុប្បន្ន Mitoma ក៏ជាកីឡាករបង្កភាពគ្រោះថ្នាក់ម្នាក់ សម្រាប់ក្រុមជាគូប្រជែងផងដែរ ហើយរហូតមកទល់ពេលនេះ កីឡាករកម្ពស់ ១,៧៨ម៉ែត្ររូបនេះ រកបាន ៦គ្រាប់ហើយ ពីការប្រកួតខ្លួន ១៩ប្រកួតគ្រប់កម្មវិធីជាមួយ Brighton៕
ខាងក្រោមនេះ ជាសមាសភាពក្រុមកក់កៅអី នៅការប្រកួតវគ្គជម្រុះជុំទី៥ ៖
ចែករំលែកព័តមាននេះ