ក្រុមគ្រូពេទ្យស្ម័គ្រចិត្តកូរ៉េជួយព្យាបាលជម្ងឺពលរដ្ឋខេត្តព្រះវិហារជារៀងរាល់ឆ្នាំ
ខេត្តព្រះសីហនុ ៖ ក្រុមគ្រូពេទ្យស្ម័គ្រចិត្តកូរ៉េមកពីខេត្តឃ្យុងសាងប៊ុកដូ នៃសាធារណរដ្ឋកូរ៉េ
ខេត្តព្រះសីហនុ ៖ ក្រុមគ្រូពេទ្យស្ម័គ្រចិត្តកូរ៉េមកពីខេត្តឃ្យុងសាងប៊ុកដូ នៃសាធារណរដ្ឋកូរ៉េ
ខេត្តព្រះសីហនុ ៖ ក្រុមគ្រូពេទ្យស្ម័គ្រចិត្តកូរ៉េមកពីខេត្តឃ្យុងសាងប៊ុកដូ នៃសាធារណរដ្ឋកូរ៉េ ដែលដឹកនាំដោយលោក សួស យ៉ារ៉ា តំណាងរាស្ត្រមណ្ឌលខេត្តព្រះវិហារ និងលោក អ៊ុន ចាន់ដា អភិបាលខេត្តព្រះវិហារបានចុះអនុស្សារណៈជាមួយគ្នាដើម្បីមកពិនិត្យព្យាបាលជម្ងឺទូទៅជូនដល់ប្រជាពលរដ្ឋខេត្តព្រះវិហារដោយឥតគិតថ្លៃរយៈពេល២ថ្ងៃជារៀងរាល់ឆ្នាំ ។
ថ្លែងក្នុងឱកាសសំណេះសំណាលជាមួយប្រជាពលរដ្ឋ និងក្រុមគ្រូពេទ្យស្ម័គ្រចិត្តកូរ៉េនៅការិយាល័យតំណាងរាស្ត្រខេត្តព្រះវិហារក្នុងឱកាសព្យាបាល ជម្ងឺជូនដល់ប្រជាពលរដ្ឋនៅព្រឹកថ្ងៃទី២៤ ខែកក្កដា ឆ្នាំ២០១៧ លោក អ៊ុន ចាន់ដា អភិបាលខេត្តព្រះវិហារបានលើកឡើងថា ខេត្តព្រះវិហារ បានចុះអនុស្សារណៈយោគយល់គ្នា (MOU) ជាមួយសមាគមន៍គ្រូពេទ្យស្ម័គ្រចិត្តដែលមកពីខេត្តឃ្យុងសាងប៊ុកដូ របស់ប្រទេសកូរ៉េ ដោយក្រុមគ្រូពេទ្យទាំងអស់នឹងមកព្យាបាលជម្ងឺជូនដល់ប្រជាពលរដ្ឋជារៀងរាល់ ខែកក្កដា រាល់ឆ្នាំតែម្តង ដូច្នេះបងប្អូនប្រជាពលរដ្ឋទាំងអស់នៅទូទាំងខេត្តព្រះវិហារអាចមកទទួលយកសេវាព្យាបាលពីក្រុមគ្រូពេទ្យ ។
សូមបញ្ជាក់ថា ការពិនិត្យព្យាបាលជម្ងឺដោយឥតគិតថ្លៃរបស់ក្រុមគ្រូពេទ្យស្ម័គ្រចិត្តកូរ៉េរយៈពេល២ថ្ងៃនេះមានទីតាំងនៅការិយាល័យតំណាងរាស្ត្រមណ្ឌលខេត្តព្រះវិហារចាប់ពីថ្ងៃទី២៣ ដល់ទី២៤ ខែកក្កដា ឆ្នាំ២០១៧ ប្រជាពលរដ្ឋប្រមាណជិត៣ពាន់បានទទួលការព្យាបាលរួចរាល់ហើយ និងបន្តព្យាបាលប្រជាពលរដ្ឋជាច្រើននាក់ថែមទៀតនៅថ្ងៃនេះ ៕
ចែករំលែកព័តមាននេះ