ក្រុមគប់កញ្ចក់ឡានដោយសារមូលហេតុឆាតញ៉ែស្រីឌឺដងគ្នា ត្រូវតុលាការសម្រេចហើយ
- កណ្តាល
ខេត្តកណ្តាល ៖ លោកស្រី ពេជ ម៉ារ៉ែន ចៅក្រមស៊ើបសួរសាលាដំបូងខេត្តកណ្តាល នៅថ្ងៃទី២៦ ខែ
ខេត្តកណ្តាល ៖ លោកស្រី ពេជ ម៉ារ៉ែន ចៅក្រមស៊ើបសួរសាលាដំបូងខេត្តកណ្តាល នៅថ្ងៃទី២៦ ខែមករា ឆ្នាំ២០២៣ បានសម្រេចចេញដីការឃុំខ្លួនក្រុមគប់កញ្ចក់រថយន្តដោយសារមូលហេតុ ឆាតញ៉ែស្រីឌឺដងគ្នាដាក់ពន្ធនាគារបណ្តោះអាសន្ន ពីបទ ធ្វើឲ្យខូចខាតដោយចេតនា (មានទម្ងន់ទោស) តាមមាត្រា៤១១ នៃក្រមព្រហ្មទណ្ឌ ដែលប្រព្រឹត្តកាលពីវេលាម៉ោង១១និង៥៨នាទីយប់ថ្ងៃទី២៣ ខែមករា ឆ្នាំ២០២២ នៅចំណុចភូមិស្ទឹង ឃុំសំរោងធំ ស្រុកកៀនស្វាយ ខេត្តកណ្តាល។
ជនរងគ្រោះឈ្មោះ សុខ តូរីស ភេទប្រុស អាយុ៣១ឆ្នាំមុខរបរបើកបររថយន្ត មានទីលំនៅភូមិ ព្រែកប៉ុល ឃុំបន្ទាយដែក ស្រុកកៀនស្វាយ ខេត្តកណ្តាល ។
ជនត្រូវចោទចំនួន៥នាក់ខាងលើរួមមាន ១-ឈ្មោះផល សុទីន ភេទប្រុស អាយុ២៣ឆ្នាំ មុខរបរជាងសាក់ មានទីលំភូមិស្ទឹង ឃុំសំរោសធំ ស្រុកកៀនស្វាយ ខេត្តកណ្ដាល ២-ឈ្មោះ ហុង សីហា ភេទប្រុស អាយុ១៦ឆ្នាំ មុខរបរជាងអគ្គីសនី មានទីលំភូមិ ស្ទឹង ឃុំសំរោសធំ ស្រុកកៀនស្វាយ ខេត្តកណ្ដាល ៣-ឈ្មោះវៃ ទីតូ ភេទប្រុស អាយុ២៨ឆ្នាំ មុខរបរកសិករ មានទីលំភូមិស្ទឹង ឃុំសំរោសធំ ស្រុកកៀនស្វាយ ខេត្តកណ្ដាល ៤-ឈ្មោះឈាន ដាវី ភេទប្រុស អាយុ១៥ឆ្នាំ មុខរបរនៅផ្ទះ មានទីលំភូមិស្ទឹង ឃុំសំរោសធំ ស្រុកកៀនស្វាយ ខេត្តកណ្ដាល ៥-ឈ្មោះ ឈឿន ស៊ីណន ភេទប្រុស អាយុ១៦ឆ្នាំ មុខរបរជាងសាក់ មានទីលំភូមិ ស្ទឹង ឃុំសំរោសធំ ស្រុកកៀនស្វាយ ខេត្តកណ្ដាល។
នគរបាលស្រុកកៀនស្វាយ បានប្រាប់អោយដឹងថា នៅថ្ងៃកើតហេតុខាងលើ ឈ្មោះ អេង ចាន់វុត្ថា ឈ្មោះ ឈិន រីណា ឈ្មោះ សុខ តូរីស ឈ្មោះ ខន ដារ៉ា ឈ្មោះ រិន វីរះ ឈ្មោះ សាន សង្វាត ឈ្មោះ សល់ សុភក្ត្រ័ ឈ្មោះ ខុន ថារះ ឈ្មោះ ជឹម ឧត្តម បាននាំគ្នាផឹកស្រាបៀរនៅផ្ទះរបស់ឈ្មោះ ប៊ុន សុភក្តី ភេទប្រុស អាយុ ១៩ឆ្នាំ មុខរបរកម្មករ មានទីលំនៅភូមិ ព្រែកប៉ុល ឃុំបន្ទាយដែក ស្រុកកៀនស្វាយ ខេត្ត កណ្តាល ផឹកស្រាបៀរ២កេស រួចនាំគ្នាទៅបន្តផឹកស្រាបៀរ១កេសទៀត នៅផ្ទះឈ្មោះ សាន សង្វាត មានទីលំនៅភូមិ ព្រែកប៉ុល ឃុំបន្ទាយដែក ជិតផ្ទះរបស់ឈ្មោះ ប៊ុន សុភក្តី ដែរ ។
តាមប្រភពដដែលបានបន្តថា ពេលផឹកបណ្តើរ ឈ្មោះ ជិន រីណា បានខំមិនឆាតហ្វេសប៊ុកទៅមិត្តស្រីឈ្មោះ Suie’ Taa នៅឃុំសំរោងធំ ស្រុកកៀនស្វាយ ខេត្តកណ្តាល ថា អេមអូនអេម ស្រាប់តែពេលនោះ( Account)ឈ្មោះ Bro on ជារបស់ឈ្មោះ ឈឿន ស៊ីណន ភេទប្រុស បានខំមិនតបមកវិញថា អេមអីអាចុ.យម្រា.យ (Am Ey JMr)ជេរថាអោយឈ្មោះ ជិន រីណា វិញ(Account ឈ្មោះÑa Toch) ក៏បានឆាតឆ្លើយឆ្លងជេរគ្នាទៅវិញទៅមក ជាមួយឈ្មោះ ឈឿន ស៊ីណន ភេទ ប្រុស (Account ឈ្មោះ Bro on) ពីមូលហេតុបង្ហោះរូបផឹកស៊ី រួចបក្សពួកទាំងពីរក្រុមក៏បបួលវ៉ៃគ្នាទៅវិញទៅមក។
តាមប្រភពដដែលបានបន្តទៀតថា លុះដល់ម៉ោង១១និង៤០នាទី ជនរងគ្រោះរួមទាំងមិត្តភក្តិបានបបួលគ្នាជិះរថយន្តម៉ាកសាំយ៉ុង ISTANA ពណ៌ស ផលិតឆ្នាំ២០០២ ពាក់ផ្លាកលេខ ភ្នំពេញ 2W-7682 នាំគ្នាជិះសំដៅទៅខារ៉ាអូខេ (KTV) នៅផ្លូវថ្នល់ថ្មីក្នុងឃុំដីឥដ្ឋ ស្រុកកៀនស្វាយ ដោយជនរងគ្រោះឈ្មោះ សុខ តូរីស ភេទប្រុស ជាអ្នកបើករថយន្ត ។ ពេលនោះជនរងគ្រោះបានបើករថយន្តមកដល់ផ្លូវចូលវត្តអង្គរជ័យ ភូមិអង្គរជ័យ ឃុំ បន្ទាយដែក បន្ទាប់មកឈ្មោះ ឈឿន ស៊ីណន ភេទ ប្រុស មានទីលំនៅភូមិស្ទឹង ឃុំសំរោងធំ ស្រុកកៀនស្វាយ ខេត្តកណ្តាល នៅតែបន្តការឆាតឌឺដងមកលើឈ្មោះ ឈិន រីណា ភេទប្រុស ដដែល ។ ហើយក៏បានផ្ញើរឡុកខេសិន ដើម្បីអោយ ស្គាល់ពីទីតាំងដែលខ្លួនកំពុងរស់នៅ ពេលនោះជនរងគ្រោះបានបើករថយន្តទៅដល់តាមឡុកខេសិន ដែលបានផ្ញើរនោះ ដល់ពេលជនរងគ្រោះឈ្មោះ សុខ តូរីស ភេទប្រុស បានបើករថយន្តទៅដល់តាមឡុកខេស៊ិន ។
ភ្លាមនោះស្រាប់តែជនសង្ស័យទាំង៥នាក់ បានចេញពីផ្ទះសាក់រូប មកផ្លូវគ្រួសក្រហម(ផ្លូវលំ)រើសយកអំបែងពាងនឹងដំបងយកមកវាយទៅលើរថយន្តជនរងគ្រោះ បណ្តាលឲ្យបែកកញ្ចក់ខាងក្រោយរថយន្ត បែកស្តប់ខាងក្រោយផ្នែកខាងស្តាំរបស់រថយន្ត ខូចខាតជាច្រើនកន្លែងទៀត បន្ទាប់មកជនរងគ្រោះក៏បានបើករថយន្តត្រឡប់មកផ្ទះវិញ ។ លុះព្រឹកឡើងថ្ងៃទី២៤ ខែមករា ឆ្នាំ២០២៣ វេលាម៉ោង១១ និង៥៥នាទី ជនរងគ្រោះបានមកដាក់ពាក្របណ្តឹងនៅប៉ុស្តិ៍នគរបាលរដ្ឋបាលសំរោងធំ ក្រោយពីបានទទួលបណ្តឹងរួច កម្លាំងប៉ុស្តិ៍នគរបាលរដ្ឋបាលសំរោងធំ កម្លាំងប៉ុស្តិ៍នគរបាលរដ្ឋបាលបន្ទាយដែក បានសហការជាមួយកម្លាំងជំនាញនគរបាលយុត្តិធម៌ស្រុកកៀនស្វាយ បានចុះទៅដល់កន្លែងកើតហេតុ រួចបាននាំខ្លួនជនសង្ស័យទាំង៥នាក់ ខាងលើមកសួរនាំនៅប៉ុស្តិ៍នគរបាលរដ្ឋបាលសំរោងធំ នៅវេលាម៉ោង១៤ និង២៥នាទីថ្ងៃខែឆ្នាំដដែល ។
នៅចំពោះមុខសមត្ថកិច្ច ជនសង្ស័យទាំង៥នាក់ ខាងលើបានសារភាពថា ខ្លួនពិតជាបាននាំគ្នាយកអំបែងពាង យកទៅគប់លើរថយន្តរបស់ជនរងគ្រោះពិតប្រាកដមែន៕
ចែករំលែកព័តមាននេះ