រាជធានីភ្នំពេញ ៖ ផ្ទះប្រជាពលរដ្ឋធ្វើអំពីឈើលើថ្មក្រោមមួយខ្នងត្រូវបានឆាបឆេះអស់ស្ទើរទាំងស្រុងនៅវេលាម៉ោង៧និង១៩នាទីយប់ ថ្ងៃទី២៥ខែកុម្ភៈឆ្នាំ២០២៦ ចំនុចផ្ទះលេខ៨៩ ផ្លូវលំ ភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ…
រាជធានីភ្នំពេញ ៖ ផ្ទះប្រជាពលរដ្ឋធ្វើអំពីឈើលើថ្មក្រោមមួយខ្នងត្រូវបានឆាបឆេះអស់ស្ទើរទាំងស្រុងនៅវេលាម៉ោង៧និង១៩នាទីយប់ ថ្ងៃទី២៥ខែកុម្ភៈឆ្នាំ២០២៦ ចំនុចផ្ទះលេខ៨៩ ផ្លូវលំ ភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ ។
ម្ចាស់ផ្ទះមានឈ្មោះ សួន យ៉ាន ភេទស្រី អាយុ៨២ឆ្នាំ មុខរបរនៅផ្ទះ ចាស់ជរា ។ ផ្ទះដែលឆេះមានទំហំ ០៦ម៉ែត្រគុណនឹង១០ម៉ែត្រ ធ្វើអំពីឈើលើថ្មក្រោម ។
ប្រភពព័ត៌មានបានអោយដឹងថា មុនពេលកើតហេតុ ផ្ទះខាងលើមានមនុស្សចាស់ស្នាក់នៅខាងក្រោម ចំនែកខាងលើមានក្មួយប្រុសម្នាក់មានសតិមិនល្អស្នាក់នៅ លុះដល់ពេលកើតហេតុ មិនដឹងថាមានរឿងអ្វីនោះទេ ស្រាប់តែលឺសំឡេងផ្ទុះ ហើយក៍មានអណ្ដាតភ្លើងឆេះសន្ធោសន្ធៅតែម្តង ទើបផ្អើលពលរដ្ឋរស់នៅក្បែរនោះនាំគ្នាពន្លត់និងជួយយកមនុស្សចាស់ចេញមកក្រៅ ហើយអ្នកខ្លះទៀតបានរាយការណ៍ជូនអាជ្ញាធរនិងសមត្ថកិច្ចចេញរថយន្តពន្លត់អគ្គីភ័យអន្តរាគមន៍ចំនួន៧គ្រឿង ក្នុងមានរថយន្តការិយាល័យ និងរថយន្តជំនួយរបស់ក្រុមហ៊ុនស្រាបៀរ១គ្រឿង សហការគ្នាបាញ់ពន្លត់អស់ទឹក៤រថយន្តធ្វើអោយភ្លើងរលត់ទៅវិញនៅវេលាម៉ោង៨និង០១នាទីយប់ថ្ងៃដដែល ។
សមត្ថកិច្ចបានអោយដឹងថា ករណីនេះមិនគ្រោះថ្នាក់ដល់មនុស្សណាម្នាក់នោះទេ គឺគ្រាន់តែខូចខាតផ្ទះអស់ទាំងស្រុងមួយខ្នង រួមទាំងសំភារៈមានដូចជា មានគ្រែ ពូក ខោអាវ តុ ទូ (ឥវ៉ាន់ប្រើប្រាស់ក្នុងផ្ទះមួយចំនួន)។ ចំពោះមូលហេតុវិញគឺបណ្ដាលមកពីឆ្លងចរន្តអគ្គិសនី បង្កជាអគ្គិភ័យឆាបឆេះបែបនេះ ៕
ចែករំលែកព័តមាននេះ