IOC បើកទ្វារឱ្យអត្តពលិករុស្ស៊ី និងបេឡារុស ចូលរួមប្រកួតព្រឹត្តិការណ៍នៅបារាំង និងអ៊ីតាលី
ស្វីស ៖ គណៈកម្មាធិការអូឡាំពិកអន្តរជាតិ (IOC) បានគូសបញ្ជាក់អំពីផែនការពហុជំហានសម្រាប់
ស្វីស ៖ គណៈកម្មាធិការអូឡាំពិកអន្តរជាតិ (IOC) បានគូសបញ្ជាក់អំពីផែនការពហុជំហានសម្រាប់
ស្វីស ៖ គណៈកម្មាធិការអូឡាំពិកអន្តរជាតិ (IOC) បានគូសបញ្ជាក់អំពីផែនការពហុជំហានសម្រាប់អត្តពលិករុស្ស៊ី និងបេឡារុស ដើម្បីមានសិទ្ធិចូលរួមប្រកួតព្រឹត្តិការណ៍កីឡាអូឡាំពិករដូវក្តៅឆ្នាំ ២០២៤ នៅទីក្រុងប៉ារីស ប្រទេសបារាំង និងកីឡាអូឡាំពិករដូវរងាឆ្នាំ ២០២៦ នៅទីក្រុងមីឡាន ប្រទេសអ៊ីតាលី។
នៅក្នុងសប្តាហ៍នេះ ប្រធានាធិបតីអ៊ុយក្រែន លោក Volodymyr Zelensky បានលើកឡើងថា អត្តពលិករុស្ស៊ី មិនគួរមានកន្លែងសម្រាប់ការប្រកួត Paris Games នោះទេ។ ប៉ុន្តែជាក់ស្តែង សេចក្តីថ្លែងការណ៍របស់ IOC កាលពីថ្ងៃទី២៥ ខែមករា អាចជម្រះផ្លូវ សម្រាប់ការត្រឡប់មកវិញ របស់អត្តពលិករុស្ស៊ី និងបេឡារុស ដោយសេចក្តីថ្លែងការណ៍បានបញ្ជាក់ថា «មិនមានអត្តពលិកណាម្នាក់ គួរតែត្រូវបានរារាំងមិនឱ្យចូលរួមការប្រកួត ដោយសារតែលិខិតឆ្លងដែនរបស់ពួកគេនោះទេ»។
IOC បន្ថែមថា ការចូលរួមក្នុងការប្រកួតប្រជែង ដែលរួមបញ្ចូលនូវព្រឹត្តិការណ៍ជម្រុះ នឹងតម្រូវឱ្យអត្តពលិករុស្ស៊ី និងបេឡារុសចូលរួមក្នុងនាមអព្យាក្រឹត ដោយមិនតំណាងឱ្យរដ្ឋ ឬអង្គការផ្សេងទៀត នៅក្នុងប្រទេសពួកគេឡើយ។ គ្មានទង់ជាតិ ភ្លេងជាតិ ឬអត្តសញ្ញាណផ្សេងទៀតណាមួយនៃប្រទេសទាំងពីរ ត្រូវបានបង្ហាញក្នុងព្រឹត្តិការណ៍កីឡា ឬកិច្ចប្រជុំណាមួយ រួមទាំងទីកន្លែងពាក់ព័ន្ធទាំងអស់ផងដែរ។ អត្តពលិកក៏មិនត្រូវធ្វើសកម្មភាពប្រឆាំងណាមួយនឹងបេសកកម្មសន្តិភាពរបស់ IOC ដើម្បីគាំទ្រសង្គ្រាមនៅអ៊ុយក្រែន។
យ៉ាងណាមិញ IOC បានបង្ហាញគោលជំហររបស់ខ្លួន ក្នុងការបន្តដាក់ទណ្ឌកម្មប្រឆាំងនឹងរដ្ឋ និងមន្ត្រីរដ្ឋាភិបាលរបស់រុស្ស៊ី និងបេឡារុស ហើយនឹងហាមឃាត់ព្រឹត្តិការណ៍កីឡា ដែលរៀបចំដោយសហព័ន្ធប្រទេសទាំងពីរផងដែរ។ ស្ថាប័នកំពូលនេះ បានបញ្ជាក់ថា ក្រុមប្រឹក្សាភិបាលរបស់ខ្លួនបានជួបប្រជុំរួចហើយ និងបានសម្រេចជាឯកច្ឆ័ន្ទឡើងវិញ អំពាវនាវឱ្យមានការពង្រឹងទណ្ឌកម្មដែលមានស្រាប់។
បន្ថែមពីនេះទៀត IOC នឹងប្តេជ្ញាចិត្តឡើងវិញ ពង្រឹងសាមគ្គីភាពជាមួយអត្តពលិកអ៊ុយក្រែន និងសហគមន៍អូឡាំពិកអ៊ុយក្រែន ហើយនឹងគាំទ្រដល់កិច្ចខិតខំប្រឹងប្រែងរបស់អ៊ុយក្រែន ក្នុងការបង្កើតក្រុមខ្លាំងមួយនៅឯការប្រកួត នៅក្នុងទីក្រុងប៉ារីស និងទីក្រុងមីឡាន។
តាមរយៈការផ្លាស់ប្តូរនេះ IOC ទទួលរងការរិះគន់យ៉ាងខ្លាំង ដោយក្នុងនោះរួមទាំងអត្តពលិកអ៊ុយក្រែន និងសមាគមសិទ្ធិអត្តពលិកសកលផងដែរ ដោយលើកឡើងថា ការសម្រេចចិត្តនេះ បង្ហាញថា IOC កំពុងគាំទ្រសង្គ្រាមរបស់រុស្ស៊ី និងការឈ្លានពានលើអ៊ុយក្រែន។
សេចក្តីថ្លែងការណ៍រួមពីក្រុមសិទ្ធិអត្តពលិកសកល Global Athlete និងអត្តពលិកអ៊ុយក្រែន បានបង្ហាញថា ផែនការរបស់ IOC ក្នុងការអនុញ្ញាតឱ្យអត្តពលិករុស្ស៊ី និងបេឡារុស ចូលរួមព្រឹត្តិការណ៍កីឡាអូឡាំពិកនាពេលខាងមុខ គឺគ្រាន់តែពង្រឹងម៉ាស៊ីនឃោសនារបស់រុស្ស៊ី តែប៉ុណ្ណោះ៕ (ដកស្រង់ចេញពី CNN និង BBC)
ចែករំលែកព័តមាននេះ