គ្រូបង្វឹកជនជាតិអង់គ្លេសម្នាក់ នឹងមកដឹកនាំក្លិបមួយនៅលីគបាល់ទាត់កម្ពុជា
- ភ្នំពេញ
រាជធានីភ្នំពេញ ៖ បុរសសញ្ជាតិអង់គ្លេសលោក Callum Brooks នឹងចូលមកកាន់ដំណែងជាគ្រូបង្វឹក
រាជធានីភ្នំពេញ ៖ បុរសសញ្ជាតិអង់គ្លេសលោក Callum Brooks នឹងចូលមកកាន់ដំណែងជាគ្រូបង្វឹក
រាជធានីភ្នំពេញ ៖ បុរសសញ្ជាតិអង់គ្លេសលោក Callum Brooks នឹងចូលមកកាន់ដំណែងជាគ្រូបង្វឹកសមាជិកលីគទី២កម្ពុជា Cambodian League 2 ជាមួយក្រុមមានមូលដ្ឋាននៅខេត្តសៀមរាប Next Step FC សម្រាប់រដូវថ្មីឆ្នាំ២០២៣/២៤នេះ បើតាមការបង្ហាញលើបណ្ដាញសង្គមផ្លូវការរបស់លោក។
លោក Callum Brooks កាន់អាជ្ញាប័ណ្ណបង្វឹកបាល់ទាត់កម្រិត FA B Licence ដោយលោកធ្លាប់មានបទពិសោធន៍ការងារជាគ្រូបង្វឹកនៅប្រទេសកំណើតជាមួយ Portland United, Hamworthy United ,Christchurch និងចុងក្រោយដឹកនាំ Dorchester Town FC ដែលជាក្លិបដែលកំពុងលេងក្នុងកម្រិតទី៨ នៃលីគបាល់ទាត់អង់គ្លេស។
សម្រាប់ក្លិបបាល់ទាត់មានមូលដ្ឋាននៅខេត្តសៀមរាប Next Step FC ជាក្លិបដែលចូលលេងពានរង្វាន់អាជីពកម្រិតទី២ កម្ពុជាកាលពីរដូវកាលមុន ដោយបញ្ចប់រដូវកាលនៅចំណាត់ថ្នាក់លេខរៀងទី១១ ក្នុងចំណោមក្រុមទាំង១២ ហើយ Next Step ប្រើប្រាស់កីឡដ្ឋានហនុមាន ជាទឹកដីរបស់ខ្លួនដែលដាក់អ្នកទស្សនាបានជាង ៥,០០០នាក់ ។ ពួកគេមានប្រធានសញ្ជាតិអង់គ្លេស គឺលោក Charlie Pomroy ដែលរដូវកាលមុនមាននាទីជាគ្រូបង្វឹកផងដែរ៕ (ដោយ៖ ភឿង ភារៈ)
ចែករំលែកព័តមាននេះ