ADផ្ទាំងផ្សព្វផ្សាយពាណិជ្ជកម្ម

Picture

បុរស​២​នាក់​ត្រូវ​នគរបាល​ជិះ​ដេញ​តាម​ឃាត់ខ្លួន​តាំងពី​ខណ្ឌ​មួយ​ទៅ​ខណ្ឌ​មួយទៀត​បង្ក​ការ​ភ្ញាក់ផ្អើល

1 ឆ្នាំ មុន
  • ភ្នំពេញ

កម្លាំង​អន្តរាគមន៍​ខណ្ឌមានជ័យ បាន​ធ្វើការ​ជិះ​ប្រដេញ​តាម​ឃាត់ខ្លួន​ជនសង្ស័យ​ចំនួន​ពីរ​នាក់ ដែល​ព្យាយាម​ជិះ​ម៉ូតូ​រត់គេច​ខ្លួន​តាំងពី​ខណ្ឌមានជ័យ រហូត​ឃាត់ខ្លួន​បាន​នៅ​ក្នុង​ខណ្ឌ​ពោធិ៍​សែន​ជ័យ បង្ក​ឱ្យ​មានការ​ភ្ញាក់ផ្អើល​

រាជធានី​ភ្នំពេញ ៖ កម្លាំង​អន្តរាគមន៍​ខណ្ឌមានជ័យ បាន​ធ្វើការ​ជិះ​ប្រដេញ​តាម​ឃាត់ខ្លួន​ជនសង្ស័យ​ចំនួន​ពីរ​នាក់ ដែល​ព្យាយាម​ជិះ​ម៉ូតូ​រត់គេច​ខ្លួន​តាំងពី​ខណ្ឌមានជ័យ រហូត​ឃាត់ខ្លួន​បាន​នៅ​ក្នុង​ខណ្ឌ​ពោធិ៍​សែន​ជ័យ បង្ក​ឱ្យ​មានការ​ភ្ញាក់ផ្អើល​កាលពី​វេលា​ម៉ោង​៨​និង​៣០​នាទី​យប់ ថ្ងៃ​ទី​២៤ ខែមករា ឆ្នាំ​២០២៣ នៅ​ត្រង់​ចំណុច​ទល់មុខ​កងពលតូច​ដឹក​ជ​ញ្ជួ​ន​លេខ​៩៩ តាម​បណ្ដោយ​ផ្លូវ​២០០៤ ស្ថិត​ក្នុង​សង្កាត់​កា​កាប​ទី​១ ខណ្ឌ​ពោធិ៍​សែន​ជ័យ​។

តាម​ប្រភព​ព័ត៌មាន​ពី​កម្លាំង​អន្តរាគមន៍​ខណ្ឌមានជ័យ បាន​រៀបរាប់​ប្រាប់​ឲ្យ​ដឹង​ថា នៅ​មុន​ពេល​កើតហេតុ កម្លាំង​សមត្ថកិច្ច​បាន​ធ្វើការ​ជិះ​ល្បាត​នៅ​មូលដ្ឋាន ដើម្បី​ទប់ស្កាត់​បទល្មើស​ផ្សេង​ៗ​ដែល​អាច​កើត​មាន​ដោយ​ប្រការ​ណាមួយ​។

ប្រភព​ដដែល​បន្ត​ថា ខណៈ​ពេល​ដែល​ជិះ​ដល់​ចំណុច​ច្រក​ទីលាន​ចាក់សំរាម​ចាស់ តាម​បណ្ដោយ​ផ្លូវលំ ស្ថិត​ក្នុង​សង្កាត់​ស្ទឹង​មាន​ជ័យ​ទី​២ ខណ្ឌមានជ័យ កម្លាំង​ល្បាត​ក៏​បាន​ប្រទះ​ឃើញ​ជនសង្ស័យ​ចំនួន​ពីរ​នាក់​ជិះ​ម៉ូតូ​មួយ​គ្រឿង ម៉ាក​ស៊ុ​យ​ហ្ស៊ុ​យ​គី​និ​ច ពណ៌​ទឹកប្រាក់ ពាក់​ស្លាក​លេខ ភ្នំពេញ​1HZ-2264 ដែល​ជិះ​ដឹក​គ្នា​ក្នុង​លក្ខណៈ​សង្ស័យ ហើយ​កម្លាំង​ល្បាត​ក៏​បាន​ហៅ​ឲ្យ​ឈប់​ដើម្បី​ធ្វើការ​ឆែកឆេរ តែ​ជនសង្ស័យ​ទាំង​ពីរ​នាក់​នោះ​មិន​ព្រម​ឈប់​នោះ​ទេ បែរជា​ព្យាយាម​ជិះ​រត់គេច​ខ្លួន​ទៅ​វិញ ប៉ុន្តែ​ត្រូវ​បាន​សមត្ថកិច្ច​ជិះ​ដេញ​តាម​ពីក្រោយ រហូត​ដល់​ចំណុច​កើតហេតុ ទើប​សមត្ថកិច្ច​អាច​ធ្វើការ​ស្ទាក់​ចាប់​ជនសង្ស័យ​ទាំង​ពីរ​នាក់​នោះ​បាន បន្ទាប់​ពី​ក៏​មាន​កម្លាំង​សមត្ថកិច្ច​ខណ្ឌ​ពោធិ៍​សែន​ជ័យ បាន​ចុះ​មក​ជួយ​ធ្វើការ​សហការ​ថែម​ទៀត​ផង​។

ក្រោយ​ពេល​កើតហេតុ ជនសង្ស័យ​ទាំង​ពីរ​នាក់ ត្រូវ​បាន​សមត្ថកិច្ច​នាំ​ខ្លួន​យក​ទៅ​ប៉ុស្តិ៍​នគរបាល​រដ្ឋបាល​ស្ទឹង​មាន​ជ័យ​ទី​២ ដើម្បី​ធ្វើការ​សាកសួរ និង​ធ្វើតេស្ដ​ទឹកនោម​រក​សារធាតុ​ញៀ​.​ន ព្រមទាំង​ចាត់ការ​ទៅ​តាម​នីតិវិធី​៕

អត្ថបទសរសេរ ដោយ

កែសម្រួលដោយ