ទីបំផុត! រកឃើញហើយម្ចាស់ពានរង្វាន់បាល់ទាត់ ២៩ ធ្នូ ក្នុងក្រុងសៀមរាប ឆ្នាំ២០២២
- សៀមរាប
ខេត្តសៀមរាប ៖ ឆ្លងកាត់ទៅតាមការប្រកួតវិលជុំ និងធ្វើការជម្រុះទៅតាមពូល ដែលមានក្រុម
ខេត្តសៀមរាប ៖ ឆ្លងកាត់ទៅតាមការប្រកួតវិលជុំ និងធ្វើការជម្រុះទៅតាមពូល ដែលមានក្រុមកីឡាករមកពីសង្កាត់ទាំង១២ របស់ក្រុងសៀមរាប ខេត្តសៀមរាប ត្រូវបានបិទការប្រកួតពានរង្វាន់បាល់ទាត់ ២៩ ធ្នូ ក្រុងសៀមរាប ឆ្នាំ២០២២ កាលពីសៀលថ្ងៃទី ១៩ ខែ មករា ឆ្នាំ២០២៣ នៅក្លឹបបាល់ទាត់ ហនុមាន ក្រុងសៀមរាប ដែលមានកីឡាករចូលរួមប្រកួតសរុប ១៨០នាក់ និង ថ្នាក់ដឹកនាំក្រុម៦០នាក់។
ក្នុងពិធីបិទការប្រកួតនេះ ប្រព្រឹត្តទៅក្រោមអធិបតីភាព លោក ទៀ សីហា អភិបាលនៃគណៈ អភិបាលខេត្ត ដោយមានការចូលរួមពីថ្នាក់ដឹកនាំមន្ទីរ អង្គភាព មន្ត្រីរាជការ សិស្សានុសិស្សប្រមាណ ៣ពាន់នាក់ចូលរួមផងដែរ ។
ការរៀបចំប្រកួតពានរង្វាន់បាល់ទាត់ ២៩ ធ្នូ ក្រុងសៀមរាប ឆ្នាំ២០២២ នេះធ្វើឡើ្ងង ក្នុងគោលបំណង រំលឹកដល់គុណនៃទិវានយោបាយឈ្នះ ឈ្នះ ថ្ងៃទី២៩ ធ្នូ ក្រោមពាក្យស្លោក អរគុណសន្តិភាព ! អរគុណនយោបាយឈ្នះ ឈ្នះ ! ដឹងគុណស្ថាបនិកមគ្គុទ្ទេសក៍ឯក និងប្រតិបត្តិករនយោ បាយឈ្នះ ឈ្នះ ដែលនាំមកនូវសន្តិភាព និងការឯកភាពជាតិពេញលេញ និងចលនាយុវជនឱ្យគិតគូរអំពីសុខភាព មិត្តភាព ការផ្សារភ្ជាប់ទំនាក់ទំនងល្អយុវជននៅក្នុងសង្កាត់ នៃក្រុងសៀមរាប និង ជម្រុញយុវជនឱ្យចូលរួមលេងកីឡា ចៀសផុតពីអំពើអបាយមុខ ជាសំខាន់ គឺបំផុស សកម្មភាពបាល់ទាត់នៅក្នុងខេត្តសៀមរាប ដែលជាផ្នែកមួយនៃការ អភិវឌ្ឍន៍វិស័យកីឡាបាល់ទាត់នៅកម្ពុជា ដែលជាចលនាមួយទាក់ទាញដល់ភ្ញៀវទេសចរណ៍ ជាតិ និងអន្តរជាតិផងដែរ។
ឆ្លងតាមលទ្ធផលនៃការប្រកួតនេះ យើងបានរកឃើញក្រុមទទួលបានជ័យលាភីលេខ១ បានទៅលើក្រុមបាល់ទាត់សង្កាត់ ស្វាយដង្គំ , ជ័យលាភីលេខ២ បានទៅក្រុម សង្កាត់ស្រង៉ែ និង ជ័យលាភីលេខ៣ បានទៅក្រុម សង្កាត់ ក្របីរៀល និង ជ័យ លាភីលេខ៤ បានទៅក្រុមសង្កាត់នគរធំ។
មានប្រសាសន៍សំណេះសំណាលជាមួយក្រុមកីឡាករនោះ លោក ទៀសីហា អភិបាលខេត្ត ក៏បានគូសបញ្ជាក់ថា វិស័យកីឡា គឺជាចលករមួយដ៏សំខាន់ក្នុងវិស័យទេសចរណ៍ ក៏ជាសម្ព័ន្ធភាពមួយដ៏សំខាន់ ក្នុងការទំនាក់ទំនងប្រាស្រ័យទាក់ទងគ្នា និង ធ្វើឲ្យកាយសម្បទាយើងមានភាពរឹងមាំ សុខភាពមាំមួនទៀតផង ។
លោក ក៏បានបន្តទៀតថា នេះជាលើកទី១ ហើយ ដែលក្រុមសហភាពសហព័ន្ធយុវ ជនក្រុងសៀមរាប បានរៀបចំការប្រកួតពានរង្វាន់បាល់ទាត់ ២៩ ធ្នូ ក្នុងការរំលឹកដល់គុណនៃទិវានយោបាយ ឈ្នះ ឈ្នះ ថ្ងៃទី២៩ ធ្នូ ក្រោមពាក្យស្លោក អរគុណសន្តិភាព ! អរគុណនយោបាយ ឈ្នះ ឈ្នះ ! ដឹងគុណស្ថាបនិកមគ្គុទ្ទេសក៍ឯក និងប្រតិបត្តិករនយោបាយ ឈ្នះ ឈ្នះ ដែលនាំមកនូវសន្តិភាព និងការឯកភាព ជាតិពេញលេញ ។
ក្នុងនោះ លោកអភិបាលខេត្ត បានអរគុណសម្តេចតេជោ ហ៊ុន សែន នាយករដ្ឋមន្ត្រី បានផ្តល់វ៉ាក់ សាំងចាក់ស្រោចជូនដល់ប្រជាពលរដ្ឋកម្ពុជា ទើបធ្វើឱ្យយើងបង្កើតព្រឹត្តិការណ៍ នៃការប្រកួតកីឡាបានដំណើរការទៅដោយសុវត្ថិភាព ទោះបីស្ថិតនៅក្នុងវិបត្តិកូវីដ-១៩ យ៉ាងណាដ៏ដោយ ។ ម្យ៉ាងទៀតការប្រកួតកីឡានេះ គឺធ្វើឱ្យយុវជន សិស្សានុសិស្ស និង មហាជនយើងបង្កើនសាមគ្គីភាព នឹង មានទំនាក់ទំនងល្អរវាងសង្កាត់និងសង្កាត់ ឃុំ និង ឃុំ ស្រុក និងស្រុក ខេត្ត និង ខេត្ត ដើម្បីពង្រឹងការយក ចិត្តទុកដាក់លើវិស័យអប់រំកាយនិងកីឡា នៅតាមសាលារៀនទូទាំងខេត្ត ក៏ជាការ ចូលរួមលុបបំបាត់ការប្រើប្រាស់គ្រឿង ញៀន នៅក្នុងសាលារៀន សហគមន៏ និង នៅទីសាធារណៈជាដើម ។
លោក ទៀ សីហា បានបន្តទៀតថា អ្វីជាសំខាន់ជាងនេះទៅទៀតនោះ គឺភូមិឃុំមានសុវត្តិភាព ចង់ឱ្យប្អូនៗទាំងអស់ឆ្លើយថា ទេចំពោះគ្រឿងញៀ.ន មិនមែនយើងលេងកីឡាតែមួយមុខប៉ុណ្ណោះទេ គឺ យុវជនយើងដែលជាមូលដ្ឋានគ្រឹះនៃធនធានមនុស្ស ក្នុងកិច្ចអភិវឌ្ឍន៍មូលដ្ឋានខ្លួន ។
ដោយឡែកក្រុមកីឡាករទាំងអស់ និងត្រូវជម្រើសបានកីឡាករល្អៗជាបន្តបន្ទាប់ ហើយចាប់ពីឆ្នាំនេះទៅ ក្រុមកីឡាករក៏ត្រូវត្រៀមលក្ខណៈ ក្នុងការចូលរួមសាទរកីឡាស៊ីហ្គែម នៅពេលខាងមុខ ដែលកម្ពុជាយើងធ្វើជាម្ចាស់ផ្ទះ នឹង អាចអភិវឌ្ឍសមត្ថភាពរបស់ខ្លួន បង្កើតជាក្តីសុបិនសម្រាប់អនាគត ដោយព្រឹត្តិការណ៍ឆ្នាំនេះ ក្លឹបបាល់ទាត់ទាំង១២សង្កាត់ នឹង ស្រង់យកជើងខ្លាំងប្រចាំក្រុងសៀមរាបធ្វើការបណ្តុះបណ្តាលជាកីឡាករអាជីព ។
លោកក៏បានបញ្ជាក់ថា កាប្រកួតពានរង្វាន់នេះ យើងនឹងបន្តធ្វើជារៀងរាល់ឆ្នាំ ទៅតាមរូបភាព នៃពានរង្វាន់ ដោយមានការចូលរួមប្រកួតពីគ្រប់វិទ្យាល័យ អនុវិ ទ្យាល័យ ក្រុង ស្រុក និងមហាជន ឃុំ សង្កាត់ ក្នុងការជម្រុញឲ្យវិស័យកីឡានៅខេត្តសៀមរាប មានការអភិវឌ្ឍន៍ ពីព្រោះថា កីឡាធ្វើឱ្យរាងកាយ សុខភាពរឹងមាំ ។
លោកក៏បានធ្វើការផ្តាំផ្ញើដល់ក្រុមកីឡាកទាំងអ្នកទទួលជ័យលាភី និងមិនទទួលបានជ័យលាភី ត្រូវបង្កើនការហ្វឹកហាត់បន្តទៀត ហើយការប្រកួតពេលនេះ ក៏ជាការដកស្រង់បទពិសោធន៍បច្ចេកទេសពីគ្នាទៅវិញទៅមក និង កុំមោទនភាពចំពោះជ័យជម្នះរបស់ខ្លួន គឺត្រូវបង្កើនការហ្វឹកហាត់បន្តទៀត ដើម្បីរក្សាឱ្យបាននូវភាពជោគជ័យរបស់នៅពេលក្រោយៗទៀត ៕
ចែករំលែកព័តមាននេះ