ADផ្ទាំងផ្សព្វផ្សាយពាណិជ្ជកម្ម

Picture

លាងដៃ​មុន​ទទួលទាន​អាច​​បង្ការ​ជំងឺ​​ទាំង​5​ប្រភេទនេះ

6 ឆ្នាំ មុន

តើ​មាន​មនុស្ស​ប៉ុន្មាន​នាក់​លាងដៃ​មុន​ពេល​បរិភោគ​អាហារ ? ចម្លើយ​គឺ​ស្ទើរតែ​គ្រប់​គ្នា​។ ទោះជា​យ៉ាងណា​ក្តី ឱកាស​នៃ​ការ​មិន​លាងដៃ​ក្រោយ​ពេល​បី​សត្វ​ចិញ្ចឹម​របស់​អ្នក បន្ទាប់​ពី

តើ​មាន​មនុស្ស​ប៉ុន្មាន​នាក់​លាងដៃ​មុន​ពេល​បរិភោគ​អាហារ ? ចម្លើយ​គឺ​ស្ទើរតែ​គ្រប់​គ្នា​។ ទោះជា​យ៉ាងណា​ក្តី ឱកាស​នៃ​ការ​មិន​លាងដៃ​ក្រោយ​ពេល​បី​សត្វ​ចិញ្ចឹម​របស់​អ្នក បន្ទាប់​ពី​ទិញ​ទំនិញ ថែទាំ​សួនច្បារ ឬ​ក្រោយ​ពេល​ចូល​បន្ទប់ទឹក​មាន​កម្រិត​ខ្ពស់ ។

ថ្វីបើ​ការ​អនុវត្ត​វិធានការ​រស់នៅ​ស្អាត​ប្រកបដោយ​អនាម័យ​គឺ​ល្អ​សម្រាប់​សុខភាព​របស់​អ្នក ប៉ុន្តែ​មាន​មនុស្ស​ជា​ច្រើន​មិនសូវ​យកចិត្តទុកដាក់​លើ​រឿង​នេះ​ទេ ។ វា​គឺជា​មូលហេតុ​ដែល​ធ្វើ​ឲ្យ​យើង​ភាគច្រើន​ឈឺ ទោះបី​យើង​មាន​របៀប​រស់នៅ​ដែល​ល្អ និង​ការ​ទទួលទាន​អាហារ​ដែល​សម្បូរ​សារធាតុចិញ្ចឹម​ក៏​ដោយ ។

ខាងក្រោម​នេះ​គឺជា​ជំងឺ​មួយ​ចំនួន​ដែល​អ្នក​អាច​បង្ការ​បាន​ដោយ​ការ​លាងដៃ​មុន​បរិភោគ​អាហារ ៖

១-​ការ​ឆ្លង​មេរោគ​ក្នុង​បំពង់ក
នៅ​ពេល​ដែល​អ្នក​បរិភោគ​អាហារ​ដោយ​មិន​បាន​លាងដៃ បាក់តេរី​ដែល​មាននៅ​លើ​ដៃ​ចូល​ទៅ​ក្នុង​ខ្លួន​របស់​អ្នក ។ ដោយសារ​ម្ហូបអាហារ​ធ្វើ​ដំណើរ​តាម​រយៈ​បំពង់​អាហារ ដូច្នេះ​បាក់តេរី​ក៏​ចូល​ទៅ​ជាមួយ​ដែរ ។ វា​បង្កើន​ឱកាស​របស់​បាក់តេរី​ប៉ះ​ផ្ទាល់​ទៅ​នឹង​ស្រទាប់​ភ្នាសសើម​របស់​បំពង់​អាហារ ដែល​អាច​នាំ​ឱ្យ​មាន​ជំងឺ​ផ្លូវដង្ហើម​ដូច​ជា​ឈឺ​បំពង់ក​​ជាដើម ។

២-​ជំងឺរាក
មូលហេតុ​ចម្បង​មួយ​នៃ​ជំងឺរាក​គឺ​បញ្ហា​រំលាយ​អាហារ ដែល​ជា​លទ្ធផល​នាំ​ទៅ​រក​ផលវិបាក​ចំពោះ​សុខភាព ផ្សេង​ៗ​ទៀត​ប្រសិនបើ​មិន​ព្យាបាល​ឲ្យ​បាន​ទាន់​ពេល ។ ជា​ទូទៅ ជំងឺរាក​បណ្តាល​មក​ពី​ការ​ឆ្លង​វីរុស​តាម​រយៈ​ការ​បរិភោគ​អាហារ​ដែល​មាន​មេរោគ បង្កើន​សម្ពាធ​លើ​ក្រពះ និង​រាំងស្ទះ​ដល់​ដំណើរការ​រំលាយ​អាហារ ។ មធ្យោបាយ​ដ៏​ល្អ​បំផុត​ដើម្បី​ប​ងា្ករ​ជំងឺរាក គឺ​ត្រូវ​លាងដៃ​មុន​ពេល​បរិភោគ​ចំណីអាហារ រឺ​បន្ទាប់​ពី​ទៅ​កន្លែង​ដែល​មាន​មនុស្ស​ច្រើន ឬ​បន្ទប់ទឹក ។

៣-​ជំងឺ​រលាក​ថ្លើម​ប្រភេទ B
ជំហាន​សំខាន់​មួយ​ដើម្បី​ទប់ស្កាត់​ជំងឺឆ្លង​ដូច​ជា​ជំងឺ​រលាក​ថ្លើម​ប្រភេទ​B ឬ​ជំងឺខាន់លឿង គឺ​ការ​អនុវត្ត​វិធានការ​រស់នៅ​ស្អាត​ប្រកបដោយ​អនាម័យ ។

ការ​លាងដៃ​របស់​អ្នក​ជាមួយ​សាប៊ូ​មុន​ពេល​ទទួលទាន​អាហារ​របស់​អ្នក គឺជា​វិធី​ការពារ​ដ៏​ល្អ​បំផុត ដោយសារ​តែ​ការ​លាងដៃ​ជាមួយនឹង​សាប៊ូ​មិន​ត្រឹមតែ​ទប់ស្កាត់​ការ​ចម្លង​មេរោគ​នោះ​ទេ ប៉ុន្តែ​វា​ក៏​ជួយ​កាត់​បន្ថយ​ចំនួន​បាក់តេរី​ដែល​មាននៅ​លើ​ដៃ​របស់​អ្នកផង​ដែរ ។

៤-​ការ​ពុល​អាហារ
បន្ទាប់​ពី​វាយ​កុំព្យូទ័រ​អស់​រយៈពេល​ជា​ច្រើន​ម៉ោង អ្នក​ភ្លេច​លាងដៃ​មុន​ពេល​ទទួលទាន​អាហារ​ថ្ងៃត្រង់ ។ វា​ជា​កំហុស​ទូទៅ​មួយ​ដែល​អាច​បង្កើន​ហានិភ័យ​នៃ​ការ​ពុល​អាហារ​ដោយ​មិនដឹង​ខ្លួន ។

៥-​ជំងឺ​ផ្លូវដង្ហើម
នៅ​ក្នុង​រដូវភ្លៀង​ធ្លាក់ និង​រដូវរងា ប្រព័ន្ធ​ភាពស៊ាំ​ប្រឈម​មុខ​ទៅ​នឹង​ការ​ឆ្លង​ជំងឺ​ផ្លូវដង្ហើម​ជា​ច្រើន ។ ទោះបីជា​យ៉ាងណា​ក្តី ហានិភ័យ​នៃ​ការ​ឆ្លង​ជំងឺ ផ្សេង​ៗ​ដូច​ជា​ជំងឺ​រលាក​បំពង់ក ក្អក និង​ផ្តាសាយ​មាន​កម្រិត​ខ្ពស់​ក្នុងអំឡុងពេល​នេះ ។ ហេតុ​ដូច្នេះ​អ្នក​ចាំបាច់​ត្រូវ​លាងដៃ​ឱ្យ​បាន​ត្រឹមត្រូវ​មុន​ពេល​បរិភោគ​អាហារ​ដើម្បី​ចៀសវាង​ការ​ឈឺ និង​បន្ថយ​ការ​ចម្លង​មេរោគ​ដែល​បណ្ដាល​ឱ្យ​មានការ​ឆ្លង​មេរោគ​ដល់​ខ្លួន​អ្នក ៕