វិបត្តិហិរញ្ញវត្ថុ! ក្លិបបន្ទាយមានជ័យ ប្រកាសដកខ្លួនពីលីគបាល់ទាត់កម្ពុជា
- ភ្នំពេញ
ខេត្តបន្ទាយមានជ័យ ៖ ក្លិបបាល់ទាត់ដែលមានមូលដ្ឋាននៅខេត្តជាប់ជាយដែន បន្ទាយមានជ័យ
ខេត្តបន្ទាយមានជ័យ ៖ ក្លិបបាល់ទាត់ដែលមានមូលដ្ឋាននៅខេត្តជាប់ជាយដែន បន្ទាយមានជ័យ
ខេត្តបន្ទាយមានជ័យ ៖ ក្លិបបាល់ទាត់ដែលមានមូលដ្ឋាននៅខេត្តជាប់ជាយដែន បន្ទាយមានជ័យអែហ្វស៊ី បានចេញសេចក្ដីប្រកាសស្នើទៅកាន់ក្រុមហ៊ុនលីគ Cambodian Premier League ដើម្បីធ្វើការដកខ្លួនពីការប្រកួតប្រជែងលីគបាល់ទាត់អាជីពកម្ពុជា Cambodian League 2 នារដូវកាលឆ្នាំ២០២៣-២៤។
«មានតែពាក្យថាស្តាយ និងមិនអាចបន្តទៅមុខបានទៀតទេ ពួកយើងសម្រេចបញ្ចប់ត្រឹមនេះហើយ លាសិនហើយលីគ2កម្ពុជា Cambodian League 2 សង្ឃឹមប្អូនៗជំនាន់ក្រោយនឹងមានឱកាសចូលរួមបង្ហាញសមត្ថភាពនៅលីកកម្ពុជា ។
សូមអគុណដល់ស្មារតីកីឡាករទាំងអស់ដែលខំរួមគ្នារហូតដល់ចប់ចុង ចប់ដើម ក៏ដើម្បីតែពាក្យថា ឈ្មោះខេត្ត ព្រមទាំងក្រុមការងារទាំងអស់ ជាពិសេសគ្រូបង្វឹកលោក ឈឹម យៀក ចំណាយទាំងពេលវេលា កម្លាំង និងថវិកាផ្ទាល់ខ្លួនផងដែរ ។
និងសូមអគុណលោកប្រធានមន្ទីរអប់រំ យុវជន និងកីឡាខេត្តបន្ទាយមានជ័យ ដែលតែងតែយកចិត្តទុកដាក់ចូលរួមជាមួយយើងកន្លងមក និងស្វះស្វែងរកមូលនិធិជួយដល់ក្លឹបខេត្តទាំងមូល»។ នេះជាសេចក្ដីប្រកាសផ្លូវការរបស់ក្លិបបាល់ទាត់បន្ទាយមានជ័យនៅលើទំព័រហ្វេសប៊ុកផ្លូវការរបស់ខ្លួន។
គួររំលឹកផងដែរថា បន្ទាយមានជ័យអែហ្វស៊ី បានចាប់ផ្ដើមប្រឡូកក្នុងវិស័យបាល់ទាត់អាជីពកម្ពុជាលើកដំបូង កាលពីរដូវកាលឆ្នាំ២០២២កន្លងទៅ ដោយប្រើប្រាស់កីឡដ្ឋាន វិទ្យាល័យខ្លាកូន នៃខេត្តបន្ទាយមានជ័យសម្រាប់បម្រើដល់ការប្រកួតក្នុងផ្ទះ។ ដោយដំណើរការប្រកួតប្រជែងពេញមួយរដូវកាលដំបូងរបស់ខ្លួនជាមួយនឹងការបញ្ចប់ចំណាត់ថ្នាក់លេខ១២ ក្នុងចំណោមក្រុមទាំង១២ ដោយមាន ៦ពិន្ទុ ពីការឈ្នះ១ ស្មើ៣ និងចាញ់១៨លើក ក្នុងចំណោមការប្រកួត២ជើង ស្មើនឹង២២សប្ដាហ៍នៃមួយរដូវកាលពេញ៕ (ដោយ ៖ ភឿង ភារៈ)
ចែករំលែកព័តមាននេះ