កីឡាករ Nick Tylor ត្រៀមធ្វើរឿងមួយជាមួយតារាចម្រៀង រ៉ាប៊ី ក្រោយចប់ភារកិច្ចជម្រើសជាតិ
- ភ្នំពេញ
រាជធានីភ្នំពេញ ៖ កីឡាករបាល់ទាត់ជម្រើសជាតិកម្ពុជា មានឈាមជ័រខ្មែរកាត់អាមេរិក Nick Tylor
រាជធានីភ្នំពេញ ៖ កីឡាករបាល់ទាត់ជម្រើសជាតិកម្ពុជា មានឈាមជ័រខ្មែរកាត់អាមេរិក Nick Tylor
រាជធានីភ្នំពេញ ៖ កីឡាករបាល់ទាត់ជម្រើសជាតិកម្ពុជា មានឈាមជ័រខ្មែរកាត់អាមេរិក Nick Tylor បានបន្តស្នាក់នៅប្រទេសកម្ពុជានៅឡើយទេ ដែលនឹងត្រៀមថត MV ចម្រៀងជាមួយតារាចម្រៀងជួរមុខកញ្ញា រ៉ាប៊ី ថែមទៀតផង បន្ទាប់ពីបញ្ចប់ភារកិច្ចជាមួយក្រុមគោព្រៃកម្ពុជា ក្នុងយុទ្ធនាការជើងឯកបាល់ទាត់អាស៊ាន AFF Cup 2022 ដែលទើបតែបញ្ចប់ទៅនេះ។
នៅព្រឹកមិញនេះទំព័រ Facebook ផ្លួវការរបស់ម្ចាស់បទចម្រៀង «មាន់ស្រែ» ដែលបានធ្វើឲ្យគ្រប់គ្នាបានស្គាល់ថាជាតារចម្រៀងរូបស្រស់ នៅផលិតកម្មថោន គឺកញ្ញារ៉ាប៊ី បានបង្ហោះសារជាមួយកីឡាករ Nick Tylor និងសិល្បករប៉ុន្មានរូបទៀតថា៖«ប្រជុំដោយកំពូលមនុស្ស មាននៅក្នុងMV បទថ្មីរបស់នាងខ្ញុំ Coming soon»។
សម្រាប់ Nick Tylor កើតនៅរដ្ឋតិចសាស់ សហរដ្ឋអាមេរិក មានម្តាយជាជនជាតិខ្មែរ និងឪពុកជាជនជាតិអាមេរិក។ Nick Taylor មានកម្ពស់១,៧៨ម៉ែត្រ គឺជាថ្នាលយុវជនរបស់ក្រុម Dallas Texans, New Mexico Lobos, SMU Mustangs និង UCF Knights មុនផ្លាស់មកកាន់ Orlando City B នៅដើមឆ្នាំ ២០២២ និងលេងមួយរដូវកាលពេញជាមួយក្លិបរូបគេបង្ហាញខ្លួន២២ប្រកួត រកបាន១គ្រាប់ក្នុងតួនាទីជាខ្សែបម្រើស្លាបឆ្វេង។
បញ្ចាក់ថា Nick Tylor ឬមានឈ្មោះខ្មែរថា ថេឡរ ឌីកូឡាស់ ឌឿង ត្រូវបានកោះហៅឲ្យមកចូលរួមជាមួយក្រុមជម្រើសជាតិឈុតធំលើកដំបូង ក្រុមការដឹកនាំរបស់អ្នកចាត់ការ Keisuke Honda ប្រកួតមិត្តភាពអន្តរជាតិជាមួយក្រុមបង់ក្លាដែស នៅពហុកីឡដ្ឋានជាតិមរតកតេជោ កាលពីចុងខែកញ្ញា ឆ្នាំ២០២២ និងបន្តជាប់ឈ្មោះលេងមិត្តភាពអន្តរជាតិជាមួយម៉ាឡេស៊ី ត្រៀមប្រកួត AFF Mitsubishi Electric Cup និងបង្ហាញខ្លួននៅប្រកួតផ្លូវការឲ្យក្រុមជម្រើសជាតិកម្ពុជា នៅពានរង្វាន់បាល់ទាត់អាស៊ានមួយនេះបាន៣ប្រកួត រកបាន១គ្រាប់ផងដែរ៕ (ដោយ ៖ ភឿង ភារៈ)
ចែករំលែកព័តមាននេះ