ផ្លូវការ! មហាសេដ្ឋីអង់គ្លេស Jim Ratcliffe ប្រកាសចូលខ្លួនដេញថ្លៃទិញក្លិប Man United
អង់គ្លេស ៖ ក្រុមហ៊ុនគីមី INEOS របស់មហាសេដ្ឋីអង់គ្លេស Sir Jim Ratcliffe បានប្រកាសចូលខ្លួន
អង់គ្លេស ៖ ក្រុមហ៊ុនគីមី INEOS របស់មហាសេដ្ឋីអង់គ្លេស Sir Jim Ratcliffe បានប្រកាសចូលខ្លួន
អង់គ្លេស ៖ ក្រុមហ៊ុនគីមី INEOS របស់មហាសេដ្ឋីអង់គ្លេស Sir Jim Ratcliffe បានប្រកាសចូលខ្លួនដេញថ្លៃជាផ្លូវការ ដើម្បីទិញយកក្លិបបិសាចក្រហម Manchester United។ នេះបើយោងតាមប្រភពពីសារព័ត៌មាន Sky Sports ចេញផ្សាយកាលពីថ្ងៃទី១៨ ខែមករា ឆ្នាំ២០២៣ កន្លងទៅ។
សារព័ត៌មាន Sky Sports បានបញ្ជាក់ការពិតជុំវិញការចុះផ្សាយដំបូង ដោយកាសែត The Times ដែលបង្ហាញថា លោក Jim Ratcliffe ចង់បញ្ចប់ការទិញយកក្លិប Man United នៃលីគកំពូលអង់គ្លេស Premier League ឱ្យបានលឿនតាមដែលអាចធ្វើទៅបាន។ ប៉ុន្តែទោះយ៉ាងណា នៅមិនទាន់មានការបញ្ជាក់ណាមួយថា លោកនឹងដេញថ្លៃទិញយកក្លិប Man United នៅក្នុងតម្លៃប៉ុន្មាននោះទេ។
គ្រួសារត្រកូល Glazer មហាសេដ្ឋីអាមេរិក ដែលជាម្ចាស់កម្មសិទ្ធិបច្ចុប្បន្នរបស់ក្លិប Man United បានប្រកាសដាក់លក់ជាផ្លូវការ កាលពីខែវិច្ឆិកា ឆ្នាំ២០២២ បន្ទាប់ពីការគ្រប់គ្រងអស់រយៈពេល១៧ឆ្នាំ ដែលគ្របដណ្តប់ដោយការមិនពេញចិត្ត និងការតវ៉ាពីអ្នកគាំទ្រ ក្រោយការធ្លាក់ទម្រង់លេងយ៉ាងខ្លាំង ចាប់តាំងពីអ្នកចាត់ការទូទៅចាស់ Sir Alex Ferguson ចាកចេញពីតំណែងកាលពីឆ្នាំ ២០១៣ កន្លងទៅ។
លោក Jim Ratcliffe មិនបានលាក់បាំងការពិត ដែលគាត់ចាប់អារម្មណ៍ទិញយកក្លិប Man United នោះទេ ហើយគាត់ថែមទាំងបាននិយាយថា ជាអ្នកគាំទ្រក្រុមមួយនេះ តាំងពីកុមារាភាពមកម្ល៉េះ។
មុនការប្រកាសចូលខ្លួនដេញថ្លៃទិញក្លិប Man United មហាសេដ្ឋីអង់គ្លេសវ័យ ៧០ឆ្នាំរូបនេះ ក៏ស្ថិតក្នុងចំណោមអ្នកដេញថ្លៃទិញយកក្លិប Chelsea ផងដែរ ដោយគាត់បានដាក់សំណើទឹកប្រាក់ ៥,២៤ពាន់លានដុល្លារ ប៉ុន្តែត្រូវបានច្រានចោលក្រោមដំណើរការលក់ ដែលបញ្ជាដោយរដ្ឋាភិបាលអង់គ្លេស នៅពេលម្ចាស់កម្មសិទ្ធិក្លិបរហស្សនាម «តោខៀវ» មួយនេះ គឺមហាសេដ្ឋីរុស្ស៊ី លោក Roman Abramovich ត្រូវបានគេដាក់ទណ្ឌកម្ម ចំពោះទំនាក់ទំនងរបស់គាត់ជាមួយនឹងប្រធានធិបតីរុស្ស៊ី លោក Vladimir Putin ដែលជាអ្នកបញ្ជាឱ្យមានការលុកលុយលើអ៊ុយក្រែន៕
ចែករំលែកព័តមាននេះ