ADផ្ទាំងផ្សព្វផ្សាយពាណិជ្ជកម្ម

Picture

កុំ​ប្រតិកម្ម​ខ្លាំង​ពេក​ចំពោះ​កូន​ៗ​លើ​ចំណុច​ទាំងនេះ !

1 អាទិត្យ មុន
  • ភ្នំពេញ

រាជធានី​ភ្នំពេញ ៖ ឪពុក​ម្តាយ កុំ​មាន​ប្រតិកម្ម​ខ្លាំង​ពេក​ទៅ​លើ​ចំណុច​មួយ​ចំនួន​ចំពោះ​កូន​ៗ ។ រឿង​ដែល​មិន​គួរ​ប្រតិកម្ម​មាន​ដូច​ខាងក្រោម​នេះ ៖ ១. កុំ​ប្រតិកម្ម​ខ្លាំង​ពេក​នៅ​ពេល​កូន​ៗ​ទទួល​បាន​ចំណាត់ថ្នាក់ ឬ​ធ្វើ​កិច្ចការ​ផ្ទះ​មិនល្អ…

រាជធានី​ភ្នំពេញ ៖ ឪពុក​ម្តាយ កុំ​មាន​ប្រតិកម្ម​ខ្លាំង​ពេក​ទៅ​លើ​ចំណុច​មួយ​ចំនួន​ចំពោះ​កូន​ៗ ។ រឿង​ដែល​មិន​គួរ​ប្រតិកម្ម​មាន​ដូច​ខាងក្រោម​នេះ ៖

១. កុំ​ប្រតិកម្ម​ខ្លាំង​ពេក​នៅ​ពេល​កូន​ៗ​ទទួល​បាន​ចំណាត់ថ្នាក់ ឬ​ធ្វើ​កិច្ចការ​ផ្ទះ​មិនល្អ ៖ ឪពុក​ម្តាយ​គ្រប់​រូប​ចង់ឱ្យ​កូន​ៗ​ខិតខំ​ឱ្យ​អស់ពី​សមត្ថភាព និង​ទទួល​បាន​ពិន្ទុ​ល្អ ហើយ​ពិត​ណាស់​សង្គម​របស់​យើង​ច្រើន​តែ​ផ្ដោត​ខ្លាំង​ពេក​ទៅ​លើ​ការ​ទទួល​បាន​ចំណាត់ថ្នាក់​ល្អ ។ ចំណាត់ថ្នាក់​មាន​សារៈសំខាន់ ប៉ុន្តែ​ការ​អប់រំ គឺ​ប្រសើរ​ជាង​ថា​តើ​ពួក​គេ​ក្លាយជា​នរណា​នៅ​ក្នុង​ដំណើរការ​នេះ ។ ប្រសិនបើ​កូន​របស់​អ្នក​ទទួល​បាន​ចំណាត់ថ្នាក់​មិនល្អ វា​ជា​ឱកាសល្អ​ក្នុង​ការ​បង្វឹក​ពួក​គេ​អំពី​របៀប​កែ​លម្អ និង​របៀប​រៀន​ពី​កំហុស​របស់​ពួក​គេ ។ សូម​ប្រើ​ឱកាស​ដើម្បី​ជួយ​ពួក​គេ​កំណត់​វិធី​ដែល​ពួក​គេ​អាច​អនុវត្ត​ទម្លាប់​សិក្សា​បាន​ល្អ​ប្រសើរ ។

Picture

២. កុំ​ប្រតិកម្ម​ខ្លាំង​ពេក​ពេល​កូន​លេង​បាល់​មិន​បានល្អ ៖ ឪពុក​ម្តាយ​ភាគច្រើន​មានការ​ប្រកួតប្រជែង និង​ចូល​ចិត្ត​ឈ្នះ ។ យើង​ត្រូវ​ចាំ​ថា សម្រាប់​កុមារ​កីឡា​មិនមែន​គ្រាន់តែ​ជា​ការ​សម្តែង​របស់​ពួក​គេ​ប៉ុណ្ណោះ​ទេ ប៉ុន្តែ​ថែម​ទាំង​បង្ហាញ​ពី​ការ​រីក​ចម្រើន​របស់​ពួក​គេ ។ សម្រាប់​កុមារ​ភាគច្រើន កីឡា​ដែល​បាន​រៀបចំ​នឹង​មិនមែន​ជា​អាជីព​នា​ពេល​អនាគត​របស់​ពួក​គេ​ទេ ។ កីឡា​គួរតែ​បន្ថែម​អំពី​ការ​កសាង​ចរិតលក្ខណៈ ដូច​ជា​ការ​បង្រៀន ភាព​ធន់ និង​ការ​តស៊ូ ។ នៅ​ទី​បញ្ចប់ វា​នឹង​ក្លាយជា​លក្ខណៈ​ទាំងនេះ ដែល​នាំ​ឱ្យ​កូន​របស់​អ្នក​ទទួល​បាន​ជោគជ័យ​នៅ​ថ្ងៃ​អនាគត ។ ជំនួស​ឱ្យ​ការ​ប្រតិកម្ម​ខ្លាំង​ពេក​នៅ​ពេល​ដែល​កូន​របស់​អ្នក​ខកខាន ឬ​លេង​បាល់​មិនល្អ​ដូច​អ្នក​រំពឹង​ទុក សូម​ប្រើ​វា​ជា​ឱកាស​មួយ​ដើម្បី​ជួយ​ពួក​គេ​ផ្តោត​លើ​ការ​កែ​លម្អ និង​វឌ្ឍនភាព​ជា​ជាង​ភាពល្អ​ឥត​ខ្ចោះ ។

Picture

៣. កុំ​ប្រតិកម្ម​ខ្លាំង​ពេក​ពេល​កូន​ៗ​ធ្វើ​អ្វីមួយ ៖ ប្រសិនបើ​អ្នក​រស់នៅ​ក្នុងផ្ទះ​ជាមួយ​កូន អ្វីមួយ​នឹង​ត្រូវ​ខូច ឬ​បាក់បែក ហើយ​ឪពុក​ម្តាយ​ជា​ច្រើន​មាន​ប្រតិកម្ម​ខ្លាំង​ពេក ។ នៅ​ពេល​មាន​អ្វីមួយ​ខូច វា​ជា​រឿង​សំខាន់​ក្នុង​ការ​រក្សា​ការ​យល់​ឃើញ ។ អ្វី​ៗ​ភាគច្រើន​អាច​ជំនួស​បាន ហើយ​វា​មិនមែន​ជាទី​បញ្ចប់​នៃ​ពិភពលោក​នោះ​ទេ ។ ផ្តល់​ការ​យកចិត្តទុកដាក់​លើ​ពួក​គេ​វិញ ហើយ​សន្មត​ថា វា​ជា​គ្រោះថ្នាក់​ចៃដន្យ​ប៉ុណ្ណោះ ។ អ្វី​ដែល​សំខាន់​ជាង​នេះ​ទៀត​នោះ គឺ​កូន​ឃើញ​យើង​មាន​ប្រតិកម្ម​ក្នុង​លក្ខណៈ​សមរម្យ ។ វា​ជា​ការ​ប្រសើរ​សម្រាប់​កូន​របស់​អ្នក​ក្នុង​ការ​មើលឃើញ​ថា អ្នក​ឱ្យ​តម្លៃ​ពួក​គេ​ច្រើន​ជាង ។ យើង​អាច​រក​វត្ថុ​ជំនួស​បាន ប៉ុន្តែ​កូន​របស់​យើង គឺ​មាន​តែ​មួយ ពីរ ឬ​បី​នាក់​ប៉ុណ្ណោះ ។ ជា​ជាង​ការ​តូចចិត្ត​ពេល​មាន​អ្វីមួយ​ខូច ចូរ​ប្រើ​វា​ជា​ឱកាស​ដើម្បី​បង្ហាញ​កូន​ថា អ្នក​ស្រឡាញ់​គេ​ជាង​អ្វី​ៗ​ទៅ​ទៀត ។

Picture

៤. កុំ​ប្រតិកម្ម​ខ្លាំង​ពេក​ពេល​កូន​ទុក​របស់​ក្មេង​លេង ឬ​សម្លៀក​បំពាក់​រញ៉េរញ៉ៃ ៖ ក្មេង​ៗ​តែងតែ​ទុក​ស្បែកជើង ស្រោមជើង ខោអាវ និង​សម្ភារ​នានា​ផ្តេសផ្តាស ហើយ​វា​ជា​រឿង​មិន​ចេះ​ចប់​ដែល​រំឭក​ពួក​គេ​ឱ្យ​រៀប​របស់​នោះ​ឡើង​វិញ ។ នៅ​ពេល​រឿង​នេះ​កើតឡើង​យើង​ត្រូវ​តែ​រំលឹក​ខ្លួនឯង​ថា កូន​អាយុ​នៅ​តិច​នៅឡើយ ។ ជំនួស​ឱ្យ​ការ​ខឹង​ឥត​ឈប់​ឈរ​នៅ​ពេល​ដែល​កូន​របស់​អ្នក​ទុក​ស្បែកជើង​នៅ​មាត់ទ្វារ អ្នក​អាច​រៀបចំ​កន្លែង​ផ្ទាល់ខ្លួន​របស់​ពួក​គេ​ម្នាក់​ៗ ដើម្បី​ដាក់​សៀវភៅ របស់​លេង និង​ស្បែកជើង​ចូល ។ ប្រសិនបើ​ម្នាក់​ៗ​មាន​កន្លែង​ផ្ទាល់ខ្លួន​សម្រាប់​គ្រប់គ្រង នោះ​អ្នក​មិន​ចាំបាច់​ព្រួយបារម្ភ​ទៀត​ទេ ៕

Picture

អត្ថបទ​នេះ​ផលិត​ឡើង​ក្រោម​កិច្ច​សហប្រតិបត្តិការ​ជាមួយ​សាលារៀន វ៉េ​ស្ទ​ឡាញ​ន៍ និង សាលារៀន​ណ​ត្ស​ឡាញ​ន៍ ។ សម្រាប់​កម្មវិធី​ម​ត្តេ​យ្យ​ភាសា​ខ្មែរ និង​អង់គ្លេស កម្មវិធី ភាសា​អង់គ្លេស​សម្រាប់​សិស្ស​ធំ និង​កម្មវិធី​ភាសា​ចិន ចូល​រៀន​ថ្ងៃ​ទី ១ ខែកុម្ភៈ ឆ្នាំ ២០២៣ ខាង​មុខ​នេះ ។ សាលារៀន​ផ្តល់​ជូន​ការ​បញ្ចុះតម្លៃ ១៥% លើ​តម្លៃ​សិក្សា​សម្រាប់​កា​ចុះ​ឈ្មោះ ចូល​រៀន​ជា​លក្ខណៈ​គ្រួសារ ឬ​ពីរ​កម្មវិធី និង​ផ្តល់​ជូន​ការ​ធានា​រ៉ាប់រង​គ្រោះថ្នាក់ ការពារ​ការ សិក្សា​បុត្រ​ធីតា​រហូត​ដល់ ៥ ឆ្នាំ ព្រមទាំង​ទទួល​បាន​ពិន្ទុ​សន្សំ​កាន់តែ​ច្រើន ។ ការ​ផ្តល់​ជូន​ខាង លើ​នេះ​មាន​សុពលភាព​ត្រឹម​ថ្ងៃ​ទី ១ ខែកុម្ភៈ ឆ្នាំ ២០២៣ ។

សាលារៀន​ជូន​នូវ​វេទិកា និង មធ្យោបាយ​សិក្សា​យ៉ាង​សម្បូរ​បែប​ជាមួយនឹង​ប្រព័ន្ធ​គ្រប់គ្រង សាលារៀន ប្រព័ន្ធ​គ្រប់​គ្រង់ ការ​សិក្សា និង​អេប​សាលារៀន​ជូន​ដល់​មាតាបិតា​សិស្ស និង​សិស្សានុសិស្ស​ក្នុង​ការ​គ្រប់គ្រង​ការ​សិក្សា និង​តាមដាន​ព័ត៌មាន​សិក្សា​របស់​បុត្រ​ធីតា ផង​ដែរ ។ សម្រាប់​ព័ត៌មាន​បន្ថែម សូម​ទំនាក់ទំនង​ទូរស័ព្ទ​លេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕

SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023