ស្ដេចអុកចត្រង្គកម្ពុជាឆ្នាំ2001កំពុងធ្លាក់ខ្លួនឈឺ ដង្ហោយរកជំនួយ
- ភ្នំពេញ
រាជធានីភ្នំពេញ ៖ លោក គ្រួច ចន្ថារិទ្ធដែលជាស្ថាបនិកអុកចត្រង្គកម្ពុជា និងជាស្ដេចអុកចត្រង្គឆ្នាំ
រាជធានីភ្នំពេញ ៖ លោក គ្រួច ចន្ថារិទ្ធដែលជាស្ថាបនិកអុកចត្រង្គកម្ពុជា និងជាស្ដេចអុកចត្រង្គឆ្នាំ
រាជធានីភ្នំពេញ ៖ លោក គ្រួច ចន្ថារិទ្ធដែលជាស្ថាបនិកអុកចត្រង្គកម្ពុជា និងជាស្ដេចអុកចត្រង្គឆ្នាំ២០០១ ពេលនេះកំពុងតែធ្លាក់ខ្លួនឈឺជាទម្ងន់ បានដង្ហោយរកសប្បុរសជនទាំងក្នុងនិងក្រៅប្រទេស ឱ្យជួយលោកមានលទ្ធភាពព្យាបាលជំងឺ។
អតីតស្ដេចអុកដែលមានឈ្មោះល្បីរន្ទឺទាំងក្នុងស្រុក ក៏ដូចជានៅប្រទេសថៃនិងមានឈ្មោះក្រៅថាលោកគ្រូត្រេននោះ ធ្លាប់ត្រូវបានគេទទួលស្គាល់ និងគោរពយ៉ាងខ្លាំងអំពីសមត្ថភាពរបស់លោក ដោយសារតែរូបលោកធ្លាប់ដណ្ដើមបានតំណែងជាស្ដេចអុកចត្រង្គជាច្រើនសម័យកាល ។
ជាក់ស្ដែងលោកធ្លាប់ដណ្ដើមតំណែងជាស្ដេចអុកចត្រង្គកម្ពុជានៅក្នុងឆ្នាំ២០០១ និងត្រូវបានតែងតាំងជាប្រធានគណៈកម្មាធិការរៀបចំការប្រកួតរបស់សហព័ន្ធកីឡាអុកចត្រង្គកម្ពុជាទៀតផង ។ អំឡុងពេលរូបលោកកំពុងតែមានភាពល្បីល្បាញនោះហើយ លោកតែងតែចំណាយពេលដើម្បីប្រកួតស្វែងរកបទពិសោធន៍បន្ថែមជាមួយអ្នកលេងអុកជើងខ្លាំងនៅទូទាំងប្រទេសដើម្បីអភិវឌ្ឍន៍ខ្លួនបន្ថែមទៀត ។ ប៉ុន្តែរហូតមកទល់ពេលនេះ រូបលោកកំពុងតែមានការញាំញីដោយជំងឺពេញខ្លួន ពីមួយថ្ងៃទៅមួយថ្ងៃជួបផលវិបាកយ៉ាងខ្លាំងដោយសារខ្វះថវិកាយកមកព្យាបាលខ្លួន។
លោក គ្រួច ចន្ថារិទ្ធ បានឱ្យដឹងថា កន្លងមកមានបងប្អូនមិនភក្តិនៅក្នុងវិស័យកីឡាអុក
ចត្រង្គដូចគ្នា ធ្លាប់បានរៃអង្គាសថវិកាបានមួយចំនួនយកមកឱ្យលោកព្យាបាលខ្លួនដែរ តែ ដោយសារតែជំងឺរបស់លោកមានភាពរ៉ាំរ៉ៃខ្លាំងការព្យាបាលហាក់បីដូចជាពុំមានការធូរស្រាល
ទាល់តែសោះ ។ ទន្ទឹមគ្នានេះដែរ អ្នកស្នេហាវិស័យកីឡាអុកចត្រង្គកម្ពុជាភាគច្រើនតែងតែបង្ហាញការព្រួយបារម្ភចំពោះរូបលោកដោយសារតែវត្តមានរបស់លោកពិតជាមានសារៈសំខាន់ខ្លាំងណាស់ក្នុងការជួយបណ្ដុះបណ្ដាលអ្នកបន្តវេនសំដៅថែរក្សាកេរដំណែលដូនតារបស់យើងឱ្យបានស្ថិតស្ថេរគង់វង្ស ។
អ្វីដែលសំខាន់បំផុតនោះគឺលោកជាគ្រូបណ្ដុះបណ្ដាលកីឡាអុកចត្រង្គកម្ពុជាម្នាក់ដ៏សំខាន់សម្រាប់ការត្រៀមខ្លួនឆ្ពោះទៅដណ្ដើមយកមេដាយជូនជាតិនៅក្នុងព្រឹត្តិការណ៍កីឡាស៊ីហ្គេមលើកទី៣២ឆ្នាំ២០២៣ដែលកម្ពុជាធ្វើជាម្ចាស់ផ្ទះលើកដំបូងជាប្រវត្តិសាស្ត្រ ។ សប្បុរសជនដែលមានបំណង
ចង់ជួយលោកគ្រួច ចន្ថារិទ្ធ អាចទាក់ទងលោកផ្ទាល់តាមរយៈលេខទូរសព្ទ ០៨៩ ២៤៥ ៩៥៩ ៕
ចែករំលែកព័តមាននេះ