រាជធានីភ្នំពេញ៖កាលពីថ្ងៃទី២៥ខែធ្នូកន្លងមកនេះគណៈកម្មាធិការជាតិអូឡាំពិកកម្ពុជាបានទទួលជំនួយមនុស្សធម៌ដែលជាមូលនិធិរបស់ចលនាអូឡាំពិកអន្តរជាតិ មានជាអង្ករ ស្បៀងអាហារ សម្ភារៈសិក្សា ថ្នាំពេទ្យនិងសម្ភារៈលេងកីឡាជាច្រើនទៀតដើម្បីយកទៅចែកជូនដល់ជនភាសឹកកម្ពុជា មានទាំងកុមារសិស្ស យុវជន ដែលកំពុងរងការឈ្លានពានពីសំណាក់ទាហានថៃនៅតាមបណ្ដោយព្រំដែនក្នុងខេត្តឧត្តរមានជ័យ។
ឯកឧត្តមវ៉ាត់ ចំរើនរដ្ឋលេខាធិការក្រសួងអប់រយុវជននិងកីឡានិងជាអគ្គលេខាធិការគណៈកម្មាធិការជាតិអូឡាំពិកកម្ពុជាតំណាងឯកឧត្តមទេសរដ្ឋមន្ត្រីថោង ខុនប្រធានគណៈកម្មាធិការជាតិអូឡាំពិកកម្ពុជាទទួលបានគម្រោងពិសេសមួយរបស់ចលនាអូឡាំពិកអន្តរជាតិក៏ដូចជាក្រុមប្រឹក្សាអូឡាំពិកអាស៊ីប្រគល់ជូនដល់គណៈកម្មាធិការជាតិអូឡាំពិកកម្ពុជាដើម្បីយកទៅចែកជូនដល់ជនភាសឹកកម្ពុជាដែកំពុងរត់គេចខ្លួនពីសង្គ្រាមឈ្លានពានពីសំណាក់ទាហានថៃនៅខេត្តឧត្តរមានជ័យ។
ឯកឧត្តមវ៉ាត់ ចំរើនបានមានប្រសាសន៍ឱ្យដឹងបន្តទៀតថាការផ្ដល់ជូនជាជំនួយមនុស្សធម៌នៅក្នុងឱកាសនេះគឺធ្វើឡើងតាមរយៈការចុះអនុស្សណៈយោគយល់គ្នាមួយជាមួយអង្គការសហប្រជាជាតិទទួលបន្ទុកជនភាសខ្លួនពីការរត់គេចខ្លួនពីសង្គ្រាមក៏ដូចជាគ្រោះមហន្តរាយផ្សេងៗជាដើម។ប៉ុន្តែការជួយមកដល់កម្ពុជានាពេលនេះ គឺជាការជួយដល់ជនភាសឹករត់គេចពី សង្គ្រាមឈ្លានពានពីសំណាក់ប្រទេសថៃ ដែលក្នុងនោះក្រៅពីគ្រឿបឧបភោគបរិភោគ និងថ្នាំពេទ្យក៏នៅមានជាសម្ភារៈសិក្សានិងសម្ភារៈលេងកីឡាសម្រាប់សិស្ស យុវជនដើម្បីឱ្យពួកគាត់បានលេងកីឡា បំបាត់ភាពភ័យខ្លាចក្នុងអំឡុងពេលកំពុងភាសឹកផងក៏ដូចរក្សាលំនឹងផ្លូវចិត្តរបស់ពួកគាត់ផងដែរ។
ឯកឧត្តមកបានបន្ថែមទៀតថាកម្មវិធីមនុស្សធម៌នេះត្រូវបានរៀបចំឡើងដើម្បីសម្រាលទុក្ខលំបាកដល់ជនភាសឹកជាកុមារ សិស្ស យុវជន បន្តរស់រានមានជិវិត្តជាពិសេសសម្រាប់កុមារ សិស្សនិងយុវជន ផ្ដល់ឱកាសដល់ពួកគាត់បានលេងកីឡាសិក្សា រៀនសូត្រជាពិសេសការលេងកីឡា។ព្រោះនៅក្នុងនោះគេបានចែងរួចហើយថាទោះបីជាពួកគាត់ទៅដល់ទីកន្លែងណាក៏ដោយពួកគាត់មានសិទ្ធលេងកីឡា។ម្យ៉ាងវិញទៀតការលេងកីឡានេះគេឱ្យតម្លៃត្រង់ថានៅក្នុងចំណោមជនភាសឹកផ្សេងៗទៀតក៏មានកីឡាករនៅជាមួយដែរ។ហើយអ្វីដែលគេទទួលស្គាល់នៅលពិភពលោកថាកម្ពុជាពិតជាជនរងគ្រោះពីសង្គ្រាមឈ្លានពានពិតប្រាកដ វាពិតជាយុត្តិធម៌សម្រាប់កម្ពុជា។
ទន្ទឹមជាមួយនឹងការទទួលបាននូវជំនួយមនុស្សធម៌ពីគណៈកម្មាធិកាអូឡាំពិកអន្តរជាតិក៏ដូចជាក្រុមប្រឹក្សាកីឡាអាស៊ីនិងសហព័ន្ធកីឡាជាតិនិងគណៈកម្មាធិការជាតិអូឡាំពិកកម្ពុជាបាននឹងកំពុងឈរលើស្មារតីមនុស្សធម៌បានធ្វើការជម្រុញអំពាវនាវឱ្យមានបញ្ចប់នូសសង្គ្រាមជាបន្ទាន់ លែងឱ្យមានប្រជានជនផ្លាស់ទីលំនៅរបស់ពួកគាត់ដែល ជាសោកនាដកម្មមួយមិនអាចទទួលយកបាន។
ដោយឡែកអំណោយទាំងនេះត្រូវបានបែកចែកជាពីរមួយផ្នែកគឺយកទៅដោយផ្ទាល់ជូនដល់ជនភាសឹកនៅខេត្តឧត្តរមានជ័យនិងសម្ភារៈមួយចំនួនធំទៀតរួមទាំងថវិការចំនួន៨លានរៀលផ្ដល់ជូនតាមរយៈក្រសួងអប់រំយុវជននិងកីឡាដែលជាស្ថាប័នតំណាងរៀបចំទទួលអំណោយទាំងអស់ជួយដល់សិស្សនិងគ្រូបង្រៀននិងសកម្មភាពផ្សេងៗ មានជាសម្ភារៈកីឡានិងសម្ភារៈសិក្សាជួយនៅក្នុងជំរំ។
ទាំងនេះគឺកើតបានកើតចេញកត្តាសាមគ្គីភាព ជាចលនាមួយទទួលបានការគាំទ្រពីអន្តរជាតិហើយក៏ជាចលនាមួយដ៏មានប្រសិទ្ធិភាពក្នុងការស្វែងរកសន្តិភាពជួយដល់កម្ពុជា។ឯកឧត្តមបានលើកឡើងថាអំណាយទាំងនេះវាមានតម្លៃក៏ពិត ប៉ុន្តែគុណតម្លៃដ៏ធំគឺការគាំទ្រពីសំណាក់អន្តរជាតិហើយក៏ជាសាមួយផ្ញើរជូនទៅកាន់ពិភពលោកថាកីឡារស់ក្នុងសន្តិភាព៕
ចែករំលែកព័តមាននេះ