ខេត្តកំពង់ស្ពឺ ៖ នគរបាលខេត្តកំពង់ស្ពឺមួយក្រុមដែលត្រូវបានគេស្គាល់ថា មានលោកជុន សំអាត ជាប្រធានក្រុមនិងមន្ត្រីក្រោមឱវាទដែលដាក់គោលដៅឈរជើងនៅក្នុងស្រុកភ្នំស្រួច ចន្លោះគីឡូម៉ែត្រ៧៩ និង៨០ ដែលខុសពីកម្មវិធីគឺក្រុមរបស់លោកត្រូវដាក់នៅចន្លោះគីឡូម៉ែត្រលេខ៩១ ៩២ទេ តែអស់លោកមន្ត្រីក្រោមការដឹកនាំរបស់លោកជុន សំអាត បែរជានាំគ្នាមកដាក់នៅចន្លោះ៧៩ និង៨០ទៅវិញ បានធ្វើឲ្យអ្នកបើកបររថយន្តមួយរូបកើតទុក្ខមិនសុខចិត្ត ក៏បង្ហោះហ្វេសប៊ុកដ្បិតគ្រាន់តែគាត់ថតរូប ក្រុមមន្ត្រីទាំងនោះប្រាប់ទៅអ្នកផ្ទះថា នគរបាលបានធ្វើការឃាត់ផាកពិន័យរូបគាត់ចំនួន200ដុល្លារ ។
ប្រភពពីម្ចាស់អាខោនឈ្មោះគង្គារ លម្អមង្គល បានសរសេរថា អ្នកជិះផ្លូវលេខ4 ប៉ូលីសខេត្តកំពង់ស្ពឺបានផាកសាហាវណាស់ ដឹងយើងប្រញាប់ផាក200ដុល្លារឲ្យបាញ់ចូលកុង ហើយបន្លំមិនឲ្យ
វិក័យបត្រទៀត ។ គ្រាន់តែខ្ញុំថតប្រាប់អ្នកផ្ទះថា ប៉ូលីសចាប់ក៏យកទូរស័ព្ទខ្ញុំទៅលុបរូបចេញអស់តែម្ដង ។ ក្នុងនោះផងដែរ មានអ្នកខំមិនថា(ACCមួយ) ចុមសាហាវម្ល៉េះ ម្ចាស់ខ្លួនក៏បានតបថា សេតណាស់យើងកំពុងតែប្រញាប់ផង។ រីឯអ្នកខ្លះទៀតបានប្រាប់ថា ខមមិនដាក់ចូលផេកស្នងការតែម្ដងទៅ ។
ម្ចាស់អាខោនដដែលបន្តថា អង្វរគាត់ឡើងទន់ឆ្អឹងអត់ឱ្យយើងទៅទេ ដឹងតែទារ២០០ដុល្លារ។ រីឯអ្នកខ្លះទៀតបានលើកឡើងផងដែរ។ ថាចុមផាកសាហាវម្ល៉េះខុសអីគេពិន័យច្រើនម្ល៉េះ0x017d7 ហើយអ្នកខ្លះទៀតលើកឡើងរបៀបចំអកឲ្យក្រុមមន្ត្រីថា គាត់ប្រញាប់យកលុយទុកឲ្យប្រពន្ធគាត់ធ្វើបុណ្យស.ពគាត់ ។ រីឯអ្នកខ្លះក៏បានលើកឡើងថា អ្នកមិនជិះផ្លូវល្បឿនលឿន បើយើងប្រញាប់ហើយម្ចាស់ខ្លួនតបថា យើងដឹកអីវ៉ាន់ច្រើនគេមិនឲ្យយើងឡើងទេ ។ រីឯអ្នកខ្លះទៀតនិយាយថា អ៎អញ្ចឹងហ្អបងខ្ញុំវិញលែងហ៊ានជិះផ្លូវលេខ4 ហើយប៉ូលិសចរាចរណ៍ផ្លូវជាតិលេខ4 កាចៗណាស់ ហើយពិន័យក៏ច្រើនដែរ ។ ដឹងហើយដោយសារប៉ូលិសច្រើនពេក។ ចំណែកអ្នកខ្លះទៀតស្វែងរក
អាខោនមួយដែលមានឈ្មោះ(khen sotharith ហើយសរសេរថា ចាំមើលតើគុណធម៌ ឬលុយ ជាចំណែកមិនអាចខ្វះបាន?
បើទោះជាបែបនេះក្តី មន្ត្រីនគរបាលចរាចរណ៍មួយរូបបានលើកឡើងផងដែរថា កំហុសឆ្គងរបស់អ្នកបើកបរ គឺអត់ប័ណ្ណបើកបរត្រូវផាកពិន័យមួយលានពីសែន តែដោយការយោគយល់គឺនៅសល់ត្រឹម80ម៉ឺនរៀល ។ បើទោះជាបែបនេះ ក្តីមួយលានពីរសែន បើចេញវិក័យប័ត្រគឺត្រូវបង់ចូលរដ្ឋទាំងអស់ តែបើមិនចេញវិក័យបត្រទេ គឺលុយទាំងនោះបានទៅលើពួកគាត់យកទៅចែកគ្នានៅពេលចប់ភារកិច្ចនោះហើយ ។ អ្នកយកព័ត៌មានយើងមិនអាចសុំការពន្យល់បកស្រាយពីក្រុមមន្ត្រីនគរបាលចរាចរណ៍ទាំងនោះបានទេ កាលពីល្ងាចថ្ងៃទី១៦ ខែមករា ឆ្នាំ២០២៣នេះ ។ តែក៏មានអ្នកខ្លះលើកឡើងថា «ជាធម្មតាអ្នកធ្វើតែងមានកំហុសគេចមិនផុតឡើយ» គ្មានអ្នកណាមួយចង់មានបញ្ហានោះទេ ។
មហាជនជាច្រើនបានសំណូមពរអោយមានការដាក់ពិន័យលើក្រុមមន្ត្រីនគរបាលទាំងនោះ ដើម្បីទុកជាគំរូដល់ក្រុមផ្សេងៗទៀត កុំអោយយកគំរូអាក្រក់តាមក្រុមរបស់មន្ត្រីខាងលើ ។ ក្រោយពីមានការបង្ហោះ គឺលោកស្នងការបានបំភ្លឺជូនលោកអភិបាលខេត្តថា «សូមគោរពជូន ឯកឧត្ដម អភិបាលខេត្ដកំពង់ស្ពឺគោរពដ៏ខ្ពង់ខ្ពស់!
របាយការណ៍ស្ដីពី ព័ត៌មានគណនី ហ្វេសប៊ុក ឈ្មោះ គង្គារ លំអរមង្គល ថា ប្រយ័ត្នអ្នកជិះផ្លូវជាតិលេខ ៤ប៉ូលិសកំពង់ស្ពឺ ផាកសាហាវណាស់ ដឹងយើងប្រញាប់ផាក200$ ឱ្យបាញ់ចូលកុងហើយបន្លំមិនអោយវិក្ក័យទៀតហើយប៉ូលិសឈ្មោះ ដូចក្នុង ABA (Khem Sothearith) បានយកទូរស័ព្ទខ្ញុំលុបរូបទៀតចេញទៀតគ្រាន់តែខ្ញុំថតប្រាប់អ្នកផ្ទះថា ប៉ូលិសចាប់»។ យោងតាមព័ត៌មានខាងលើ ស្នងការដ្ឋាននគរបាលខេត្ដកំពង់ស្ពឺ បានឆែកនិងពិនិត្យស្វែងរកឈ្មោះ Khem Sothearith ដូចគណនេយ្យ ABA។
ជាលទ្ធផល លោកអនុសេនីយ៍ឯក ខែម សុធារិទ្ធ អត្ដលេខ៧៥៧៤៣ តួនាទីនាយផ្នែកការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្តកំពង់ស្ពឺ ជាម្ចាស់គណនេយ្យABA ដែលត្រូវបានគណនីហ្វេសប៊ុកឈ្មោះ គង្គារ លំអរមង្គល បង្ហោះមែន។
តាមការបំភ្លឺឈ្មោះ ខែម សុធារិទ្ធិ បានឆ្លើយថា កាលពីថៃ្ង ១៤ មករា ២០២៣ ផ្លូវជាតិលេខ ៤ ចន្លោះគីឡូម៉ែត្រ លេខ៧៩-៨០ ភូមិកុមារពេទ្យ ឃុំអូរ ស្រុកភ្នំស្រួច ខ្លួនបានចុះប្រតិបត្ដិការជាមួយក្រុមការងារដឹកនាំដោយលោកវរសេនីយ៍ទោ ជុន សំអាត នាយរងការិយាល័យ បានឃាត់រថយន្ដមួយគ្រឿង ស្លាកលេខភ្នំពេញ 1BP_4662 ដឹកទំនិញសំពីងសំពោងក្នុងទិសដៅពីខាងកេីតទៅទិសខាងលិច ទៅខេត្ដព្រះសីហនុ លុះមកដល់ចំណុច ខាងលើសមត្ថកិច្ចបានឃាត់ពិនិត្យថា អ្នកបើកបរគ្មានប័ណ្ណបើកបរ និងដឹកទំនិញសំពីងសំពោង។
សមត្ថកិច្ចបានប្រាប់ថា បទល្មើសខាងលើ គឺពិន័យ១.២០០,០០០រៀល និង១៥០,០០០រៀលបន្ថែម ពេលនោះអ្នករួមដំណើរ និងជាម្ចាស់សំអាងការបានប្រាប់ថា សុំសំរួល២០០ដុល្លារ និងបានសុំលេខគណនេយ្យ ABA ដើម្បីបាញ់លុយចូលព្រោះខ្លួនមិនមានប្រាក់ជាប់ខ្លួន។ ក្រោយបាញ់លុយ២០០ដុល្លារួចក៏បានបន្ដដំណើរទៅបាត់» ។
បញ្ជាក់ករណីខាងលើ សមត្ថកិច្ចពិតជាពុំបានចេញវិក័យប័ត្រផាកពិន័យជូនអ្នកល្មើសច្បាប់ចរាចរណ៍ឡើយដោយយល់ឃើញថា ជាការសំរួលក្រៅពីបទល្មើស ។ បច្ចុប្បន្ន លោកអនុសេនីយ៍ឯក ខែម សុធារិទ្ធិ នាយផ្នែក បញ្ជាចរាចរណ៍ ត្រូវបានដកយកមកទុកបណ្ដោះអាសន្ននៅការិយាល័យបុគ្គលិក ដើម្បីចំណាត់ការនីតិវិធីបន្ដ។
ព័ត៌មានលម្អិតនឹងមានផ្សាយជូនលើកាសែតកោះសន្តិភាព ។
ចែករំលែកព័តមាននេះ