ADផ្ទាំងផ្សព្វផ្សាយពាណិជ្ជកម្ម

Picture
  • ភ្នំពេញ

រាជធានី​ភ្នំពេញ ៖ មនុស្ស​កាលណា​ជីវភាព​មិន​ទាន់​ប្រសើរ​ប្រាក់​ចំណូល គឺជា​អាទិភាព​ដ៏​ចម្បង​បំផុត​សម្រាប់​បុគ្គល​ម្នាក់​ៗ ឬ​គ្រួសារ​នីមួយ​ៗ រីឯ​ការ​សន្សំ​សំចៃ គឺជា​កាតព្វកិច្ច​ចាំបាច់​មួយទៀត ប៉ុន្តែ​នៅ ពេល​ជីវភាព​រាង​ប្រសើរ​ហើយ សូម​ដកឃ្លា​បន្តិច​ពី​បញ្ហា​ទាំងនេះ…

រាជធានី​ភ្នំពេញ ៖ មនុស្ស​កាលណា​ជីវភាព​មិន​ទាន់​ប្រសើរ​ប្រាក់​ចំណូល គឺជា​អាទិភាព​ដ៏​ចម្បង​បំផុត​សម្រាប់​បុគ្គល​ម្នាក់​ៗ ឬ​គ្រួសារ​នីមួយ​ៗ រីឯ​ការ​សន្សំ​សំចៃ គឺជា​កាតព្វកិច្ច​ចាំបាច់​មួយទៀត ប៉ុន្តែ​នៅ ពេល​ជីវភាព​រាង​ប្រសើរ​ហើយ សូម​ដកឃ្លា​បន្តិច​ពី​បញ្ហា​ទាំងនេះ ហើយ​ងាក​មក​រិះគិត​អំពី​គុណភាព​នៃ​ជីវិត​។

Picture

អាយុជីវិត​របស់​មនុស្ស​យើង​បើ​និយាយ​ថា ខ្លី​ក៏​មិនជា​ខ្លី​នោះ​ទេ ហើយ​បើ​និយាយ​ថា វែង​ក៏​មិន​វែង​ណាស់ណា​ដែរ ដូច្នេះ​ប្រសិនបើ​អ្វី​ៗ​មានការ​ប្រសើរ​បន្តិច​ហើយ​នោះ ការ​ដកឃ្លា និង​រក ពេល​លៃលក​រក​គុណភាព​ជីវិត​គឺជា​រឿង​មួយ​ដែល​គួរតែ​ធ្វើ។

យោង​តាម​អង្គការ​សុខភាព​ពិភពលោក​បាន​ឲ្យ​ដឹង​ថា ស្តង់ដា​អាយុ​ជា​មធ្យម​របស់​មនុស្សជាតិ​នៅ​លើ​ពិភពលោក​ខុស​ៗ​គ្នា ប៉ុន្តែ​នៅ​ពេល​នេះ​ស្តង់ដា អាយុ​ជា​មធ្យម​របស់​ប្រជាពលរដ្ឋ​កម្ពុជា គឺ​ប្រមាណ​ជា​៧0​ឆ្នាំ ជា​មធ្យម សម្រាប់​ប្រជាពលរដ្ឋ​ប្រមាណ​ជា​១៦,៥ លាន​នាក់ ប៉ុន្តែ​ក៏​មាន​ពលរដ្ឋ​យើង​ខ្លះ​បាន​បាត់បង់់​ជីវិត​នៅ​អាយុ​ជាង​៣០​ឆ្នាំ​ក៏​មាន ដោយសារ​តែ​បញ្ហា​គាំង​បេះ​ដូ​វ ដាច់​សរសៃ​ឈា​.​ម​នៅ​ក្នុង​ខួរក្បាល ស្រេ្ត​ស​បណ្តាល​មក​ពី​ជំងឺ​សំពាធ​ផ្លូវចិត្ត ដែល​នាំ​ដល់​ការ​ធ្វើ​អត្ត​ឃា​.​ត​ជាដើម​។​ល​។

Picture

បញ្ហា​ទាំងនេះ​វា​បណ្តាល​មក​ពី​យើង​ក៏​ដូច​ជា គ្រួសារ​មួយ​ចំនួន​អាច​មិន​យកចិត្តទុកដាក់​នឹង​បញ្ហា​គុណភាព​ជីវិត​ដោយ​ម្នាក់​ៗ​គិតតែ​ពី​ខំប្រឹង​ធ្វើការ​ខំប្រឹង​រក​រហូត​គ្មាន​ពេលវេលា​សម្រាប់​ខ្លួនឯង និង​គ្រួសារ​។ផ្អែក​តាម​តួរ​លេខ​មួយ​របស់​ក្រសួង​សេដ្ឋកិច្ច និង​ហិរញ្ញវត្ថុ​បាន​ឲ្យ​ដឹង​ថា ប្រាក់​ចំណូល​ជា​មធ្យម​របស់​ប្រជាពលរដ្ឋ​កម្ពុជា​យើង​បន្ត​ឡើង​មួយ​កម្រិត​បន្ថែម​នៅ​ក្នុង​ឆ្នាំ​២០២៣​នេះ​ទោះបីជា​យើង​ប្រឈម​មុខ​នឹង​ការ​រីក​រាលដាល​នៃ​មេរោគ​កូ​វី​ដ​១៩ បញ្ហា​នៃ​សង្គ្រាម​រវាង​រុ​ស្ស៊ី និង​អ៊ុយ​ក្រែ​ន​ក៏​ដូច​ជា បញ្ហា​ទណ្ឌកម្ម​។​ប្រាក់​ចំណូល​ឡើង​ពី​១.៧៨៥ ដុល្លារ ទៅ ១.៩២៤ ដុល្លារ​នៅ​ក្នុង​មួយ​ឆ្នាំ​។

ផ្អែក​តាម​អត្រា​ប្រាក់​ចំណូល​នេះ នៅ​ក្នុង​មួយ​ថ្ងៃ​ប្រាក់​ចំណូល​ពលរដ្ឋ​យើង គឺ​បាន​កើនឡើង​ពី​៤,៨៩ ដុល្លារ​ទៅ​៥,២៧ ដុល្លារ​នៅ​ក្នុង​មួយ​ថ្ងៃ ខណៈ​ដែល​ប្រាក់​ចំណូល​ប្រចាំ​ថ្ងៃ​ដែល​គេ​ចាត់​ទុក​ថា ក្រោម​បន្ទាត់​នៃ​ភាព​ក្រីក្រ​ដែល​កំណត់​ដោយ​ធនាគារពិភពលោក គឺ​ត្រឹមតែ​១,៩០ ដុល្លារ​នៅ​ក្នុង​មួយ​ថ្ងៃ​។

Picture

យោង​តាម​របាយការណ៍​របស់​អង្គការ​សុខភាព​ពិភពលោក​ដដែល​បាន​ឲ្យ​ដឹង​ថា ដោយសារ​តែ បញ្ហា​គុណភាព​ជីវិត​មិន​ត្រូវ​បាន​យកចិត្តទុកដាក់​ដោយ​ខ្លួនឯង​សហគមន៍ និង​ប្រទេស​ជាតិ ជា​ទូទៅ​បញ្ហា​សុខភាព​សាធារណៈ​ដែល​បណ្តាល​មក​ពី​បញ្ហា​ជា​ច្រើន ដូច​ជា​ភាព​តានតឹង ការ​ថប់​បារម្ភ និង​ការ​ធ្លាក់​ទឹកចិត្ត​ជំងឺ​ទឹកនោមផ្អែម​ជំងឺលើសឈាម ការ​គាំងបេះដូង ជំងឺ​ដាច់​សរសៃ​ឈា​.​ម​ខួរក្បាល និង​បញ្ហា​សុខភាព​ផ្សេង​ៗ​ទៀត​នាំ​ឲ្យ​ប្រទេស​ជា​ច្រើន​មាន​ពលរដ្ឋ​ដែល​អាច​អស់​ជីវិត​មុន​អាយុកាល​ជា​មធ្យម​ជា​ច្រើន​ករណី​។
ដើម្បី​រំដោះខ្លួន​ពី​បញ្ហា​សុខភាព​ខាងលើ​យើងខ្ញុំ​ចង់​ចែករំលែក​គន្លឹះ និង​ធនធាន​ជា​មូលដ្ឋាន មួយ​ចំនួន​សម្រាប់​ថែរក្សា​សុខភាព​បុគ្គល និង​លើកកំពស់​គុណភាព​ជីវិត​របស់​យើង​ម្នាក់​ៗ ។

Picture

១. បញ្ហា​សុខភាព​៖ ត្រូវ​ត្រួតពិនិត្យ​សុខភាព​ឲ្យ​បាន​ទៀត​ទាត់ ប្រយ័ត្នប្រយែង​ក៏​ដូច​កែ​លំអរ​ការ​ហូប​ចុក​ដោយ​បង្កើន​អាហារ​ដែល​មាន​គុណភាព​សម្រាប់​សុខភាព​។​កាត់​បន្ថយ​អាហារ ឬ​ភេសជ្ជៈ​ដែល​មាន​ផល​អាក្រក់​ដល់​រាង​កាយ រួម​ទាំង​គ្រឿង​ស្រវឹង ពពួក​ភេសជ្ជៈ​ដែល​សម្បូរ​ជាតិ​ស្ករ មាន​កាឡូរី​ខ្ពស់​។ លៃលក​ពេលវេលា​ហាត់ប្រាណ​ក៏​ដូច​ជា កែ​លំអរ​ទម្លាប់​នៃ​ការ​ធ្វើការ ឬ​ប្រកប​របរ​អាជីវកម្ម​ជា​ពិសេស គឺ​ពពូក​ការងារ ឬ​អាជីវកម្ម​ណា​ដែល​រូបរាង​កាយ​យើង​មិនសូវ​មាន​សកម្មភាព។ព្យាយាម​សម្រាក ឬ​គេង​ឱ្យ​បាន​គ្រប់គ្រាន់​ពោល គឺ​៥​ទៅ​៦​ម៉ោង​នៅ​ក្នុង​មួយ​ថ្ងៃ​។ ប៉ុន្តែ​មនុស្ស​សម័យនេះ​មិនសូវ​អោយ​តម្លៃ​ទេ ដោយ​អ្នកខ្លះ​ក្រោយ​ពេល​ចេញពី​ធ្វើ​ការងារ គឺ​ឆ្លៀតពេល​ទៅ​រក​ការ​កម្សាន្ត​ខួរក្បាល​ខុស​ក្បួន​ដូច​ជា ទៅ​ក្លឹ​បរា​ត្រី ឬ​ខារ៉ាអូខេ ដែល​សកម្មភាព​នេះ កាន់តែ​ដាក់​សម្ពាធ​ទៅ​ដល់​សុខភាព​បន្ថែម​ទៀត​។

Picture

២. ស្វែងរក​វិធី​ដើម្បី​គ្រប់គ្រង​អារម្មណ៍​របស់​យើង និង​បែងចែក​ពេលវេលា​លំហែរ ៖ វា​ជា​រឿង​ធម្មតា​ទេ​ដែល​មនុស្ស​មាន​អារម្មណ៍​ភ័យ​ខ្លាច ថប់​បារម្ភ សោកសៅ និង​ភាព​មិន​ប្រាកដប្រជា នៅ​ពេល​មាន​បញ្ហា​ចំពោះ​ខ្លួន ដូច្នេះ​យើង​ត្រូវ​តែ​ចេះ​កាត់​បន្ថយ​វា ដោយ​ការ​ជជែក​គ្នា​ពី​បញ្ហា ដែល​មាន​ជាមួយនឹង​គ្រួសារ ឬ​មិត្តភក្តិ​ជិត​ស្និ​ទ​ពិតប្រាកដ លៃលក​ពេលវេលា​សម្រាក ហើយ​សូមកុំ​មើល​ស្រាល​ឲ្យ​សោះ​លើ​ការ​ស្វែងរក​កន្លែង​ស្ងប់ស្ងាត់ ដោយ​មាន​បរិស្ថាន​បៃតង​ខ្យល់អាកាស​ល្អ បរិសុទ្ធ ដែល​ទាំងនេះ​សុទ្ធតែ​ជា​សកម្មភាព​សាក​ថ្ម​គុណភាព​ជីវិត​ដ៏​ប្រសើរ​។

Picture

សរុប​មក​វិញ​ការងារ ការ​សន្សំ​សំចៃ និង​ទំនួល​ខុស​ត្រូវ​របស់​ម្នាក់​ៗ គឺ​ត្រូវ​តែ​បំពេញ​អោយ​ខ្ជាប់ខ្ជួន ប៉ុន្តែ​ទន្ទឹម​នឹង​នោះ​វា​ត្រូវ​តែ​ដើរ​ទន្ទឹម​គ្នា​ជាមួយនឹង​សកម្មភាព និង​ឥរិយា​បទ​ដែល​ឆ្លើយ​តប​នឹង​កត្តា​ដែល​ពាក់ព័ន្ធ​នឹង​ការ​លើកកម្ពស់​គុណភាព​ជីវិត​។​ការ​លើកកម្ពស់​គុណភាព​ជីវិត​គឺ​មិន​មាន​ស្តង់ដា​កំណត់​ជាក់លាក់​នោះ​ទេ គឺ​យើង​គួរតែ​លៃលក និង ចាត់ចែង​តាម​លទ្ធភាព និង​សមត្ថភាព​របស់​យើង ប្រកបដោយ​ភាព​វ័យឆ្លាត​សំខាន់ គឺ​កសាង​រស់ជាតិ​នៃ​ជីវិត​មួយ ដ៏​សមរម្យ មិន​បង្ក​ផល​ប៉ះពាល់​ដល់​នរណា​៕​ដោយៈ ហេង ចេស្តារ​ ​

Picture
Picture
SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023