ម្ចាស់កំពុងលក់ដូរ ស្រាប់តែម៉ូយតេប្រាប់ លុះនាំគ្នាមកដល់ផ្ទះ រន្ធ.ត់ចិត្តយ៉ាងខ្លាំង
- ភ្នំពេញ
រាជធានីភ្នំពេញ ៖ អគ្គីភ័យមួយបានឆាបឆេះផ្ទះប្រជាពលរដ្ឋស្ទើរទាំងស្រុង ខណៈពេលម្ចាស់ផ្ទះកំពុង
រាជធានីភ្នំពេញ ៖ អគ្គីភ័យមួយបានឆាបឆេះផ្ទះប្រជាពលរដ្ឋស្ទើរទាំងស្រុង ខណៈពេលម្ចាស់ផ្ទះកំពុង
រាជធានីភ្នំពេញ ៖ អគ្គីភ័យមួយបានឆាបឆេះផ្ទះប្រជាពលរដ្ឋស្ទើរទាំងស្រុង ខណៈពេលម្ចាស់ផ្ទះកំពុងលក់ដូរនៅឯផ្សារ បង្កអោយមានការភ្ញាក់ផ្អើលកាលពីវេលាម៉ោង៨យប់ថ្ងៃទី១៥ ខែមករា ឆ្នាំ២០២៣ នៅភូមិត្រពាំងជ្រៃ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ ។
ជនរងគ្រោះម្ចាស់ផ្ទះឈ្មោះ កុល លីម ភេទប្រុសអាយុ ៤០ឆ្នាំមុខរបរលក់ដូរ ។ ចំណែកប្រពន្ធ ឈ្មោះ អុល សារ៉ុន ភេទស្រីអាយុ ៤៣ឆ្នាំ មុខរបរលក់ដូរ រស់នៅផ្ទះកើតហេតុខាងលើ ។
តាមប្រភពព័ត៌មានពីប្រជាពលរដ្ឋនៅជិតកន្លែងកើតហេតុបាននិយាយប្រាប់ថា នៅមុនពេលកើតហេតុ ដោយឃើញផ្សែងហុយចេញពីខាងក្នុងផ្ទះកើតហេតុខាងលើ បន្ទាប់មកប្រជាពលរដ្ឋដែលឃើញហេតុការណ៍បានស្រែកហៅបងប្អូនប្រជាពលរដ្ឋនៅជិតកន្លែងកើតហេតុជាបន្តបន្ទាប់ដើម្បីនាំគ្នាជួយពន្លត់ ហើយបងប្អូនប្រជាពលរដ្ឋមកដល់ខាងមុខផ្ទះ ទ្វារបានចាក់សោពីខាងក្រៅ បន្ទាប់មកដោយមានលោកមេភូមិផងនោះ បានដាច់ចិត្តវា.យសោដើម្បីនាំគ្នាជួយពន្លត់ តែសោបានចាក់ចំនួន២ជាន់ ទំរាំនាំគ្នាវា.យសោបាន គឺអគ្គិភ័យឆាប់ឆេះអស់សំភារៈខាងក្នុងស្ទើរទាំងស្រុងទៅហើយ បន្ទាប់មកបងប្អូនប្រជាពលរដ្ឋបាននាំគ្នាដួសទឹកនៅជុំវិញផ្ទះដើម្បីជួយពន្លត់ភ្លាមៗ អស់រយៈពេលមួយសន្ទុះ ក៏មានរថយន្តពន្លត់អគ្គិភ័យរបស់ស្នងការរាជធានីភ្នំពេញបានមកជួយពន្លត់ភ្លាមៗផងដែរ ។
តាមប្រភពពីអ្នកជំនាញពន្លត់អគ្គិភ័យបាននិយាយប្រាប់ថា ផ្ទះដែលអគ្គិភ័យឆាបឆេះ មានទំហំទទឹង៥ម៉ែត្រនឹងបណ្តោយចំនួន១៥ម៉ែត្រ ផ្ទះល្វែងផ្ទាល់ដី សង់អំពីថ្ម ប្រក់ពីស័ង្កសី ចំណែកសំភារៈខូចខាតអីវ៉ាន់របស់របរប្រើប្រាស់ឆេះអស់ស្ទើរទាំងស្រុង ។ ក្នុងករណីខាងលើដោយមានការសង្ស័យ ឆ្លងចរន្តរឺសទុស្សេខ្សែភ្លើង ព្រោះម្ចាស់ផ្ទះបើកភ្លើងចោលជារៀងរាល់ថ្ងៃ ។
តាមប្រភពព័ត៌មានពីជនរងគ្រោះជាម្ចាស់ផ្ទះជាប្តី បាននិយាយប្រាប់ថា គាត់មានកូនចំនួន៤នាក់ (ស្រី១នាក់ នឹងប្រុស៣នាក់) កូនបងមានអាយុ២៧ឆ្នាំ នឹងកូនស្រីពៅមានអាយុ១២ឆ្នាំ ហើយកូនបងៗមានប្រពន្ធអស់ទៅហើយ ចំណែកកូនស្រីពៅ នៅជាមួយគាត់ជារៀងរាល់ថ្ងៃ ។ នៅមុនពេលកើតហេតុ គាត់នឹងប្រពន្ធរួមនិងកូនស្រីពៅ កំពុងលក់ដូរនៅផ្សារឈូកវ៉ា១ ដោយគាត់បាន ចាក់សោពីខាងក្រៅចំនួន២ជាន់ហើយបានបើកភ្លើងចោលដូចសព្វដង លុះកំពុងលក់ដូរក៏ស្រាប់តែម៉ូយម៉ូតូកង់បីបានតេប្រាប់ថា ផ្ទះគាត់ត្រូវភ្លើងឆេះ គាត់នឹងគ្រួសារបានរួមនឹងកូនស្រីបានប្រញាប់ប្រញាល់មកផ្ទះភ្លាមៗ ។
តាមប្រភពព័ត៌មានពីបុរសម្ចាស់ផ្ទះ បាននិយាយប្រាប់ថា ដំបូងគាត់មិនជឿទេ ពេលមកជិតដល់ផ្ទះ ក៏ស្រាប់តែឃើញប្រជាពលរដ្ឋ ព្រមទាំងរថយន្តពន្លត់អគ្គិភ័យនៅខាងមុខផ្ទះ បណ្តាលឲ្យគាត់នឹងក្រុមគ្រួសាររន្ធ.ត់យ៉ាងខ្លាំង គឺផ្ទះរបស់គាត់ត្រូវអគ្គិភ័យឆាប់ឆេះអស់សំភារៈស្ទើរទាំងស្រុងមែនទាំងគាត់កំពុងជំពាក់លុយធនាគារជាង២ម៉ឺនដុល្លារទៀតផង ។
ក្រោយពេលកើតហេតុ លោកអភិបាលខណ្ឌពោធិ៍សែនជ័យចុះមកកន្លែងកើតហេតុភ្លាមៗ ដើម្បីចុះសួរសុខទុក្ខដល់ក្រុមគ្រួសារជនរងគ្រោះ នឹងណែនាំបងប្អូនប្រជាពលរដ្ឋការពារសុវត្ថិភាពនៃគ្រោះអគ្គីភ័យ ។ អគ្គីភ័យនេះរថយន្តពន្លត់អគ្គិភ័យមកចំនួន២គ្រឿង បានបាញ់អស់ចំនួនទាំង២គ្រឿង ៕
ចែករំលែកព័តមាននេះ