រាជធានីភ្នំពេញ ៖ សេចក្តីរាយការណ៍ឱ្យដឹងថា កាលពីវេលាម៉ោង០៨ និង៤០នាទីព្រឹកថ្ងៃទី១៣ កក្កដា នេះ មានការភ្ញាក់ផ្អើលបន្ទាប់ពីឃើញកម្លាំងនគរបាលខណ្ឌសែនសុខ បានចុះទៅបង្ក្រាបនិងឆែកឆេរក្នុងផ្ទះជួលមួយកន្លែង និងបានឃាត់ខ្លួន២នាក់ប្តីប្រពន្ធ១គូ ដែលមានជាប់ពាក់ព័ន្ធករណីគ្រឿងញៀន ស្ថិតនៅក្នុងភូមិបន្លាស្អិត សង្កាត់ឃ្មួញ ខណ្ឌសែនសុខ ។
សេចក្តីរាយការណ៍បន្តថា ជនសង្ស័យទាំង២នាក់ ប្តីឈ្មោះមៀច សុផារីតា ហៅលុច អាយុ២៩ឆ្នាំ និងប្រពន្ធឈ្មោះជុន ម៉ាឌី អាយុ២៥ឆ្នាំ ទាំង២នាក់ស្នាក់នៅផ្ទះជួលក្នុងភូមិកើតហេតុខាងលើ ។ ការឆែកឆេររបស់កម្លាំង គឺរកឃើញវត្ថុតាងមានថ្នាំញៀន២៣កញ្ចប់, ជញ្ជីងថ្លឹង១, ដាវ និងឧបករណ៍ប្រើថ្នាំញៀនមួយចំនួន ។
គួរបញ្ជាក់ថា ការកំណត់មុខសញ្ញាទាំង២នាក់នេះបាន គឺបន្ទាប់ពីទទួលដំណឹងពីពលរដ្ឋល្អបានមករាយជូនកម្លាំង មុនឈានដល់ចុះចាប់នេះ ។
ចែករំលែកព័តមាននេះ