ខេត្តតាកែវ ៖ លោកឧត្តមសេនីយ៍ត្រី មាស តេន ស្នងការរងនគរបាលខេត្តតាកែវទទួលផែនសន្តិសុខ បានប្រាប់កោះសន្តិភាពកាលពីព្រឹកថ្ងៃទី ១៣ ខែមករា ឆ្នាំ២០២៣នេះថា…
ខេត្តតាកែវ ៖ លោកឧត្តមសេនីយ៍ត្រី មាស តេន ស្នងការរងនគរបាលខេត្តតាកែវទទួលផែនសន្តិសុខ បានប្រាប់កោះសន្តិភាពកាលពីព្រឹកថ្ងៃទី ១៣ ខែមករា ឆ្នាំ២០២៣នេះថា លោកនឹងហៅម្ចាស់ហ្វេសបុកផេកដែលមាន«ឈ្មោះ ហង្ស សំណាង»បានចុះផ្សាយលើការអនុវត្តរបស់រដ្ឋបាលខេត្តតាកែវ ស្តីពីការរុះរើសំណង់សាងសង់ខុសច្បាប់នៅជាប់ជើងភ្នំដំរីរមៀល ស្ថិតនៅភូមត្រពាំងសោម ឃុំត្រពាំងធំខាងត្បូង ស្រុកត្រាំកក់ ខេត្តតាកែវ កាលពីថ្ងៃទី១១ ខែមករា ឆ្នាំ២០២៣ ដោយបានកាត់តរូបភាពថ្នាក់ដឹកនាំ និងសរសេរលើរូបភាព ដោយមានខ្លឹមសារទាំងស្រុងថា ៖
«គួរឱ្យសង្វេកណាស់ ប្រជាពលរដ្ឋម្នាក់ស្លា.ប់នៅពេលសមត្ថកិច្ច និងអភិបាលរងខេត្តតាកែវ ចុះរុះរើដីចំការរបស់គាត់» ។ ដោយការសរសេរបែបនេះជាការបំប៉ោងនិងបំភ្លើសនូវព័ត៌មានមិនពិត ធ្វើឱ្យមហាជននៅក្នុងបណ្តាញសង្គមហ្វេសបុក កំពុងមានការយល់ច្រឡំទៅលើអាជ្ញាធរមានសមត្ថកិច្ចយ៉ាងខ្លាំង និងធ្វើអោយប៉ះពាល់ដល់កិត្តិយសរបស់ថ្នាក់ដឹកនាំផងដែរ ។
ក្នុងនោះស្នងការដ្ឋាននគរបាលខេត្តតាកែវ ក៏បានបំភ្លឺលើករណីនេះ ជូនឯកឧត្តម អ៊ូច ភា អភិបាលនៃគណៈអភិបាលខេត្តតាកែវ ដូចមានខ្លឹមសារនៅខាងក្រោម ៖
ចែករំលែកព័តមាននេះ