ភ្ញាក់ផ្អើល! ប្រធានក្លិបគោព្រៃ OFF ROADមណ្ឌលគិរី ប្រកាសលាលែងពីតំណែងយ៉ាងតក់ក្រហល់
- មណ្ឌលគិរី
ខេត្តមណ្ឌលគិរី ៖ ខណៈការប្រកួតកីឡាប្រណាំងរថយន្តខ្នាតអន្តរជាតិ ត្រូវចាប់ផ្ដើមនៅព្រឹកថ្ងៃទី១៣
ខេត្តមណ្ឌលគិរី ៖ ខណៈការប្រកួតកីឡាប្រណាំងរថយន្តខ្នាតអន្តរជាតិ ត្រូវចាប់ផ្ដើមនៅព្រឹកថ្ងៃទី១៣
ខេត្តមណ្ឌលគិរី ៖ ខណៈការប្រកួតកីឡាប្រណាំងរថយន្តខ្នាតអន្តរជាតិ ត្រូវចាប់ផ្ដើមនៅព្រឹកថ្ងៃទី១៣ ដល់១៥ មករា ២០២៣ ប្រធានក្លិបគោព្រៃ OFF-ROAD មណ្ឌលគិរី នារសៀលថ្ងៃទី១២ មករា ឆ្នាំ២០២៣ បានសម្រេចដាក់ពាក្យលាឈប់ជាប្រធានក្លិប និងផ្អាកការចូលរួមប្រកួត ដែលបង្កឲ្យមានការភ្ញាក់ផ្អើលយ៉ាងខ្លាំងដល់មហាជនរស់នៅខេត្តមណ្ឌលគិរី ដែលទន្ទឹងរង់ចាំទស្សនាព្រឹត្តិការណ៍នេះយ៉ាងអន្ទះសារ។
យោងតាមលិខិតដែលអ្នកយកព័ត៌មានទទួលបាននាថ្ងៃទី១២ មករា មានខ្លឹមសារទាំងស្រុងថា សូមជម្រាបជូនថ្នាក់ដឹកនាំ សមាជិកសមាជិការ ក្លិបរថយន្តគោព្រៃ OFF-ROAD មណ្ឌលគិរី និងសាធារណជន ។ កម្មវត្ថុសុំលាឈប់ពីប្រធានក្លិបរថយន្តគោព្រៃ OFF-ROAD មណ្ឌលគិរី និងការអវត្តមានចូលរួមប្រកួតក្នុងព្រឹត្តិការណ៍ប្រណាំងយានយន្ត សន្តិភាព ខេត្តមណ្ឌលគិរី ២០២៣ ។
លិខិតដដែលបន្តថា សេចក្ដីដូចបានចែងក្នុងកម្មវត្ថុខាងលើ ខ្ញុំបាទឈ្មោះ សាន់ ដារិទ្ធិ ជាប្រធានក្លិបរថយន្តគោព្រៃ OFF-ROAD មណ្ឌលគីរី សុំលាឈប់ពីប្រធានក្លិបរថយន្តគោព្រៃ OFF-ROAD មណ្ឌលគិរី ចាប់ពីពេលជូនដំណឹងនេះតទៅ ។ ដូចនេះ ករណីមានបញ្ហាអ្វីកើតឡើងក្នុងក្លិប ក៏ដូចជាទីតាំងរបស់ក្លិបរថយន្តគោព្រៃ OFF-ROAD មណ្ឌលគិរី ស្ថិតក្នុងទីលាន12 Motor Park ខ្ញុំបាទពុំដឹងលឺ ឬទាក់ទងអ្វីទាំងអស់ ។
ដោយឡែក ចំពោះខ្ញុំជាកីឡាករប្រណាំងរថយន្ត OFF-ROAD ដែលមានលេខសម្គាល់រថយន្ត 101 ក្រុម Hard core ក្នុងព្រឹត្តិការណ៍ប្រណាំងយានយន្ត សន្តិភាព ខេត្តមណ្ឌលគិរី ២០២៣ ខាងមុខនេះ ក៏ខ្ញុំមិនបានចូលរួមប្រកួតដែរ ដោយសារតែមានបញ្ហាសុខភាពត្រូវពិនិត្យបន្ទាន់ ។ ដូចនេះ ខ្ញុំបាទសូមទោស និងសូមយោគយល់ពីសំណាកថ្នាក់ដឹកនាំ និងសមាជិក សមាជិការ ក្នុងក្លិប រថយន្តគោព្រៃ OFF-ROAD មណ្ឌលគិរី និងសាធារណៈជនទូទាំងខេត្តមណ្ឌលគិរី ។
សូមបញ្ជាក់ថា លោក សាន់ ដារិទ្ឋ គឺជាបុគ្គលដ៏សំខាន់មួយរូបដែលនាំឲ្យកើតមានព្រឹត្តិការណ៍ប្រណាំងរថយន្តខ្នាតអន្តរជាតិខាងលើនេះ ។ មិនត្រឹមប៉ុណ្ណោះលោកក៏ជាកីឡាករដ៏ឆ្នើមក្នុងការប្រកួតរថយន្តឆ្លងកាត់ឧបសគ្គ ហើយធ្លាប់ទទួលបានពានរង្វាន់លេខមួយ ជាច្រើនលើក ទាំងនៅក្នុងប្រទេស និងនៅប្រទេសថៃជាដើម ៕
ចែករំលែកព័តមាននេះ