មន្ត្រីស្ថានទូតខ្មែរនៅប្រទេសម៉ាឡេស៊ី បានបន្តជួយពលករខ្មែរ១៦នាក់
រាជធានីភ្នំពេញ ៖ យោងតាមសម្ដីលោក ជុំ សុន្ទរី អ្នកនាំពាក្យក្រសួងការបរទេសកម្ពុជា កាលពីថ្ងៃទី១០ខែកក្កដា ឆ្នាំ២០១៧ បានអះអាងថា
រាជធានីភ្នំពេញ ៖ យោងតាមសម្ដីលោក ជុំ សុន្ទរី អ្នកនាំពាក្យក្រសួងការបរទេសកម្ពុជា កាលពីថ្ងៃទី១០ខែកក្កដា ឆ្នាំ២០១៧ បានអះអាងថា
រាជធានីភ្នំពេញ ៖ យោងតាមសម្ដីលោក ជុំ សុន្ទរី អ្នកនាំពាក្យក្រសួងការបរទេសកម្ពុជា កាលពីថ្ងៃទី១០ខែកក្កដា ឆ្នាំ២០១៧ បានអះអាងថា ស្ថានឯកអគ្គរាជទូតកម្ពុជាប្រចាំប្រទេសម៉ាឡេស៊ី បានអន្តរាគមន៍ដោះស្រាយបញ្ហា និងរៀបចំមាតុភូមិនិវត្តន៍របស់ពលករ-ពលការិនីខ្មែរចំនួន១៦នាក់ តាមករណីដូចខាងក្រោម។ ១-ពលករចំនួន១៤នាក់ មកពីស្រុកសណ្តាន់ ខេត្តកំពង់ធំ ត្រូវបានមេខ្យល់បោកបញ្ឆោតនាំទៅធ្វើការនៅលើទូកនេសាទថៃ កាលពីឆ្នាំ២០១៦។ ដោយសារធ្វើការលំបាកពេក នៅពេលទូកនេសាទ ចូលចតកំពង់ផែនៅរដ្ឋSarawak ប្រទេសម៉ាឡេស៊ី នៅខែមករា ឆ្នាំ២០១៧ ពលករទាំង១៤នាក់បានលួចរត់ចេញពីទូក។ អាជ្ញាធរម៉ាឡេស៊ី ចាត់ទុកករណីនេះ ជាការជួញដូរមនុស្ស ហើយបានបញ្ជូនពលករទាំងនោះ ទៅរដ្ឋ Melaka ដើម្បីធ្វើការស៊ើបអង្កេតតាមនីតិវិធី។
សំណុំរឿង ត្រូវបានបញ្ចប់នៅដើមខែកក្កដា ឆ្នាំ២០១៧នេះ។ ក្នុងរយៈពេលស៊ើបអង្កេត ស្ថានទូតបានផ្តល់អ្នកបកប្រែ ជួបសួរសុខទុក្ខពលករ និងផ្តល់លិខិតបើកផ្លូវជូនពលករចំនួន២នាក់ ដែលពុំមានលិខិតឆ្លងដែន។ ពលករទាំង១៤រូប បានមកដល់អាកាសយានដ្ឋានអន្តរជាតិភ្នំពេញ នៅថ្ងៃទី០៩ ខែកក្កដា ឆ្នាំ២០១៧ វេលាម៉ោង៣ និង៥៥នាទីល្ងាច តាមជើងយន្តហោះ AK534។ ២-ពលការិនី ឈ្មោះ ឡា ផល្លី អាយុ៣៩ឆ្នាំ មកពីខេត្តសៀមរាប បានទៅម៉ាឡេស៊ីខុសច្បាប់ដោយខ្លួនឯង និងធ្វើការងារតាមផ្ទះ កាលពីថ្ងៃទី១៨ ខែធ្នូ ឆ្នាំ២០១៦។ ម្តាយនិយោជករបស់ពលការិនីបានទទួលមរណៈភាព ដូចនេះនិយោជកបានយល់ព្រមឲ្យគាត់ត្រលប់មកកម្ពុជាវិញជាមួយនឹងប្រាក់ខែគ្រប់ចំនួន។ ពលការិនីបានទៅស្ថានទូតនៅថ្ងៃទី៣០ ខែមិថុនា ឆ្នាំ២០១៧ ស្នើសុំជួយឲ្យបានត្រលប់មកកម្ពុជាវិញ។
ស្ថានទូតបានសម្របសម្រួលជាមួយការិយាល័យអន្តោប្រវេសន៍ម៉ាឡេស៊ី ហើយពលការិនី ឡា ផល្លី បានមកដល់អាកាសយានដ្ឋានខេត្តសៀមរាប នៅថ្ងៃទី០៨ ខែកក្កដា ឆ្នាំ២០១៧ វេលាម៉ោង ២ និង០៥នាទីរសៀល តាមជើងយន្តហោះ AK540។ ៣-ពលការិនី ឈ្មោះ ប៉ែន សុខហេង អាយុ២៧ឆ្នាំ មកពីស្រុកអូរឬស្សី ខេត្តក្រចេះ បានទៅម៉ាឡេស៊ីដោយខុសច្បាប់តាមរយៈមេខ្យល់ និងធ្វើការងារតាមផ្ទះ កាលពីថ្ងៃទី២៤ ខែកក្កដា ឆ្នាំ២០១៥។
ពលការិនីបានទទួលប្រាក់ខែគ្រប់ចំនួនពីនិយោជក ហើយដោយសារចង់ត្រលប់មកកម្ពុជាវិញ នាងបានទៅស្ថានទូតនៅថ្ងៃទី០៤ ខែកក្កដា ឆ្នាំ២០១៧។ ស្ថានទូតបានសម្របសម្រួលជាមួយការិយាល័យអន្តោប្រវេសន៍ ហើយពលការិនី ប៉ែន សុខហេង បានមកដល់អាកាសយានដ្ឋានអន្តរជាតិភ្នំពេញ នៅថ្ងៃទី០៨ ខែកក្កដា ឆ្នាំ២០១៧ វេលាម៉ោង ០៧និង៣៥នាទីព្រឹក តាមជើងយន្តហោះ AK536។ ក្នុងអំឡុងពេលរង់ចាំត្រលប់មកកម្ពុជាវិញ ស្ថានទូតបានផ្តល់កន្លែងស្នាក់នៅ និងអាហារបរិភាគ សម្រាប់ពលការិនីទាំងពីរនាក់ខាងលើផងដែរ៕
ចែករំលែកព័តមាននេះ