គណៈកម្មាធិការគណបក្សប្រជាជនកម្ពុជាប្រចាំប្រទេសបារាំង រួមទាំងសមាជិក សមាជិកាយ៉ាងច្រើនកុះករ ក្នុងទឹកចិត្តសប្បាយរីករាយ និងក្នុងឆន្ទៈគាំទ្រយ៉ាងពេញទំហឹង ចំពោះគណបក្សប្រជាជនកម្ពុជា ដោយបានប្រារព្ធខួបអនុស្សាវរីយ៏លើកទី៦៦ ឆ្នាំថ្ងៃបង្កើតគណបក្ស និងដើម្បីអបអរសាទរនូវជ័យជំនះក្នុងការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៤ កន្លងមកថ្មីៗ ។
ពិធីខាងលើធ្វើនៅក្នុងទីក្រុងប៉ារីស ស្ថិតក្រោមអធិបតីភាពនិងជាកិត្តិយសដ៏ខ្ពង់ខ្ពស់របស់លោកជំទាវឧបនាយករដ្ឋមន្ត្រី ម៉ែន សំអន សមាជិកគណៈអចិន្ត្រៃយ៍គណបក្សប្រជាជនកម្ពុជា និងជារដ្ឋមន្ត្រីក្រសួងទំនាក់ទំនងជាមួយរដ្ឋសភាព្រឹទ្ធសភា និងអធិការកិច្ច ដោយអមជាមួយលោកបណ្ឌិត ចែម វីឌ្យ៉ា ប្រធានគណកម្មាធិការគណបក្សប្រចាំប្រទេសបារាំង លោកជំទាវ ខេង សំវ៉ាដាប្រាក់សុខុន និងលោក ហួត ហាក់ ប្រធានក្រុមការងាររៀបចំអង្គការចាត់តាំងយុវជនគណបក្សប្រចាំនៅទ្វីបអឺរ៉ុប តំណាងឯកឧត្តម ហ៊ុន ម៉ាណែត និងបងប្អូនប្រជាពលរដ្ឋខ្មែរ សមាជិក សមាជិការនិងប្អូនៗ ជាយុវជនចូលរួមយ៉ាងច្រើនកុះករប្រមាណ៣០០នាក់ ។
ផ្សាភ្ជាប់ជាមួយស្នាដៃធំៗជាច្រើនបស់គណបក្សប្រជាជនកម្ពុជា ក្រោមការដឹកនាំរបស់សម្តេចអគ្គមហាសេនាបតីតេជោហ៊ុន សែន ធ្វើឱ្យប្រទេសមានស្ថេរភាពនយោបាយ សុខសន្តិភាព ជាលទ្ធផលបងប្អូនប្រជាពលរដ្ឋខ្មែរទាំងក្នុងនិងក្រៅប្រទេស នៅតែបន្តគាំទ្រគណបក្សប្រជាជនកម្ពុជាយ៉ាងខ្លាំងក្លា និងប្តេជ្ញាចិត្ត ដើរតាមមាគ៌ាគណបក្សប្រជាជនកម្ពុជាCPP។
ចែករំលែកព័តមាននេះ