បុរស២នាក់យកទូរស័ព្ទដៃនារីម្នាក់សម្រេចរត់បាត់ តែចប់ត្រឹមនាងតាមរកទាល់តែឃើញ
- ភ្នំពេញ
ជនសង្ស័យ២នាក់បានធ្វើសកម្មភាពឆក់ទូរស័ព្ទពីនារីម្នាក់ដែលអង្គុយនៅលើម៉ូតូ ហើយចុចទូរស័ព្ទ បានសម្រេច តែត្រូវនារីរងគ្រោះ
ជនសង្ស័យ២នាក់បានធ្វើសកម្មភាពឆក់ទូរស័ព្ទពីនារីម្នាក់ដែលអង្គុយនៅលើម៉ូតូ ហើយចុចទូរស័ព្ទ បានសម្រេច តែត្រូវនារីរងគ្រោះ
រាជធានីភ្នំពេញ ៖ ជនសង្ស័យ២នាក់បានធ្វើសកម្មភាពឆក់ទូរស័ព្ទពីនារីម្នាក់ដែលអង្គុយនៅលើម៉ូតូ ហើយចុចទូរស័ព្ទ បានសម្រេច តែត្រូវនារីរងគ្រោះជិះដេញតាមពីក្រោយ និងស្រែកថា «ចោរៗ» ក៏ត្រូវកម្លាំងកងរាជអាវុធហត្ថឃាត់ខ្លួនបានភ្លាមៗតែម្ដង បង្កឱ្យមានការភ្ញាក់ផ្អើលកាលពីវេលាម៉ោង០៧យប់ ថ្ងៃទី១១ ខែមករា ឆ្នាំ២០២២ នៅចំណុចមុខផ្ទះគ្មានលេខ ផ្លូវបេតុង ស្ថិតក្នុងភូមិដើមស្លែង សង្កាត់ច្បារអំពៅ២ ខណ្ឌច្បារអំពៅ ។
ជនសង្ស័យទាំងពីរដែលកម្លាំងអាវុធហ្ថតឃាត់បានខាងលើនេះ ទី១- ឈ្មោះ អ៊ាន សំណាង ហៅអាប្រុស អាយុ២៣ឆ្នាំ មុខរបរមិនពិត ស្នាក់នៅភូមិដើមស្លែង សង្កាត់ច្បារអំពៅទី២ ខណ្ឌច្បារអំពៅ និងទី២- ឈ្មោះ សំ រតនា ហៅអាជ្រូក អាយុ២៦ឆ្នាំ មុខរបរចុងភៅ ស្នាក់នៅផ្លូវ៣៥៧ សង្កាត់ច្បារអំពៅទី២ ខណ្ឌច្បារអំពៅ ។
បើតាមប្រភពព័ត៌មានពីនារីរងគ្រោះបានឲ្យដឹងថា មុនពេលកើតហេតុ រូបគាត់បានអង្គុយចាំបុរសជាសង្សាដើម្បីទៅញ៉ាំអីនៅលើម៉ូតូ ហើយចុចទូរស័ព្ទ ភ្លាមៗនោះក៏ស្រាប់តែមានជនសង្ស័យ២នាក់ជិះម៉ូតូមួយគ្រឿងម៉ាកហុងដា Beat ពណ៌ខៀវលាយ.ស ពាក់ស្លាកលេខ ភ្នំពេញ1HQ-2121 ធ្វើដំណើរតាមបណ្ដោយផ្លូវបេតុង ទិសដៅពីលិចទៅកើត។
នារីរងគ្រោះបន្តថា គ្រានោះគ្នាវាម្នាក់ទៀតបានចុះពីលើម៉ូតូមកធ្វើសកម្មភាពឆក់យកទូរស័ព្ទ iPhone.12.Pro Max បានសម្រេច រួចឡើងជិះម៉ូតូរត់គេចខ្លួនបាត់ស្រមោល។ លុះដល់ម៉ោង៧យប់ថ្ងៃកើតហេតុដដែល ជនរងគ្រោះបានជិះម៉ូតូស្វែងររកជនសង្ស័យ រហូតមកដល់ចំណុចស្ពានព្រះមុន្នីវង្ស ក៏ឃើញជនសង្ស័យ ហើយក៏បានស្រែកថា «ចោរៗ» ឲ្យប្រជាពលរដ្ឋជួយចាប់រហូតមកដល់ចំណុចខាងមុខក្រសួងវប្បធម៍ និងវិចិត្រសិល្បៈ នៅតាមបណ្ដោហផ្លូវព្រះនរោត្តម ធ្វើឲ្យជនសង្ស័យភ័យស្លន់ស្លោក៏បានជ្រុលចង្កូតបុករថយន្តមួយគ្រឿង ម៉ាកតូយូតា ហាយឡែន ក៏ត្រូវបានកម្លាំងកងរាជអាវុធហត្ថខណ្ឌចំការមន ឃាត់ខ្លួនបានតែម្តង។
បន្ទាប់ពីកម្លាំងឃាត់បាន ក៏នាំខ្លួនមកមូលដ្ឋានកងរាជអាវុធហត្ថខណ្ឌចំការមនរួចមក ក៏មានកម្លាំងប៉ុស្តិ៍ច្បារអំពៅទី២ ចុះមកយកឯកសារដែលជនសង្ស័យទាំងពីរនាក់នេះធ្លាប់ធ្វើសកម្មភាពកន្លងមកដែរ មានទាំងឆក់ និងប្លន់ផងដែរ។
បច្ចុប្បន្នកម្លាំងកងរាជអាវុធហត្ថ បាននាំខ្លួនជនសង្ស័យទាំង២នាក់ រួមទាំងម៉ូតូធ្វើសកម្មភាពយកទៅមូលដ្ឋានកងរាជអាវុធហត្ថខណ្ឌចំការមន ដើម្បីសាកសួរ និងកសាងសំណុំរឿងចាត់ការតាមនីតិវីធី៕
ចែករំលែកព័តមាននេះ