ADផ្ទាំងផ្សព្វផ្សាយពាណិជ្ជកម្ម

Picture

លឺ​សូរ​សំឡេង​ស្រឺ​ប​ៗ ស្មាន​តែ​មេឃ​រលឹម លុះ​ម្ចាស់ផ្ទះ​ចុះ​រក​មើលឃើញ​ផ្សែង​ខ្មួលខ្មាញ់​ផ្អើល

2 អាទិត្យ មុន
  • ភ្នំពេញ

ផ្អើល​អស់​ប្រជាពលរដ្ឋ និង​កម្លាំង​អាវុធហត្ថ​ចុះ​ជួយ​អន្តរាគមន៍​បា.ញ់​ទឹក​ពន្លត់ ខណៈ​ផ្ទះ​លក់​ធ្យូង​មួយ​កន្លែង ស្រាប់តែ​ឃើញ​មាន​ហុយផ្សែង​ឡើង​ខ្មួលខ្មាញ់​ចេញពី​គំនរ​ធ្យូង ដែល​ស្តុ​ប​ទុក​ក្នុងផ្ទះ បង្ក​ឱ្យ​មានការ​ភ្ញាក់ផ្អើល

រាជធានី​ភ្នំពេញ ៖ បើ​តាម​សេចក្តីរាយការណ៍​បានឱ្យ​ដឹង​ថា ផ្អើល​អស់​ប្រជាពលរដ្ឋ និង​កម្លាំង​អាវុធហត្ថ​ចុះ​ជួយ​អន្តរាគមន៍​បាញ់​ទឹក​ពន្លត់ ខណៈ​ផ្ទះ​លក់​ធ្យូង​មួយ​កន្លែង ស្រាប់តែ​ឃើញ​មាន​ហុយផ្សែង​ឡើង​ខ្មួលខ្មាញ់​ចេញពី​គំនរ​ធ្យូង ដែល​ស្តុ​ប​ទុក​ក្នុងផ្ទះ បង្ក​ឱ្យ​មានការ​ភ្ញាក់ផ្អើល​កាលពី​វេលា​ម៉ោង​៤​និង​៣០​នាទី​ទៀប​ភ្លឺ​ឈាន​ចូល​ថ្ងៃ​ទី​១២ ខែមករា ឆ្នាំ​២០២៣ នៅ​ចំណុច​ផ្ទះ​លេខ​៩A ផ្លូវ​បេតុង ស្ថិត​ក្នុងភូមិ​ទ្រា ក្រុម​១២ សង្កាត់​ស្ទឹង​មាន​ជ័យ​ទី​១ ខណ្ឌមានជ័យ​។

Picture

សេចក្តីរាយការណ៍​បន្ត​ថា ម្ចាស់ផ្ទះ​ខាងលើ​នេះ មានឈ្មោះ យ៉ុ​ត យ៉េ​ង​លី ភេទ​ប្រុស អាយុ​៤៩​ឆ្នាំ មុខ​របរ​លក់​ធ្យូង ស្នាក់​នៅផ្ទះ​កើតហេតុ​ខាងលើ​។

តាម​ប្រភព​ពី​ម្ចាស់ផ្ទះ​បានអោយ​ដឹង​ថា មុន​ពេល​កើតហេតុ ពួក​គាត់ និង​ក្រុម​គ្រួសារ​កំពុង​តែ​សម្រាន្ត​លង់លក់​ក្នុង​ដំណេក ហើយ​ស្រប​ពេល​នោះ​ក៏​លឺ​សូរ​សំឡេង​ស្រឺ​ប​ៗ ដោយ​មាន​ម​ទ្ទិល​សង្ស័យ ហើយ​​ស្មាន​តែ​មេឃ​ភ្លៀងរលឹម តែ​មានអី​ដល់​ពេល​ចុះ​មក​ក្រោម​រក​មើល ក៏​ស្រាប់តែ​ឃើញ​មាន​ផ្សែង​ហុយ​ឡើង​ខ្មួលខ្មាញ់​ចេញពី​បន្ទប់​ចំហៀង​ផ្ទះ ដែល​ពួក​គាត់​គរ​ធ្យូង​ទុក​លក់ ដោយ​មិនដឹង​មូលហេតុ​នោះ​ទេ ហើយ​នាំ​គ្នា​ឆោឡោ​ថា មាន​ភ្លើង​ឆេះ ទើប​មាន​អ្នកខ្លះ​ជួយ​ដឹក​ជញ្ជូន​ធ្យូង​ចេញ អ្នកខ្លះ​ទៀត​យក​បំពង់​ពន្លត់​អគ្គិភ័យ​មក​បាញ់ និង​អ្នកខ្លះ​ផ្សេង​ទៀត​ត​.​ទុយោ​ទឹក​មក​បាញ់ តែ​ដោយសារ​ស្ថាន​ភាព​រងើកភ្លើង​ដែល​ឆេះ​ចេញពី​ធ្យូង​នោះ​នៅ​តែ​មាន​ផ្សែង​ងុំ​នៅឡើយ ទើប​អាជ្ញាធរ​សង្កាត់​បាន​ចុះ​ទៅ​សុំ​ជំនួយ​រថយន្ដ​ពន្លត់​បង្ការ​អគ្គិភ័យ​របស់​បញ្ជាការដ្ឋាន កងរាជអាវុធហត្ថ​រាជធានី​ភ្នំពេញ ចេញ​អន្តរាគមន៍​ចំនួន​៣​គ្រឿង និង​បាន​ធ្វើការ បាញ់​ទឹក​អស់​ចំនួន​២​គ្រឿង ទើប​ធ្វើ​អោយ​ភ្លើង​រលត់​ទៅ​វិញ​នៅ​វេលា​ម៉ោង​៥​និង​៥០​នាទី​ព្រឹក​ថ្ងៃ​ដដែល​វិញ​។

Picture

គួរ​បញ្ជាក់​ផង​ដែរ​ថា ពាក់ព័ន្ធ​ក្នុង​ករណី​ខាងលើ​នេះ​ដែរ សមត្ថកិច្ច​ក៏​បានអោយ​ដឹង​ថា មិន​មានការ​ឆេះ​រីក​រាល​ដល់​ផ្ទះ​អ្នក​ដទៃ​នោះ​ទេ ហើយ​ក៏​មិន​បង្ក​គ្រោះថ្នាក់​ដល់​មនុស្ស​ដែរ គឺ​គ្រាន់តែ​ឆេះ​អស់​ធ្យូង​មួយ​ចំនួន​តែ​ប៉ុណ្ណោះ​។ ចំពោះ​មូលហេតុ សមត្ថកិច្ច​កំពុង​តែ​ធ្វើការ​ស្រាវជ្រាវ​ជា​បន្ត​ទៀត​។

Picture
Picture
Picture
Picture
Picture
Picture
Picture
SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023