អនិច្ចា! បើករថយន្តចេញពីភោជនីយ៍ដ្ឋានរេចង្កូតធ្លាក់ចូលទឹកស្រះ មនុស្ស៤នាក់ជួបគ្រោះ
- ភ្នំពេញ
បុរសម្នាក់បានស្លា.ប់បាត់បង់ជីវិត បន្ទាប់ពីបើករថយន្តធ្លាក់ចូលទឹកស្រះ ចំណែក៣នាក់ទៀតត្រូវបាន
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បុរសម្នាក់បានស្លា.ប់បាត់បង់ជីវិត បន្ទាប់ពីបើករថយន្តធ្លាក់ចូលទឹកស្រះ ចំណែក៣នាក់ទៀតត្រូវបានប្រជាពលរដ្ឋជួយសង្គ្រោះទាន់ពេលវេលា ហើយក៏នាំគ្នារត់គេចខ្លួនបាត់ស្រមោលអស់តែម្តង ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង១១យប់ ថ្ងៃទី១១ ខែមករា ឆ្នាំ២០២៣ ស្ថិតនៅចំណុចភូមិកៅ ក្នុងឃុំបែកចាន ស្រុកអង្គស្នូល ខេត្តកណ្តាល។
សេចក្តីរាយការណ៍បន្តថា ស.ពជនរងគ្រោះខាងលើមានឈ្មោះ ស៊ុន រដ្ឋា ភេទប្រុស អាយុ៤១ឆ្នាំ មានស្រុកកំណើតនៅស្រុកបាភ្នំ ខេត្តព្រៃវែង បច្ចុប្បន្នរស់នៅភូមិថ្មី សង្កាត់ឡាបានសៀក ក្រុងបានលុង។
តាមប្រភពព័ត៌មានបានពីកន្លែងកើតហេតុបានបញ្ជាក់ប្រាប់ឱ្យដឹងថា មុនពេលកើតហេតុ គេបានឃើញរថយន្តរងគ្រោះម៉ាកឡិចស៊ីស RX 470 ពណ៌ខ្មៅ ពាក់ស្លាកលេខ ភ្នំពេញ2G-5128 ជិះគ្នាចំនួន៤នាក់ ដោយបើកបរតាមផ្លូវលំចេញពីអាហារដ្ឋាន (ព្រះច័ន្ទរះ) ទិសដៅពីលិចទៅកើតក្នុងល្បឿនលឿន ខណៈពេលមកដល់ចំណុចស្រះទឹក ក៏បានរេចង្កូតទៅផ្នែកខាងឆ្វេង ហើយក៏ជ្រុលបុកដើមកាសខ្យា បណ្ដាលអោយខ្ទាតធ្លាក់ចូលស្រះទឹកដែលមានជម្រៅជ្រៅតែម្តង ។
ប្រភពដដែលបន្តថា ពេលក៏លឺសំឡេងស្រែកហៅអោយជួយៗផង ភ្លាមៗនោះប្រជាពលរដ្ឋជាច្រើននៅជិតខាងឃើញហេតុការណ៍ ក៏នាំគ្នាចុះហែលទៅជួយសង្គ្រោះបានស្រី្តម្នាក់ និងបុរសចំនួន២នាក់ឱ្យរួចផុតពីគ្រោះថ្នាក់ ចំណែកម្នាក់ទៀតបានលង់លិចបាត់ស្រមោលរកមិនឃើញឡើយ ទើបបង្កឲ្យមានការភ្ញាក់ផ្អើលយ៉ាងខ្លាំងដល់សមត្ថកិច្ចមូលហេតុ និងទាក់ទងរាយការណ៍ទៅផ្នែកជំនាញអង្គភាព៩១១ភ្លាមៗ។ ចំណែកជនរងគ្រោះទាំង៣នាក់ដែលរួចផុតពីគ្រោះថ្នាក់នោះបាននាំគ្នារត់គេចខ្លួនបាត់ស្រមោលចេញពីកន្លែងហេតុ ដោយមិនបាននៅបំភ្លឺនៅហេតុការណ៍ខាងលើនោះទេ។
ប្រភពដដែលបន្តទៀតថា បន្ទាប់មកទើបខាងសង្គ្រោះ៩១១ ចុះទៅមុជទឹករុករក ក៏ឃើញស.ពជនរងគ្រោះនៅវេលាម៉ោង២ជាងរំលងអធ្រាត្រ ដោយប្រើរយៈពេលត្រឹមតែកន្លះម៉ោងប៉ុណ្ណោះ ហើយក៏ស្រង់ស.ពជនរងគ្រោះមកដាក់លើគោក និងបានធ្វើការឆែកឆេរ ក៏រកឃើញអត្តសញ្ញាណប័ណ្ណជាប់ខ្លួនស.ពជនរងគ្រោះ និងលុយមួយចំនួនផងដែរ បន្ទាប់មកសមត្ថកិច្ចផ្នែកជំនាញយកទៅរក្សាទុក។
តាមប្រភពព័ត៌មានពីប្រជាពលរដ្ឋមួយចំនួនទៀតបាននិយាយថា មុនពេលកើតហេតុ គេឃើញរថយន្តរងគ្រោះបើកចេញពីកន្លែងភោជនីយ៍ដ្ឋាន «ព្រះច័ន្ទរះ» ហើយក៏ជួបគ្រោះថ្នាក់តែម្ដងទៅ។
ក្រោយពេលហេតុ ស.ពជនរងគ្រោះត្រូវបានផ្នែកជំនាញហៅរថយន្តមកវេចខ្ចប់រួចតម្កល់ទុកលើរថយន្តសាមុយឯកជនបណ្ដោះអាសន្ន ដើម្បីរង់ចាំសាច់ញាតិក្រុមគ្រួសារមកទទួលយកទៅធ្វើបុណ្យតាមប្រពៃណីនៅពេលក្រោយ ចំណែករថយន្តរងគ្រោះវិញ ត្រូវខាងជំនាញស្ទូចយកទៅរក្សាទុកនៅសាលាស្រុកអង្គស្នូល រង់ចាំស្រាវជ្រាវបន្តទៀត៕
ចែករំលែកព័តមាននេះ