ជនសង្ស័យម្នាក់ត្រូវបាននគរបាលស្រុកកណ្តាលស្ទឹង ចាប់វា.យខ្នោះ បន្ទាប់ពីផឹកចំស្រាកា.ច ហើយក៏យកដំបង កាំប៉ិត ខ្សែក្រវ៉ាត់ ដេញវា.យគេឯងបណ្តាលអោយរងរបួសចំនួន
ខេត្តកណ្តាល ៖ ជនសង្ស័យម្នាក់ត្រូវបាននគរបាលស្រុកកណ្តាលស្ទឹង ចាប់វា.យខ្នោះ បន្ទាប់ពីផឹកចំស្រាកា.ច ហើយក៏យកដំបង កាំប៉ិត ខ្សែក្រវ៉ាត់ ដេញវា.យគេឯងបណ្តាលអោយរងរបួសចំនួន២នាក់។ ហេតុការណ៍នេះបានកើតឡើងនៅថ្ងៃទី០៨ ខែមករា ឆ្នាំ២០២៣ វេលាម៉ោង១៩និង០២នាទីយប់ នៅចំណុចផ្ទះជួល ស្ថិតក្នុងភូមិជ័យជំនះ ឃុំសៀមរាប ស្រុកកណ្ដាលស្ទឹង ខេត្តកណ្ដាល។
ជនរងគ្រោះខាងលើ ទី១- ឈ្មោះ យួន រ៉ា ភេទប្រុស អាយុ៤១ឆ្នាំ មុខរបរកម្មកររោងចក្រ ស្នាក់នៅផ្ទះជួលភូមិជ័យជំនះ ឃុំសៀមរាប ស្រុកកណ្ដាលស្ទឹង ខេត្តកណ្ដាល និងទី២- ឈ្មោះ នៅ សាវ៉េ ភេទប្រុស អាយុ២៨ឆ្នាំ មុខរបរកម្មកររោងចក្រ ស្នាក់នៅផ្ទះជួល ស្ថិតក្នុងភូមិជ័យជំនះ ឃុំសៀមរាប ស្រុកកណ្ដាលស្ទឹង ខេត្តកណ្ដាល។ ចំណែកជនសង្ស័យវិញ មានឈ្មោះ ខាត់ សារ៉ាយ ភេទប្រុស អាយុ២៥ឆ្នាំ កម្មកររោងចក្រ ស្នាក់នៅផ្ទះជួល ស្ថិតក្នុងភូមិជ័យជំនះ ឃុំសៀមរាប ស្រុកកណ្ដាលស្ទឹង ខេត្តកណ្ដាល។
បើតាមនគរបាលស្រុកកណ្តាលស្ទឹង បានប្រាប់អោយដឹងថា នៅថ្ងៃទី០៨ ខែមករា ឆ្នាំ២០២៣ មុនពេលកើតហេតុ ជនសង្ស័យបានផឹកស៊ីជាមួយមិត្តភក្តិដែលស្នាក់នៅផ្ទះជួលទល់មុខគ្នានៅក្នុងបន្ទប់របស់ឈ្មោះ វិត វ៉ាន់ថា រហូតផឹកស្រាបៀរអស់មួយកេសក៏នាំគ្នាឈប់ផឹកទៅ។ ហើយជនសង្ស័យបានដើរទៅបន្ទប់ជួលរបស់ខ្លួនវិញ ពេលនោះជនសង្ស័យបានស្រែកជេរអ្នកជិតខាង ហើយក៏បានទាក់ទ្វារបន្ទប់របស់ជនរងគ្រោះឈ្មោះ នៅ សាវ៉េ ចំនួន០២ជើង រួចដើរទៅបន្ទប់វិញ។
ប្រភពដដែលបន្តថា លុះមួយសន្ទុះក្រោយមក ជនសង្ស័យក៏បានត្រឡប់មកបន្ទប់របស់ជនរងគ្រោះឈ្មោះ នៅ សាវ៉េ វិញ ហើយក៏បានយកស្នូកសំរាមរកវា.យជនរងគ្រោះ តែត្រូវបានអ្នកជិតខាងជួយឃាត់ រួចនាំជនសង្ស័យទៅបន្ទប់វិញ។ ភ្លាមៗនោះ ជនសង្ស័យបានយកដែកទីបជ្រុងកាន់នឹងដៃ រួចដើរសំដៅទៅបន្ទប់ជនរងគ្រោះម្តងទៀត ដោយឃើញដូចនោះជនរងគ្រោះ និងប្រពន្ធក៏បាននាំគ្នារត់ចេញបាត់តែម្តងទៅ។
ប្រភពដដែលបន្តទៀតថា ចំណែកជនសង្ស័យវិញក៏បានយកកាំបិតប៉័ងតោគប់ទៅលើជនរងគ្រោះ ពេលនោះជនសង្ស័យក៏បានឃើញជនរងគ្រោះម្នាក់ទៀតឈ្មោះ យួន រ៉ាក កំពុងអង្គុយលើធុងទឹកកក ភ្លាមៗនោះជនសង្ស័យរកវា.យទៅលើជនរងគ្រោះឈ្មោះ យួន រ៉ា តែជនរងគ្រោះឈ្មោះ យួន រ៉ា បានស្រែកថា «កូនច្រឡំមនុស្សហើយ ឪទេ មិនមែនអាស្វិតទេ» ហើយជនសង្ស័យបានស្រែកថា «អ្នកណាបាំងមុខអញៗវ៉ៃទាំងអស់» ។ ភ្លាមនោះជនសង្ស័យបានស្ទុះមកវា.យលើជនរងគ្រោះឈ្មោះ យួន រ៉ា មួយដៃចំសៀកថ្កាខាងឆ្វេង និងមួយដៃទៀតចំក្រោមភ្នែកខាងស្ដាំ បណ្តាលអោយហើមជាំ និងបានច្រានជនរងគ្រោះបុកនឹងទ្វារដែកតែម្តង ហើយគ្រានោះត្រូវបានអ្នកជិតខាង និងកម្លាំងប្រជាការពារ ចូលទៅឃាត់ដែរ តែជនសង្ស័យមិនព្រមស្តាប់នោះទេ ថែមទាំងប្រវា.យប្រតប់ជាមួយកម្លាំងប្រជាការពារទៀត។
ប្រភពដដែលបន្តទៀតថា ពេលនោះកម្លាំងប្រជាការពារ ក៏បានរាយការណ៍ជូនសមត្ថកិច្ចប៉ុស្តិ៍នគរបាលរដ្ឋបាលសៀមរាប ក្រោយទទួលបានព័ត៌មានភ្លាម កម្លាំងប៉ុស្តិ៍នគរបាលរដ្ឋបាលសៀមរាប ក៏បានចុះទៅដល់កន្លែងកើតហេតុ ហើយឃាត់ខ្លួនជនសង្ស័យបញ្ជូនមកកាន់អធិការដ្ឋាននគរបាលស្រុកកណ្ដាលស្ទឹង ដើម្បីកសាងសំណុំរឿងចាត់ការតាមនីតិវិធីច្បាប់៕
ចែករំលែកព័តមាននេះ