លើសកូតាកីឡាករបរទេស! Al Nassr ចែកផ្លូវជាមួយ Aboubakar ដើម្បីអាចចុះឈ្មោះ Ronaldo
អារ៉ាប៊ីសាអូឌីត ៖ ក្លិបបាល់ទាត់ Al Nassr បានសម្រេចចិត្តចែកផ្លូវជាមួយកីឡាករ Vicent
អារ៉ាប៊ីសាអូឌីត ៖ ក្លិបបាល់ទាត់ Al Nassr បានសម្រេចចិត្តចែកផ្លូវជាមួយកីឡាករ Vicent
អារ៉ាប៊ីសាអូឌីត ៖ ក្លិបបាល់ទាត់ Al Nassr បានសម្រេចចិត្តចែកផ្លូវជាមួយកីឡាករ Vicent Aboubakar ដើម្បីអាចមានសិទ្ធិចុះឈ្មោះកីឡាករ Cristiano Ronaldo ដែលជាសមាជិកថ្មីរបស់ខ្លួន សម្រាប់ការបង្ហាញខ្លួន ការប្រកួតជាមួយក្រុមនៅលីគកំពូលអារ៉ាប៊ីសាអូឌីត (Saudi Pro League) មួយនេះ។
កំពូលខ្សែប្រយុទ្ធព័រទុយហ្គាល់ Cristiano Ronaldo បានក្លាយជាកីឡាករពេញសិទ្ធិរបស់ក្លិប Al Nassr បន្ទាប់ពីសម្រេចការផ្ទេរជាផ្លូវការ កាលពីថ្ងៃទី៣០ ខែធ្នូ ឆ្នាំ២០២២ ដោយគ្មានតម្លៃខ្លួន (Free Transfer) ហើយភាគីទាំង២ បានចុះហត្ថលេខាលើកុងត្រារយៈពេល២ឆ្នាំកន្លះ ដែលជាមួយកុងត្រានេះ Ronaldo ក្លាយជាកីឡាករទទួលបានថ្លៃនឿយហត់ខ្ពស់បំផុត មិនធ្លាប់មានក្នុងប្រវត្តិសាស្ត្របាល់ទាត់ ពោលប្រមាណ ២១០លានដុល្លារអាមេរិក នៅក្នុងមួយឆ្នាំ។
ទោះយ៉ាងណាក៏ដោយ រហូតមកទល់ពេលនេះ អតីតខ្សែប្រយុទ្ធក្រុម Manchester United, Real Madrid និង Juventus វ័យ៣៧ឆ្នាំរូបនេះ នៅតែមិនទាន់អាចបញ្ចេញសមត្ថភាពលើទីលានសម្រាប់ Al Nassr នៅឡើយទេ ព្រោះក្រុមមិនទាន់មានកន្លែងទំនេរសម្រាប់ Ronaldo ដោយសារលើសចំនួនកូតាកីឡាករបរទេស។
បច្ចុប្បន្ន Al Nassr មានកីឡាករបរទេសសរុបចំនួន ៨នាក់ ដែលរួមមាន អ្នកចាំទីកូឡុំប៊ី David Ospina ខ្សែការពារកូដឌីវ័រ Ghislain Konan ខ្សែការពារអេស្ប៉ាញ Álvaro González ខ្សែបម្រើអាហ្សង់ទីន Gonzalo Nicolás Martínez ខ្សែបម្រើប្រេស៊ីល Luiz Gustavo និង Talisca ខ្សែប្រយុទ្ធកាមេរូន Vincent Aboubakar ខ្សែប្រយុទ្ធអ៊ូសបេគីស្ថាន Jaloliddin Masharipov។ ចំណែក Ronaldo គឺជាកីឡាករបរទេសទី៩ ខណៈកូតាកីឡាករបរទេស នៅលីគបាល់ទាត់អារ៉ាប៊ីសាអូឌីត កំណត់បានត្រឹមតែ ៨នាក់ប៉ុណ្ណោះ។
ទោះយ៉ាងណាមិញ Ronaldo នៅតែត្រូវខកខានការប្រកួតលីគកំពូល Saudi Pro League ចំនួន២ប្រកួតដំបូងរបស់ខ្លួន ស្ថិតក្រោមបម្រាមរបស់សហព័ន្ធបាល់ទាត់អង់គ្លេស ដោយសារកីឡាកររូបនេះ បានទះទូរស័ព្ទអ្នកគាំទ្រ Everton ធ្លាក់ពីដៃ កាលពីខែមេសាកន្លងទៅ។ យោងតាមបទប្បញ្ញត្តិរបស់ FIFA ស្តីពីស្ថានភាព និងការផ្ទេរកីឡាករ ការដាក់ទណ្ឌកម្មរហូតដល់៤ប្រកួត ដែលត្រូវបានដាក់ចេញដោយអតីតសមាគមបាល់ទាត់ ដែលកីឡាកររូបនោះ បានប្រកបអាជីព នៅត្រូវតែអនុវត្តដោយសមាគមបាល់ទាត់ថ្មី»។
ដោយឡែក យោងតាមប្រភពពីសារព័ត៌មាន SPORTbible បានចេញផ្សាយកាលពីថ្ងៃទី០៧ ខែមករា បានឱ្យដឹងថា ក្លិប Al Nassr បានសម្រេចចិត្តបញ្ចប់កិច្ចសន្យារបស់ខ្សែប្រយុទ្ធ Vicent Aboubakar ដើម្បីយកកន្លែងទំនេរ សម្រាប់កីឡាករចំណូលថ្មី Cristiano Ronaldo។
ខ្សែប្រយុទ្ធ Vicent Aboubakar បានផ្លាស់ពីក្លិប Beşiktaş មកចូលរួមជាមួយ Al Nassr កាលពីថ្ងៃទី០៨ ខែមិថុនា ឆ្នាំ២០២១ ដោយគ្មានតម្លៃខ្លួន រូបគេបានចុះកុងត្រារយៈពេល៣ឆ្នាំ ទទួលបានថ្លៃនឿយហត់ ៦លានអឺរ៉ូក្នុងមួយឆ្នាំ ដោយបង្ហាញខ្លួនសរុបចំនួន ៣៩ប្រកួត និងស៊ុតបញ្ចូលបាន ១៣គ្រាប់ផងដែរ៕
ចែករំលែកព័តមាននេះ