អនាគតរបស់ Ronaldo ខ្សែប្រយុទ្ធសំណព្វចិត្ត Real Madrid នឹងលាតត្រដាងនៅសប្តាហ៍ក្រោយ
តាមប្រភពព័ត៌មាន Metro បានឲ្យដឹងថា កីឡាករល្បីជើងស៊ុតបញ្ជូលទីរបស់ក្រុមអធិរាជស Real Madrid គឺកីឡារករ Cristiano Ronaldo
តាមប្រភពព័ត៌មាន Metro បានឲ្យដឹងថា កីឡាករល្បីជើងស៊ុតបញ្ជូលទីរបស់ក្រុមអធិរាជស Real Madrid គឺកីឡារករ Cristiano Ronaldo ត្រូវបានគេរំពឹងថា នឹងស្រាយបំភ្លឺពីអនាគតរបស់ខ្លួននៅសប្តាហ៍ក្រោយ ។
តាមរយៈការចុះផ្សាយរបស់កាសែត The Time បានផ្សាយថា Real Madrid កំពុងរៀបចំឯកសារខ្លះៗដើម្បីឲ្យ Ronaldo ស្រាយបញ្ជាក់ពីស្ថានភាពរបស់ខ្លួន ។ ភាពស្រពេចស្រពិលរបស់ Ronaldo នឹងត្រូវបញ្ចប់យ៉ាងយូរត្រឹមអាទិត្យក្រោយ ។ ជាពិសេសរឿងដែលថា Ronaldo ចង់ចាកចេញពីក្រុមដោយសារតែបញ្ហាចោទប្រកាន់មិនបង់ពន្ធក៏នឹងត្រូវបកស្រាយដែរ ។
កីឡាកររូបនេះក៏មានការអាកអន់ស្រពន់ចិត្តទៅនឹងការមិនសូវជួយជ្រោមជ្រែងពីសំណាក់ក្រុម និងអ្នកគាំទ្រក្រុមនៅពេលខ្លួនជួបទុក្ខខណៈដែលខ្លួនខិតខំយ៉ាងខ្លាំងដើម្បីជួយក្រុមឲ្យឈ្នះក្នុងការប្រកួតកន្លងមក ។ ជារួមមកអ្វីៗនឹងត្រូវត្រដាងឲ្យបានច្បាស់នៅសប្តាហ៍ក្រោយ ។ សូមរង់ចាំទទួលដំណឹងទាំងអស់គ្នា ៕
ចែករំលែកព័តមាននេះ