សម្ដេចក្រឡាហោម ស ខេង តម្រូវឱ្យកីឡាករ-កីឡាការិនីក្រសួងមហាផ្ទៃទាំងអស់ធ្វើតេស្តរកសារធាតុញៀ.នជាចាំបាច់
- ភ្នំពេញ
រាជធានីភ្នំពេញ ៖ នាព្រឹកថ្ងៃទី០៥ មករា ឆ្នាំ២០២៣ សម្ដេចក្រឡាហោម ស ខេង ឧបនាយករដ្ឋមន្ដ្រី
រាជធានីភ្នំពេញ ៖ នាព្រឹកថ្ងៃទី០៥ មករា ឆ្នាំ២០២៣ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ និងជាប្រធានក្រុមប្រឹក្សាកីឡាក្រសួងមហាផ្ទៃបានអញ្ជើញជួបសំណេះសំណាល ជាមួយថ្នាក់ដឹកនាំប្រតិភូ គ្រូបង្វឹក និងកីឡាករ-កីឡាការិនី នៃអគ្គលេខាធិការដ្ឋានក្រុមប្រឹក្សាកីឡាក្រសួងមហាផ្ទៃដែលដណ្តើមបានមេដាយក្នុងការប្រកួតកីឡាជាតិលើកទី៣នៅសាលមជ្ឈមណ្ឌលជាតិហ្វឹកហ្វឹនកីឡាក្នុងបរិវេណសាកលវិទ្យាល័យភូមិន្ទភ្នំពេញ។
សម្ដេចក្រឡាហោម ស ខេង បានមានប្រសាសន៍ក្នុងឱកាសនោះថា ជាការពិតណាស់បច្ចុប្បន្ននេះវិស័យកីឡារបស់ព្រះរាជាណាចក្រកម្ពុជាកំពុងមានការរីកចម្រើនគួរឲ្យកត់សម្គាល់។
ដោយឡែកវិស័យកីឡាក្នុងកងកម្លាំងនគរបាលជាតិក៏មានសន្ទុះខ្លាំងក្លា ទាំងក្នុងការប្រកួតក្របខណ្ឌជាតិ និងអន្តរជាតិ ។ កត្តាទាំងអស់នេះ គឺដោយមានការជួយឧបត្ថម្ភ និងការគាំទ្រ ជ្រោមជ្រែងយកចិត្តទុកដាក់ និងកិច្ចសហការពីភាគីពាក់ព័ន្ធនានា ព្រមទាំងការប្តេជ្ញាចិត្តខ្ពស់របស់ថ្នាក់ដឹកនាំ និងមន្ត្រីគ្រប់លំដាប់ថ្នាក់នៃអគ្គលេខាធិការដ្ឋាន ធានាបាននូវប្រសិទ្ធភាពការងារ និងគុណភាពនៃការបណ្ដុះបណ្ដាលធនធានកីឡាករ-កីឡាការិនី ស្របតាមស្ដង់ដារកំណត់។
ជាមួយគ្នានេះដែរ សម្ដេចក្រឡាហោមបានតម្រូវឱ្យកីឡាករ-កីឡាការិនីក្រសួងមហាផ្ទៃទាំងអស់ ត្រូវធ្វើតេស្តរកសារធាតុញៀ.នជាចាំបាច់មុននឹងចូលរួមជាមួយក្រុមកីឡាករ-កីឡាការិនីក្រសួងមហាផ្ទៃ ។ ប្រសិនបើកីឡាករ-កីឡាការិនីពិនិត្យរកឃើញសារធាតុទាំងនោះ គឺមិនអនុញ្ញាតឲ្យក្លាយជាអត្តពលិកក្រសួងមហាផ្ទៃឡើយ ៕
ចែករំលែកព័តមាននេះ