លោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ រួមជាមួយលោក សួន សុធា ប្រធានក្រុមប្រឹក្សា TVស្រុក និងលោក កៅ វគ្គសែល អភិបាលនៃគណៈអភិបាលស្រុកត្រាំកក់ បានអញ្ជើញប្រកាស
ខេត្តតាកែវ ៖ នារសៀលថ្ងៃទី០៣ ខែមករា ឆ្នាំ២០២៣ លោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ រួមជាមួយលោក សួន សុធា ប្រធានក្រុមប្រឹក្សា TVស្រុក និងលោក កៅ វគ្គសែល អភិបាលនៃគណៈអភិបាលស្រុកត្រាំកក់ បានអញ្ជើញប្រកាសផ្លាស់ប្ដូរ និងចូលកាន់មុខតំណែងជា មេបញ្ជាការមូលដ្ឋានស្រុកត្រាំកក់។
ពិធីនេះក៏មានការអញ្ជើញចូលរួមដោយលោកមេបញ្ជាការរងកងរាជអាវុធហត្ថខេត្ត លោកប្រធាន អនុប្រធានមន្ទីរ ចំណុះបញ្ជាការដ្ឋានកងរាជអាវុធហត្ថខេត្ត នាយការិយាល័យ លោកមេបញ្ជាការមូលដ្ឋានក្រុងស្រុកទាំង១០ និងពលទាហាន នាយទាហាន ទាហានរង លោកអធិការនគរបាលស្រុក លោកមេប៉ុស្តិ៍រដ្ឋបាលឃុំ មេឃុំ និងមន្ត្រីរាជការពាក់ព័ន្ធជាច្រើនរូបផងដែរ។
លោកអនុសេនីយ៍ឯក ឡេង ផាត ពីមេបញ្ជាការរងមូលដ្ឋានស្រុកត្រាំកក់ តែងតាំងជាមេបញ្ជាការមូលដ្ឋានស្រុកត្រាំកក់ថ្មី ជំនួស លោកវរសេនីយ៍ត្រី ឡា អ៊ឹមរ៉ន មេបញ្ជាការមូលដ្ឋានស្រុកត្រាំកក់ ត្រូវបានដកចេញពីដំណែង។
លោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវបានមានប្រសាសន៍ផ្តាំផ្ញើសាកសួសុខទុក្ខពីសំណាក់នាយឧត្តមសេនីយ៍ សៅ សុខា មេបញ្ជាការរងកងយោធពលខេមរភូមិន្ទ នឹងជាមេបញ្ជាការកងរាជអាវុធហត្ថលើផ្ទែប្រទេស ក៏ដូចជាលោក អ៊ូច ភា អភិបាលខេត្តតាកែវ នឹងជាប្រធានគណៈបញ្ជារការឯកភាពខេត្តថា កងរាជអាវុធហត្ថយើងជាមន្ត្រីអនុវត្តច្បាប់មិនត្រូវអោយបទល្មើសកើតមានឡើងនៅក្នុងមូលដ្ឋានរបស់ខ្លួនឡើយព្រោះកន្លងមក ហាក់មិនបានអនុវត្តទៅតាមតួនាទីរបស់ខ្លួនសោះ ធ្វើអោយបទល្មើសចោរឆក់ ចោរដើរគាស់ផ្ទះរបស់ប្រជាពលរដ្ឋយកទ្រព្យសម្បត្តិជាញឹកញាប់ តែកម្លាំងមូលដ្ឋានស្រុកមិនបានបង្ក្រាបជនសង្ស័យបានម្នាក់សោះ។
លោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្ត ក៏បានផ្តាំផ្ញើដល់មេបញ្ជាការមូលដ្ឋានស្រុកត្រាំកក់ថ្មី ត្រូវតែសហការគ្នាធ្វើការជាមួយសមត្ថកិច្ចនគរបាលស្រុកដើម្បីទប់ស្កាត់ ឬបង្ក្រាបមុខសញ្ញាជួញដូគ្រឿងញៀ.ន និងប្រើប្រាស់គ្រឿ.ងអោយអស់ពីមូលដ្ឋាន ដើម្បីការពារសន្តិសុខជូនដល់ប្រជាពលរដ្ឋរបស់យើង។
ទន្ទឹមនឹងការបង្ក្រាបករណីគ្រឿងញៀ.ននោះអស់ លោកត្រូវតាមស្រាវជ្រាវមុខសញ្ញាក្រុមក្មេងទំនើងដែលជិះម៉ូតូធ្វើសកម្មភាពឆប់តាមផ្លូវសាធារណៈ និងក្រុមចោរដើរគាស់ផ្ទះរបស់ប្រជាពលរដ្ឋអោយផងដែរ គឺដើម្បីភូមិ-ឃុំមានសុវត្ថិភាពនៅមូលដ្ឋានជូនប្រជាពលរដ្ឋយើងមិនមានការភ័យខ្លាច។
ចែករំលែកព័តមាននេះ