ខេត្តតាកែវ ៖ ថ្នាក់ដឹកនាំ និងមន្ត្រីនគរបាលជាតិទាំងអស់ នៃស្នងការដ្ឋាននគរបាលខេត្ត បានចូលរួមរំលែកមរណទុក្ខដ៏ក្រៀមក្រំបំផុតជាមួយលោកស្រី ព្រំ មុំ ភរិយាស.ពលោកឧត្តមសេនីយ៍ត្រី អ៊ុក ច័ន្ទកុសល ស្នងការរងនគរបាលខេត្ត ទទួលផែនការងារអន្តោប្រវេសន៍ ដែលបានទទួលមរណភាពកាលពីថ្ងៃទី៣ ខែមករា ឆ្នាំ២០២៣ ដោយសារជំងឺលើសសម្ពាធឈា.ម (គាំងបេះដូង) ។
មន្ត្រីនគរបាលខេត្តបានឱ្យដឹងថា លោកស្នងការរង អ៊ុក ច័ន្ទកុសល សម្រាកនៅតែក្នុងបន្ទប់់ធ្វើការរបស់គាត់ទេ ដោយសារផ្ទះរបស់គាត់នៅឯភ្នំពេញពិបាកទៅមក ។ លុះនៅថ្ងៃកើតហេតុ លោកបានចូលសម្រាកពេលយប់ក្នុងបន្ទប់ដោយចាក់សោពីក្នុង ហើយមិនបានចេញក្រៅមកហូបអីសោះ បើទោះបីទូរស័ព្ទហៅចូលក៏មិនលើកដែរ រហូតដល់ម៉ោងបាយថ្ងៃត្រង់ក៏មិនឃើញគាត់ចេញក្រៅទៀត ធ្វើឱ្យគ្រប់គ្នាកាន់តែមានការសង្ស័យថែមទៀត ។
មន្ត្រីនគរបាលខេត្តបានបន្តថា បើទោះបីជាមានការសង្ស័យក៏ដោយ ក៏មិនមាននរណាហ៊ានគោះទ្វារនោះទេ គ្រាន់តែដឹងថា ទូរស័ព្ទចូលហើយមិនលើកទូរស័ព្ទ ។ លុះរហូតដល់ម៉ោងប្រមាណ៤ល្ងាច ទើបលោកស្នងការ បង្កើតគណៈកម្មការមួយ ដើម្បីគាស់ទ្វារបន្ទប់ចូលមើល ស្រាប់តែឃើញគាត់ស្លា.ប់ ដែលស.ពមានសភាពរឹងបាត់ទៅហើយ ។
បើតាមការធ្វើកោសល្យវិច័យរបស់គ្រូពេទ្យ ក៏ដូចជាមន្ត្រីជំនាញបង្ហាញថា លោកឧត្តមសេនីយ៍ អ៊ុក ច័ន្ទកុសល គឺស្លា.ប់តាំងពីម៉ោងប្រមាណ៤ទៀបភ្លឺម្ល៉េះ ហើយរហូតដល់ម៉ោង៤ល្ងាចទើបយើងគាស់ទ្វារចូលទៅមើល និងបានដឹង ដូច្នេះមានរយៈពេល១២ម៉ោងទៅហើយទើបបានជាស.ពរឹងនោះ ។ ក្រោយពេលពិនិត្យរួច ក៏បានប្រគល់ស.ពឲ្យទៅក្រុមគ្រួសារដឹកយកទៅធ្វើបុណ្យនៅសង្កាត់ទួលទំពូង រាជធានីភ្នំពេញតាមប្រពែណី ។
គួរបញ្ជាក់ថា លោកឧត្តមសេនីយ៍ត្រី អ៊ុក ច័ន្ទកុសល បានចូលកាន់តំណែងជាស្នងការរងនគរបាលខេត្តតាកែវ ទទួលផែនអន្តោប្រវេសន៍មានរយៈពេល៧ឆ្នាំមកហើយ និងដូរស្នងការ៣ររូបមកហើយរហូតដល់ថ្ងៃដែលលោកទទួលមរណភាពនេះ ៕
ចែករំលែកព័តមាននេះ