ក្រសួងមហាផ្ទៃដណ្ដើមបានមេដាយច្រើនជាងគេពីការប្រកួតគុនល្បុក្កតោជើងឯកថ្នាក់ជាតិ
- ភ្នំពេញ
រាជធានីភ្នំពេញ ៖ ការប្រកួតកីឡាគុនល្បុក្កតោជ្រើសរើសជើងឯកថ្នាក់ជាតិឆ្នាំ២០២២ បានប្រកាស
រាជធានីភ្នំពេញ ៖ ការប្រកួតកីឡាគុនល្បុក្កតោជ្រើសរើសជើងឯកថ្នាក់ជាតិឆ្នាំ២០២២ បានប្រកាស
រាជធានីភ្នំពេញ ៖ ការប្រកួតកីឡាគុនល្បុក្កតោជ្រើសរើសជើងឯកថ្នាក់ជាតិឆ្នាំ២០២២ បានប្រកាសបិទជាផ្លូវការកាលពីល្ងាចថ្ងៃទី៣០ ធ្នូ ឆ្នាំ២០២២ នៅលើទីលានសាកលវិទ្យាល័យភូមិន្ទភ្នំពេញ ។ ជាលទ្ធផល ក្លិបក្រសួងមហាផ្ទៃដណ្តើមបានមេដាយច្រើនជាងគេ គឺមេដាយមាសរហូតដល់៥គ្រឿង ខណៈក្លិបសុវណ្ណអង្គរនាគរាជខេត្តសៀមរាប ដណ្ដើមបានមេដាយមាស៤គ្រឿងតាមពីក្រោយ។
ឯកឧត្តម កែវ រ៉េមី រដ្ឋមន្ត្រីប្រតិភូអមនាយករដ្ឋមន្ត្រី ជាប្រធានគណៈកម្មាធិការសិទ្ធិមនុស្សកម្ពុជា និងជាអនុប្រធានសហព័ន្ធកីឡាគុនល្បុក្កតោកម្ពុជាតំណាងឲ្យឯកឧត្តមបណ្ឌិតសភាចារ្យ ច័ន្ទ សារុន ប្រធានសហព័ន្ធកីឡាគុនល្បុក្កតោកម្ពុជា និងលោក ប៉ែន វុទ្ធី អនុប្រធាននាយកដ្ឋានអប់រំកាយ និងកីឡាទទួលបន្ទុករួម បានអញ្ជើញចូលរួមជាអធិបតីក្នុងពិធីបិទការប្រកួតកីឡាគុនល្បុក្កតោជ្រើសរើសជើងឯកថ្នាក់ជាតិឆ្នាំ២០២២ នេះ។
លោក អ៊ូ តារា អគ្គលេខាធិការរងសហព័ន្ធកីឡាគុនល្បុក្កតោកម្ពុជា បានប្រាប់ឲ្យដឹងថា សហព័ន្ធកីឡាគុនល្បុក្កតោកម្ពុជាមានកិត្តិយសយ៉ាងធំធេងបានរៀបចំការប្រកួតកីឡាគុនល្បុក្កតោជ្រើសរើសជើងឯកថ្នាក់ជាតិឆ្នាំ២០២២ ដែលជាការប្រកួតធំប្រចាំឆ្នាំ ។ ក្រោមការចង្អុលបង្ហាញពីឯកឧត្តមបណ្ឌិតសភាចារ្យ ច័ន្ទ សារុន ធ្វើឲ្យការប្រកួតដំណើរការដោយរលូន និងទទួលបានជោគជ័យ ។
គណៈកម្មការរៀបចំការប្រកួត បានរៀបចំ ទទួលបន្ទុកការធ្វើដំណើរ ហូបចុក ស្នាក់នៅរបស់ព្រឹទ្ធាចារ្យគ្រូបង្វឹក អាជ្ញាកណ្ដាល ចៅក្រម និងកីឡាករ កីឡាការិនី ចំនួន២៥សាលាគុនដែលមកពី១០រាជធានី-ខេត្ត និង ក្រសួង១ ដោយមាន ប្រតិភូគ្រូបង្វឹក ៤៣រូប កីឡាករ១០២រូប កីឡាការិនី៦៨រូប គណៈកម្មការរៀបចំការប្រកួត ៤៨រូប និងក្រុមការងារស្ម័គ្រចិត្ត ២០រូប សរុប ២៨១រូប ។
លោកបានបន្ថែមថា សម្រាប់ការរៀបចំទីលានប្រកួតត្រូវធ្វើឲ្យបានត្រឹមត្រូវតាមបទដ្ឋានបច្ចេកទេស ដើម្បីសម្រួចទៅដល់ការរៀបចំការប្រកួតក្នុងព្រឹត្តិការណ៍កីឡាស៊ីហ្គេមឆ្នាំ២០២៣
ដែលកម្ពុជាធ្វើជាម្ចាស់ផ្ទះក៏ត្រូវបានការយកចិត្តទុកដាក់ពីថ្នាក់ដឹកនាំសហព័ន្ធផងដែរ ៕
ចែករំលែកព័តមាននេះ