Neymar Jr ចប់មែនទែនហើយលើកនេះ !
ប្រេស៊ីល ៖ តាមប្រភពព័ត៌មាន Goal បានឲ្យដឹងថា ក្រោយពីបានត្រូវ
ប្រេស៊ីល ៖ តាមប្រភពព័ត៌មាន Goal បានឲ្យដឹងថា ក្រោយពីបានត្រូវ
ប្រេស៊ីល ៖ តាមប្រភពព័ត៌មាន Goal បានឲ្យដឹងថា ក្រោយពីបានត្រូវគ្នាជាមួយមិត្តស្រីវិញបានមួយឆ្នាំ Neymar បានប្រកាសថា ស្នេហារបស់ខ្លួនដើរដល់ផ្លូវទាល់សារជាថ្មីម្តងទៀត ។ នាពេលនេះកីឡាករឆ្នើមរបស់ក្រុម Barcelona បានប្រកាសថា ស្នេហារបស់ខ្លួន និងតារាសម្តែងសញ្ជាតិប្រេស៊ីល Bruna Marquezine ត្រូវបានបញ្ចប់ហើយ ។
លោកបានមានប្រសាសន៍ប្រាប់ទៅសារព័ត៌មានទីក្រុង Sao Paulo ក្នុងកម្មវិធីសប្បុរសមួយដែលរៀបចំដោយខ្លួនលោកផ្ទាល់ថា «ខ្ញុំមិនចូលចិត្តនិយាយរឿងផ្ទាល់ខ្លួនចេញទៅខាងក្រៅឲ្យគេដឹងឮឡើយ តែនេះខ្ញុំពិតជាបែកគ្នាជាមួយនឹង Bruna មែន ។ នេះជាកិច្ចព្រមព្រៀងទាំងសងខាងដែលពួកយើងបានសម្រេច ។ នាងគឺជាមនុស្សស្រីដែលខ្ញុំសរសើរច្រើន ហើយខ្ញុំគ្រាន់តែសង្ឃឹមថា នាងនឹងសប្បាយចិត្ត ។ នាពេលនេះស្នេហារបស់យើងបានក្លាយទៅជាមិត្តភក្តិ» ។
គួរបញ្ជាក់ថា Neymar និងមិត្តស្រីនាង Bruna ធ្លាប់បានប្រកាសបញ្ចប់ចំណងស្នេហ៍នៅឆ្នាំ ២០១៤ ម្តងរួចមកហើយ តែក្រោយមកបានត្រូវគ្នាវិញ ។ ឥឡូវនេះគឺចប់មែនទែនហើយ ៕
ចែករំលែកព័តមាននេះ