Manny Pacquiao ត្រៀមកណ្ដាប់ដៃស្វាគមន៍អ្នកប្រដាល់មិនដែលចាញ់ Jeff Horn
ស្តេចប្រដាល់ហ្វ៊ីលីពីន Manny Pacquiao បានធ្វើដំណើរទៅដល់ទីក្រុងBrisbane ប្រទេសអូស្ត្រាលីហើយកាលពីរាត្រីថ្ងៃសៅរ៍ទី២៤ មិថុនា
ស្តេចប្រដាល់ហ្វ៊ីលីពីន Manny Pacquiao បានធ្វើដំណើរទៅដល់ទីក្រុងBrisbane ប្រទេសអូស្ត្រាលីហើយកាលពីរាត្រីថ្ងៃសៅរ៍ទី២៤ មិថុនា
ស្តេចប្រដាល់ហ្វ៊ីលីពីន Manny Pacquiao បានធ្វើដំណើរទៅដល់ទីក្រុងBrisbane ប្រទេសអូស្ត្រាលីហើយកាលពីរាត្រីថ្ងៃសៅរ៍ទី២៤ មិថុនា កន្លងទៅ តាមយន្តហោះឯកជនមួយគ្រឿងអមដំណើរដោយគ្រូបង្វឹក គ្រួសារ និងអ្នកគាំទ្រមកពីហ្វ៊ីលីពីន១៦០នាក់ផ្សេងទៀត ។ Pacquiao នឹងឡើងការពារខ្សែក្រវាត់WBO Welterweight របស់ខ្លួនប្រឆាំងអ្នកប្រដាល់មិនដែលចាញ់អូស្ត្រាលី Jeff Horn ដែលចូលខ្លួនមកដណ្ដើមនៅថ្ងៃទី២ កក្កដា ខាងមុខ នៅសង្វៀន Suncorp រដ្ឋ Queensland ប្រទេសអូស្ត្រាលី ។
អ្នកប្រដាល់កណ្តាប់ដៃរហ័សដូចផ្លេកបន្ទោរ Pacquiao និងជាម្ចាស់ខ្សែក្រវាត់ជើងឯកពិភពលោកច្រើនស្ថាប័ននិយាយថា៖«ខ្ញុំមានជំនឿចិត្តខ្ពស់ក្នុងការប្រកួតដែលត្រូវបានប្រសិទ្ធនាមថា Battle of Brisbane ។ ការហ្វឹកហាត់របស់ខ្ញុំកន្លងទៅល្អប្រសើរ ពួកយើងធ្វើការងារច្រើន ។ ខ្ញុំនឹងប្រឹងឱ្យអស់ពីលទ្ធភាពនៅលើសង្វៀន Brisbane សម្រាប់អ្នកគាំទ្ររបស់ខ្ញុំ » ។
ដោយឡែកគ្រូបង្វឹករបស់ Pacquiao លោក Freddie Roach ដែលធ្លាប់បង្វឹកកីឡាករល្បីលំដាប់ពិភពលោកដូចជាកីឡាករ Mike Tyson, Oscar De La Hoya និង Wladimir Klitschkoមានប្រសាសន៍ថា៖ « Pacquiao នឹងឡើងការពារខ្សែក្រវាត់WBO Welterweight របស់គេបន្ទាប់ពីហ្វឹកហាត់ជារៀងរាល់ថ្ងៃគ្មានថ្ងៃសម្រាក ។ សម្រាប់ការប្រកួតនេះខ្ញុំយល់ឃើញថា ដៃគូរបស់Pacquiao កីឡាករ Jeff Horn ពិតជាខ្លាំងមិនធម្មតា ដូច្នេះអ្នកខ្លាំងប៉ះអ្នកខ្លាំងនឹងធ្វើឱ្យកក្រើកសង្វៀនទាំងមូលមិនខាន » ។
គួរបញ្ជាក់ថា Manny Pacquiao អាយុ៣៨ឆ្នាំ កម្ពស់១,៦៦ម៉ែត្រ ទម្ងន់៦៥គីឡូក្រាម ធ្លាប់ប្រកួត៦៧លើក ឈ្នះ៥៩លើក ចាញ់៦លើក ស្មើ២លើក និងផ្ដួលគូប្រកួតឱ្យសន្លប់៣៨លើក ។ ចំណែក Jeff Horn អាយុ២៩ឆ្នាំ កម្ពស់១,៧៥ម៉ែត្រ ទម្ងន់៦៤គីឡូក្រាម ធ្លាប់ប្រកួត១៧លើកឈ្នះ១៦លើក ស្មើ១លើក មិនដែលចាញ់ និងផ្ដួលគូប្រកួតឱ្យសន្លប់១១លើក ៕
ចែករំលែកព័តមាននេះ