មីយ៉ាន់ម៉ា-ថៃ ៖ ប្រទេសមីយ៉ាន់ម៉ានិងថៃជាច្រករត់ពន្ធគ្រឿងញៀ.នផលិតនៅអាស៊ីអាគ្នេយ៍សំខាន់កាលពីថ្ងៃទី២៦មិថុនា បានដុតចោលគ្រឿងញៀ.នមានតម្លៃជិត១០០០លានអឺរ៉ូជាសញ្ញានៃការប្តេជ្ញាចិត្តប្រឆាំង
មីយ៉ាន់ម៉ា-ថៃ ៖ ប្រទេសមីយ៉ាន់ម៉ានិងថៃជាច្រករត់ពន្ធគ្រឿងញៀនផលិតនៅអាស៊ីអាគ្នេយ៍សំខាន់កាលពីថ្ងៃទី២៦មិថុនា បានដុតចោលគ្រឿងញៀនមានតម្លៃជិត១០០០លានអឺរ៉ូជាសញ្ញានៃការប្តេជ្ញាចិត្តប្រឆាំងការរត់ពន្ធគ្រឿងញៀនដែលកំពុងមានការកើនឡើង ។
នាឱកាសដុតកម្ទេចចោលគ្រឿងញៀនធ្វើនាទិវាពិភពលោកប្រឆាំងគ្រឿងញៀនមេប៉ូលិសមីយ៉ាន់ម៉ាមួយរូបអះអាងថា នេះជាការដុតបំផ្លាញចោលគ្រឿងញៀនក្នុងចំនួនច្រើនបំផុតនៃប្រវត្តិសាស្ត្រមីយ៉ាន់ម៉ា ។
មីយ៉ាន់ម៉ាបច្ចុប្បន្នដឹកនាំដោយរដ្ឋាភិបាលស៊ីវិលក្រោមអំណាចរបស់អតីតមេដឹកនាំប្រឆាំងលោកស្រីអ៊ួងសាន់ស៊ូជី នៅតែជាអ្នកផលិតគ្រឿងញៀនធំមួយក្នុងចំណោមអ្នកផលិតគ្រឿងញៀនធំៗលើពិភពលោកហើយការរត់ពន្ធគ្រឿងញៀននៅតែរីករាលដាល ។
សរុបនៅមីយ៉ាន់ម៉ាអាភៀន ហេរ៉ូអីុន កញ្ឆា និងមេតាំហ្វេតាមីន មានតម្លៃជាង៣៤០លានអឺរ៉ូ ត្រូវដុតកម្ទេចចោល ។ ចំណែកនៅថៃវិញទំហំគ្រឿងញៀនប្រមូលយកទៅដុតចោលមានតម្លៃជាង៥២៦លានអឺរ៉ូ ។
ទាំងថៃទាំងមីយ៉ាន់ម៉ា សុទ្ធតែបង្ហាញពីការសន្យាប្រឆាំងពួកអ្នករត់ពន្ធគ្រឿងញៀនជាមួយប្រតិបត្តិការក្តៅដូចជាការប្រមូលគ្រឿងញៀនយ៉ាងច្រើនដុតចោល កាលពីថ្ងៃទី២៦ មិថុនា និងពីការដាក់ទោសធ្ងន់បំផុតទាំងចំពោះពួកអ្នករត់ពន្ធគ្រឿងញៀនតូចតាច ។
តំបន់ត្រីកោណមាសនៅព្រំដែនឡាវ ថៃ និងភូមា តាំងពីយូរមកហើយ ជាកន្លែងផលិតអាភៀននិងហេរ៉ូអីុនធំជាងគេរហូតដល់អាហ្វហ្គានីស្ថានក្លាយជាអ្នកផលិតធំជាងគេម្តង ។ រដ្ឋសានភាគខាងកើតមីយ៉ាន់ម៉ា ជាកន្លែងដាំអាភៀនខុសច្បាប់ធំជាងគេបំផុតនៅមីយ៉ាន់ម៉ាដែលនៅជាប្រទេសផលិតអាភៀនធំជាងគេទី២លើពិភពលោក ៕
ចែករំលែកព័តមាននេះ